ព័ត៌មានជាតិ
កសិករដាំម្នាស់ដើម្បីរកប្រាក់ចំណូលមកផ្គត់ផ្គង់ជីវភាពគ្រួសារ ឲ្យរឹតតែប្រសើរឡើង
កសិករចំនួន ៥ ភូមិ ក្នុងឃុំទន្លេបិទ ស្រុក/ខេត្តត្បូងឃ្មុំ បានជ្រើសរើសដំណាំដាំម្នាស់វិញម្ដង បន្ទាប់ពីកាប់ដើមចំប៉ីចោលនោះ ដោយសារម្នាស់ងាយដាំ ធននឹងអាកាសធាតុ ឲ្យផលល្អ ងាយលក់ សម្បូណ៌ទីផ្សារច្បាស់លាស់។
មន្ត្រីជំនាញមន្ទីរកសិកម្មខេត្ត អាជ្ញាធរដែនដី បានយកចិត្តទុកដាក់ចុះប្រតិបត្តិការបើកវគ្គបណ្ដុះបណ្ដាលផ្ដល់ចំណេះដឹងផ្នែកកសិកម្មដល់ប្រជាកសិករ ជាហេតុធ្វើឲ្យកសិករឈានទៅសម្រេចលើវិស័យកសិកម្មនាសម័យទំនើបយើងនេះ។ ដែលម្នាស់ប្រភេទ ម្នាស់ស្ករ ម្នាស់បាយ ឬហៅថាម្នាស់ខ្មែរនោះ លើផ្ទៃដីមួយហិកតា វាផ្ដល់ប្រាក់ចំណូកក្នុងមួយឆ្នាំមិនក្រោម ៦ ពាន់ដុល្លារនោះទេ។ ហើយវាបានញាំងឲ្យស្មារតីប្រជាកសិករសប្បាយរីករាយ អឺងកង ក្នុងការប្រមូលផលម្នាស់ ឆ្នាំ ២០២៣ នេះ ម្នាស់ឲ្យផលល្អជាងឆ្នាំទៅទាំងទិន្នផល និងតម្លៃផងដែរ។
លោក ចៅ អំរ៉ុង អាយុ ៤២ ឆ្នាំ រស់នៅក្នុងភូមិភ្នំ ឃុំទន្លេបិទ ស្រុក/ខេត្តត្បូងឃ្មុំ បានបញ្ជាក់ឲ្យដឹងថា ម្នាស់ជារុក្ខជាតិម្យ៉ាង មានដើមព័ទ្ធជុំវិញដោយធាងលាយឡំមានបន្លាដូចធ្មេញរណា ដែលមានផ្លែរាងមូលទ្រវែងបន្តិច ប្រកបដោយរសជាតិជូរអែម និងផ្អែមស្អិត ដូចប្រភេទម្នាស់ស្ករ គឺម្នាស់ខ្មែរយើងសុទ្ធសាធតែម្ដង។
ម្នាស់ដាំមិនរើសដីទេ ទាំងដីស ដីខ្មៅ និងដីក្រហម ។ល។ គឺដាំបានទាំងអស់ តែវាត្រូវការដីទួលស្រស់ទឹក ទើបវាឲ្យផលល្អ វាធននឹងអាកាសធាតុទាំងក្ដៅ និងត្រជាក់ផងដែរ ហើយវាមិនត្រូវការដីដក់ទឹក និងជាំទឹកទេ។ ក្នុងដី ១ ហិកតា យើងដាំបានម្នាស់ចំនួន ៦ ម៉ឺនដើម ជាទូទៅនៅដើមខែ ៣ ខាងមុខនេះ កសិករចាប់ផ្ដើមចុះដាំហើយ ដោយប្រើរយៈពេល ១ ឆ្នាំពេញទើបវាឲ្យផល។ ពេលប្រមូលផល គេលក់គិតជាឡូ ១ ឡូមាន ១២ ផ្លែ ជាប្រភេទលេខ ១ តម្លៃ ២ ម៉ឺន និង ៣ ពាន់រៀល ដែលចែកចេញជា ១១ ប្រភេទ ហើយប្រភេទលេខ ១១ ជាប្រភេទម្នាស់គ្រាប់បែក ក្នុង ១ ថង់ មានចំនួន ៤០ ផ្លែ តម្លៃ ៦ ពាន់រៀល។
លោក អំរ៉ុង បានឲ្យដឹងទៀតថា ចំពោះទីផ្សារម្នាស់មិនពិបាកលក់ទេ មានម៉ូយមកទទួលទិញដល់ទីផ្សារតែម្ដង យកទៅលក់នៅ កំពង់ចាម ត្បូងឃ្មុំ ព្រៃវែង និងទីក្រុងភ្នំពេញ ។ល។ មានទីផ្សារច្បាស់លាស់ ម្នាស់ស្ករ ឬម្នាស់ខ្មែរ ម្នាស់ខេត្តត្បូងឃ្មុំ ប្រកបដោយរសជាតិផ្អែមឆ្ងុយឆ្ងាញ់ ក្នុង ១ ហិកតា វាឲ្យផលបាន ១ ម៉ឺនដុល្លារ កសិករផាត់សោហ៊ុយ ពលកម្ម កសិករអាចរកប្រាក់ចំណូលបានមិនក្រោម ៥ ពាន់ដុល្លារ ក្នុង ១ ឆ្នាំនោះទេ។ ឥលូវកសិករ ចាប់ផ្ដើមបោះបង់ពីការដាំដំឡូង ចំប៉ី មកដាំម្នាស់វិញម្ដងហើយ។
លោក ភិន ឈុន ជាមេឃុំទន្លេបិទ បានឲ្យដឹងដែរថា កសិករដាំម្នាស់មានចំនួន ៥ ភូមិ រួមមាន ភូមិអំពិលជ្រុំ ភូមិភ្នំ ភូមិតាអ៊ុយ ភូមិជ្រោយស្រឡៅ និងភូមិអន្លង់ពោង ដែលមានផ្ទៃដីដាំម្នាស់ចំនួន ៣៥ ហិកតា។ នាពេលកន្លងមកយើងមាន មេភូមិ ក្រុមប្រឹក្សាឃុំ និងមន្ត្រីខាងកសិកម្មខេត្ត បានបើកវគ្គបណ្ដុះបណ្ដាលបង្រៀនដល់កសិករការដាំដំណាំគ្រប់ប្រភេទ និងផ្ដល់បច្ចេកទេស ទាំងការពិនិត្យដី ការប្រើប្រាស់ជីធម្មជាតិ ការប្រើថ្នាំកម្ចាត់សត្វល្អិត ការជ្រើសរើសពូជដំណាំ ការថែរក្សាពូជ ការប្រមូលផល ការវេចខ្ចប់ ជាដើម។ ព្រមទាំងការជ្រើសរើសដំណាំតាមតម្រូវការទីផ្សារ និងដើម្បីផ្គត់ផ្គង់ទីផ្សារផងដែរ។ កត្តាទាំងអស់នេះហើយ ដែលបានជំរុញឲ្យប្រជាកសិករទទួលបាននូវភាពជោគជ័យក្នុងវិស័យកសិកម្មរបស់យើងនេះ៕
អត្ថបទ ៖ សាន វិឡែម
រយៈពេល១ឆ្នាំ ការពង្រីកវិសាលភាពរបស់ ប.ស.ស. ដើរតួរនាទីយ៉ាងសំខាន់ក្នុងកិច្ចគាំពារសុខមាលភាពរបស់ពលរដ្ឋកម្ពុជា
រាជរដ្ឋាភិបាល សម្រេចទទួលស្គាល់ថ្នាលនិងកម្មវិធីរដ្ឋាភិបាលឌីជីថល អភិវឌ្ឍដោយក្រសួងប្រៃសណីយ៍
កម្ពុជា នឹងរៀបចំព្រឹត្តិការណ៍ “ដើរដង្ហែក្បួនដើម្បីពិភពលោកមួយដែលគ្មានមីន – March For A Mine-Free World”
តាមរយៈវេទិកាសាធារណៈ ពលរដ្ឋលើកយកបញ្ហាក្នុងមូលដ្ឋាន ស្នើឲ្យក្រុមប្រឹក្សាខេត្តក្រចេះជួយដោះស្រាយ
ចាប់ខ្លួនជនសង្ស័យគ្រឿងញៀនម្នាក់តាមដីកាតុលាការ
Update៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់
Update៖ ករណីប្រទះឃើញសពស្ត្រីម្នាក់នៅឃុំចំបក់ សមត្ថកិច្ចសន្និដ្ឋានថាអាចមកពីប្រតិកម្មថ្នាំ ខណៈឃាត់ខ្លួនម្ចាស់គ្លីនិកមួយកន្លែងមកសួរនាំ
ឃាត់ខ្លួនក្រុមបងធំរហស្សនាម DP Zin (ដើមពោធិ៍) ក្រោយដេញកាប់យុវជន២នាក់បណ្តាលឲ្យស្លាប់ម្នាក់ និងរបួសធ្ងន់ម្នាក់
នាយករដ្ឋមន្ត្រី ស្នើរដ្ឋសភា ជ្រើសតាំងលោក ប្រាក់ សុខុន ជារដ្ឋមន្ត្រីក្រសួងការបរទេសវិញ
ឆ្លងចរន្តម៉ាស៊ីនត្រជាក់ ឆេះបន្ទប់ជាន់ទី ០១ ក្នុងផ្ទះល្វែង ០១ កន្លែង ខូចខាតស្ទើរទាំងស្រុង
-
ព័ត៌មានជាតិ៦ ថ្ងៃ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ព័ត៌មានជាតិ១ សប្តាហ៍ agoជើងហោះហើរនៅអាកាសយានដ្ឋានសៀមរាបអង្គរ កើនឡើងពី ២០ ជើង ទៅ ៥០ ជើងក្នុងមួយថ្ងៃ
-
ជីវិតកម្សាន្ដ១ ថ្ងៃ agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានអន្ដរជាតិ១ សប្តាហ៍ agoការសិក្សាថ្មី! ភពអ៊ុយរ៉ានូស អាចឲ្យមនុស្សរស់នៅបាន
-
ជីវិតកម្សាន្ដ១ ថ្ងៃ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានជាតិ៦ ថ្ងៃ agoទៅដល់ខេត្តក្រចេះរដូវនេះ! កុំភ្លេចសាករសជាតិសម្លត្រីឆ្កោក រដូវទឹកស្រកសំបូរត្រីចុះតាមព្រែកបឹង
-
ព័ត៌មានអន្ដរជាតិ១ ថ្ងៃ agoជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
-
ព័ត៌មានជាតិ៤ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក