រដ្ឋកាលីហ្វ័រញ៉ា ប្រកាសអាសន្ន ដោយសារព្យុះព្រិលជាប្រវត្តិសាស្ត្រ

កាលពីថ្ងៃព្រហស្បតិ៍ទី០២ខែមីនា អភិបាលរដ្ឋកាលីហ្វ័រញ៉ា លោក Gavin Newsom បានប្រកាសដាក់ភាពអាសន្ននៅក្នុងតំបន់ចំនួន១៣ បន្ទាប់ពីមានព្យុះព្រិលដ៏ខ្លាំងមួយ ដែលបណ្តាលឲ្យមនុស្សជាប់គាំងនៅក្នុងផ្ទះ និងកាត់ផ្តាច់ចរន្តអគ្គិសនីដល់ប្រជាជនរាប់ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាល ក៏បានដាក់ពង្រាយឆ្មាំជាតិ ដើម្បីធ្វើការរួមជាមួយការិយាល័យសេវាសង្គ្រោះបន្ទាន់និងល្បាតផ្លូវហាយវ៉េរដ្ឋកាលីហ្វ័រញ៉ាផងដែរ ដើម្បីជួយក្នុងការឆ្លើយតបគ្រាអាសន្ននៅតាមបណ្តាតំបន់ដែលរងគ្រោះរួមមាន Los Angeles, Nevada, San Bernardino និង Santa Barbara។

នៅក្នុងតំបន់ San Bernardino មនុស្សជាច្រើនបានជាប់នៅក្នុងផ្ទះរបស់ពួកគេច្រើនថ្ងៃ ដោយសារព្យុះដ៏ខ្លាំងខុសពីធម្មតា ដែលបានទម្លាក់ព្រិលដល់ទៅកម្ពស់២.១៣ម៉ែត្រឯណោះនៅកន្លែងខ្លះ។

អាកាសធាតុដ៏អាក្រក់បែបនេះ បានបង្ខំឲ្យមានការបិទផ្លូវហាយវ៉េលេខ១៨ ដែលជាសរសៃឈាមដ៏ធំ ហើយដោយសារតែការផ្គត់ផ្គង់ស្បៀងអាហារ និងទឹកមានកម្រិតទាប, អ្នកស្រុកបានអង្វរលោក Newsom ឲ្យជួយ។

បណ្តាភ្នាក់ងាររដ្ឋ កំពុងសម្របសម្រួលដើម្បីដាក់ពង្រាយរថយន្តឈូសព្រិល និងក្រុមការងារសម្អាតផ្លូវក្នុងចំនួនដ៏ច្រើន។ ប្រជាពលរដ្ឋក្នុងតំបន់ ទំនងជាមិនដែលជួបប្រទះនឹងអាកាសធាតុបែបនេះទេពីមុនមក ខណៈទីក្រុង Anaheim ដែលល្បីល្បាញជាទីតាំងនៃសួនកម្សាន្ត Disneyland មិនធ្លាប់មានព្រិលធ្លាក់សោះចាប់តាំងពីឆ្នាំ១៨៨២មក៕

ប្រែសម្រួល៖ Vann Vann

ប្រភព៖ RT

ចុចអាន៖ ជើងហោះហើរជាង ១ពាន់ នៅអាមេរិក ត្រូវជាប់គាំង ដោយសារព្យុះព្រិលដ៏ធំ