បេឡារុស កាត់ទោសម្ចាស់ពានរង្វាន់ណូបែលសន្តិភាព ឱ្យជាប់ពន្ធនាគារ ១០ឆ្នាំ​

តុលាការបេឡារុសកាលពីថ្ងៃសុក្រ កាត់ទោសលោក Ales Bialiatski ម្ចាស់ពានរង្វាន់ណូបែលសន្តិភាព ឱ្យជាប់ពន្ធនាគាររយៈពេល ១០ឆ្នាំ ក្រោមការចោទប្រកាន់ធ្វើឱ្យខូចសណ្តាប់ធ្នាប់សាធារណៈ និងចូលរួមប្រឆាំងផ្សេងៗទៀតលើរដ្ឋាភិបាល។

កាលពីខែវិច្ឆិកា ឆ្នាំ ២០២២ លោក Bialiatski ត្រូវបានតុលាការចោទប្រកាន់ពាក់ព័ន្ធនឹងសកម្មភាពតវ៉ា រដ្ឋាភិបាលដែលរំខានដល់សណ្តាប់ធ្នាប់សាធារណៈ ខណៈកាលពីឆ្នាំ ២០២១ សកម្មជនសិទ្ធិមនុស្សក្នុងប្រទេសនេះ ក៏ត្រវបានឃុំខ្លួនពាក់ព័ន្ធជាមួយការប្រឆាំង​បន្ទាប់ពីបោះឆ្នោតប្រធានាធិបតីឆ្នាំ ២០២០។

គួរបញ្ជាក់ថា លោក Ales Bialiatski បានទទួលពានរង្វាន់ណូបែលសន្តិភាពឆ្នាំ ២០២២ ប៉ុន្តែ លោកមិនអាចចូលរួមទទួលបានឡើយកាលពីខែធ្នូ ដោយសារលោកជាប់ពន្ធនាគាររួចទៅហើយ។ ដោយឡែក ការ​កាត់​ទោស​ចុង​ក្រោយ​នេះទំនង​ជា​ជំរុញ​ឱ្យ​មាន​ការ​រិះគន់​បន្ថែម​ទៀត​ពី​សហគមន៍​អន្តរជាតិទៅកាន់រដ្ឋាភិបាល​បេឡារុស៕

ប្រែសម្រួលដោយ៖ នាង រតនៈ

ប្រភព៖ NHK

ចុចអានបន្ទាប់៖ ឆេះស្ថានីយស្តុកប្រេងឥន្ធនៈឥណ្ឌូណេស៊ី ស្លាប់មនុស្ស ១៦នាក់