Kimberly ហោះទៅបារាំងដោយផ្ទាល់ ដើម្បីលរ៉ូបរៀបការ

នៅសល់ពេលប្រមាណ ៦ខែទៀត ដល់ថ្ងៃចូលរោងជ័យ តារាសម្ដែង Kimmy Kimberly ហោះទៅបារាំងដោយផ្ទាល់ ដើម្បីលរ៉ូបរៀបការទុកជាស្រេច ធ្វើឱ្យហ្វេនៗកាន់តែអន្ទះសារបន់ឱ្យដល់ថ្ងៃមង្គលរបស់នាងកាន់តែឆាប់។

បន្ទាប់ពីអនាគតកូនកម្លោះ Mark Prin បង្ហើបពីកាលវេលារៀបអាពាហ៍ពិពាហ៍ដែលខ្លួន ​និងគូដណ្ដឹង Kimberly នឹងត្រូវប្រារព្ធឡើងក្នុងខែកញ្ញាខាងមុខ ថ្មីៗនេះទស្សនិកជនប្រទះឃើញអនាគតកូនក្រមុំ បានជិះយន្តហោះពីថៃ ទៅដល់ប្រទេសបារាំង ដើម្បីលរ៉ូបរៀបការ សម្រាប់ស្លៀកក្នុងពិធីមង្គលរបស់នាង។

តាមរយៈ Story ដែល Kimberly បង្ហោះនៅលើបណ្ដាញ IG ទស្សនិកជនបានឃើញជើងរ៉ូបពណ៌ស រួមជាការ Tag ឈ្មោះរបស់ Mark Prin ទៀតផង។ ក្រោយឃើញរូបភាពនេះ គ្រប់គ្នាសុទ្ធតែទាយដឹងថា Kimberly កំពុងតែលរ៉ូបកូនក្រមុំយ៉ាងប្រាកដ ខណៈអ្នកគាំទ្រកំពុងរង់ចាំមើលតារាស្រីរូបនេះ ស្លៀករ៉ូបកូនក្រមុំឆាប់ៗផងដែរ៕

ប្រែសម្រួល៖ សន្យា

ចុចអាន៖ ក្រោយប្រកាសជិតរៀបការ Kimberly បង្ហាញរាងលើកនេះកាន់តែប្លែក

ចុចអាន៖ អ្នកលេងអ៊ីនធឺរណិតទាមទារឱ្យក្រុមតារាស្រីស្អាត ចេញមុខសុំទោស​ Bella