ស្វែងយល់ពីទិវាសិទ្ធិនារីអន្តរជាតិ ៨ មិនា

ទិវាសិទ្ធិនារីអន្តរជាតិឬ International Women’s Day គឺជាព្រឹត្តិការណ៍ប្រចាំឆ្នាំដើម្បីអបអរសាទរសមិទ្ធផលរបស់ស្ត្រី និងលើកកម្ពស់វឌ្ឍនភាពលើសិទ្ធិស្ត្រី ដែលមានតាំងពីចលនាពលកម្មនិងសង្គមនិយមនៃសហរដ្ឋអាមេរិកនៅដើមសតវត្សទី ២០ ជាពិសេសនៅពេលដែលស្ត្រីបានតស៊ូដើម្បីលក្ខខណ្ឌការងារកាន់តែប្រសើរឡើងនិងសិទ្ធិបោះឆ្នោត ។

ការប្រារព្ធពិធីដែលបានកត់ត្រាជាលើកដំបូងគឺនៅឆ្នាំ ១៩១១ នៅប្រទេសអូទ្រីស ដាណឺម៉ាក អាល្លឺម៉ង់ និងស្វីសនៅ ពេលដែលមនុស្សជាងមួយលាននាក់បានប្រមូលផ្តុំគ្នាគាំទ្រដល់សិទ្ធិស្ត្រី។ ចាប់តាំងពីពេលនោះមក ព្រឹត្តិការណ៍នេះមិនត្រឹមតែមានទំហំធំប៉ុណ្ណោះទេ ប៉ុន្តែក៏មានវិសាលភាពដោយផ្តោតទៅលើបញ្ហាជាច្រើនចាប់ពីអំពើហិង្សាលើស្ត្រី រហូតដល់សមភាពស្រ្តីនៅកន្លែងធ្វើការ។

ខណៈពេលដែលគ្មានក្រុមណាមួយអះអាងពីភាពជាម្ចាស់នៃព្រឹត្តិការណ៍នេះ ទើបអង្គការសហប្រជាជាតិតែងតែនាំមុខគេក្នុងការប្រារព្ធពិធីបន្ទាប់ពីការទទួលស្គាល់ជាផ្លូវការក្នុងឆ្នាំ ១៩៧៧ ។ ទោះជាយ៉ាងណាក៏ដោយការប្រារព្ធពិធីធ្វើឡើងនៅ ជុំវិញពិភពលោក ហើយក៏មានប្រទេសមួយចំនួនទទួលស្គាល់ទិវាសិទ្ធិនារីអន្តរជាតិជាថ្ងៃឈប់សម្រាកសាធារណៈរួមទាំងប្រទេសចិន រុស្ស៊ី និងអ៊ូហ្គង់ដា។

ជាមួយនេះ កម្ពុជារៀបចំប្រារព្ធពិធីអបអរសាទរទិវាសិទ្ធិនារីអន្តរជាតិ ៨ មីនា ដែលជាខួបលើកទី ១១២ ឆ្នាំ ២០២៣ ក្រោមមូលបទ ” ស្រ្តីរួមគ្នារក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល “។ នេះបង្ហាញពីសារៈសំខាន់នៃបច្ចេកវិទ្យាសម្រាប់ការលើកកម្ពស់សិទ្ធិស្ត្រី ប៉ុន្តែគម្លាតយេនឌ័រឌីជីថលដែលកំពុងកើនឡើងកំពុងប៉ះពាល់ដល់អ្វីៗគ្រប់យ៉ាងចាប់ពីឱកាសការងាររបស់ស្ត្រី រហូតដល់សុវត្ថិភាពតាមអ៊ីនធឺណិត ៕

ប្រែសម្រួល៖នាងតូច

ចុចអាន៖មកស្គាល់ពីស្ថាបត្យករល្បីឈ្មោះ Kengo Kuma ដែលយកឈើបង្កើតជារូបរាងអគារដ៏ប្រណីតៗ