មកដឹងពី Medusa នារីដ៏ស្រស់ស្អាត ប្រែក្លាយជាបិសាចពស់ក្នុងរឿងទេវកថាប្រទេសក្រិក

ក្រិកជាប្រទេសដែលមានរឿងទេវកថាសម្បូរបែបថែមទាំងមានអាទិទេពស្អាតសង្ហាជាច្រើនទៀតផង បើអ្នកជាមនុស្សដែលចូលចិត្តរឿងទេវកថារបស់ក្រិកប្រាកដជាស្គាល់នាង មេឌូសា (Medusa) មិនខាន ។

Medusa ជាបិសាចមួយក្នុងចំណោមបិសាចពស់ស្រីបីក្បាល ពួកគេជាពពួកបិសាចដែលអាចធ្វើឲ្យភាវរស់ក្លាយជាថ្មបានដោយគ្រាន់តែសម្លឹងភ្នែកប៉ុណ្ណោះ ។ កាលពីមិនទាន់ជាប់បណ្ដាសា Medusa គឺជានារីដ៏ស្រស់ស្អាតខ្លាំងដាច់គេ ជាពិសេសនាងជាស្ត្រីបរិសុទ្ធដែលគោរពបូជាដល់អាទិទេព អាធីណា (Athena) ផងដែរ ។ 

ដោយសារសម្រស់នាង Medusa ស្អាតទាក់ទាញពេកធ្វើឲ្យអាទិទេព ផូសៃដិន (Poseidon ដែលជាអាទិទេពនៃសមុទ្រ ព្យុះ គ្រោះរញ្ជួយដី និងសត្វសេះ) ចាប់ចិត្តស្រឡាញ់នាងដកចិត្តមិនរួច ប៉ុន្តែ Medusa បានបដិសេធ ព្រោះនាងចង់រក្សាភាពបរិសុទ្ធទុកជាការគោរពដល់អាទិទេព អាធីណា រឿងនេះធ្វើឲ្យអាទិទេព ផូសៃដិន ទ្រាំមិនបានក៏ចាប់រំលោភ Medusa នៅកន្លែងទីសក្ការបូជាតែម្ដងទៅ ។

បន្ទាប់ពី Medusa អស់ព្រហ្មចារីអាទិទេព អាធីណា ខឹងនាងជាខ្លាំងទើបដាក់បណ្ដាសាអោយ Medusa ក្លាយជាបិសាចពស់ដែលគ្មាននរណាមកស្រលាញ់បន្តទៀតឡើយ ។ 

គេជឿថាការដាក់បណ្ដាសានេះជាការការពាររបស់អាទិទេព អាធីណា ចំពោះ Medusa ព្រោះទ្រង់មិនអាចដាក់ទោសអាទិទេព ផូសៃដិន បានទេអ្នកខ្លះទៀតថាមកពី Athena ខឹងនឹងនាងទៅវិញ ។

ជាចុងក្រោយ Medusa ត្រូវ ភឺហ្សូស (Perseus) កាត់ក្បាល ហើយនាងបានផ្ដល់កំណើតដល់ Chrysaor និង Pegasus ដែលជាកូនរបស់ ផូសៃដិន ក្នុងគ្រានោះឯង ៕

ប្រែសម្រួល ៖ វារី

ចុចអាន ៖ មកស្គាល់កំពូលអាទិទេព ១០ អង្គ នៅក្នុងទេវកថា ក្រិក