ជីវិតកម្សាន្ដ

លោក លៀក លីដា ថា លោកដាក់តួនាទី ៣ សំខាន់ ក្នុងវិស័យភាពយន្ត

បានផុស

២ years មុន

នៅ

ថ្ងៃព្រហស្បតិ៍ ១៦ មីនា ២០២៣

ដោយ

បច្ចុប្បន្នគេសង្កេតឃើញមានផលិតករភាពយន្តមួយចំនួនបានប្រកាសពីការក្ស័យធនរហូតបិទទ្វារផលិតកម្ម និងខ្លះបានដកឃ្លាពីការផលិតរឿង ដោយយកពេលទៅរកជំនួញផ្សេងៗគ្នា ដើម្បីទ្រទ្រង់សេដ្ឋកិច្ចគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការប្រកាសក្ស័យធន ឬឈានដល់ការបិទទ្វារផលិតកម្មនេះ មានការលើកឡើងថា ដោយសារកត្តាខ្វះការគាំទ្រពីសំណាក់មជ្ឈដ្ឋានពលរដ្ឋខ្មែរ ខណៈភាពយន្តខ្លះត្រូវចំណាយទុនរហូតខ្ទង់រាប់សែនដុល្លារក្នុងការផលិត ប៉ុន្តែនៅពេលចាក់បញ្ចាំងតាមរោងកុន គឺទទួលបានផលចំណេញមិនស្មើដើមវិញទេ។ នេះជាហេតុដែលធ្វើឲ្យផលិតករខ្លះប្រកាសបិទទ្វារតែម្ដង។

ដោយឡែកសម្រាប់លោក លៀក លីដា ដែលជាថៅកែផលិតកម្ម LD និងជាផលិតករមួយរូបផងនោះ បានបង្ហាញជំហរគាំទ្ររាល់ការផលិតភាពយន្តក្នុងស្រុក (រឿងខ្មែរ) ដោយគ្មានការស្ទាក់ស្ទើរឡើយ។ លោក លៀក លីដា បានបញ្ជាក់ថា “ខ្ញុំមិនដែលស្ទាក់ស្ទើរក្នុងការគាំទ្រភាពយន្តខ្មែរដែលមានគុណភាពនោះទេ ចូលរួមគាំទ្រភាពយន្តជាតិយើង។

ដើម្បីទទួលបានគុណភាព ត្រូវបានលោក លៀក លីដា បង្ហាញតួនាទី ៣ សំខាន់ ក្នុងវិស័យភាពយន្តដែលលោកត្រូវមាន។ លោក លៀក លីដា បាននិយាយថា “ក្នុងវិស័យភាពយន្តជាតិ ខ្ញុំដាក់តួនាទីឲ្យខ្លួនឯងសំខាន់ ៣ រួមមាន ៖ ១-ប្រធានសមាគមផលិតករភាពយន្តកម្ពុជា, ២-អ្នកដឹកនាំរឿងដែលមានគុណភាព, ៣-អ្នកតាមលាងពាក្យដែលអ្នកមើលកុនខ្មែរហើយថាកុនខ្មែរអន់មើលមិនកើត។

ជាមួយគ្នានេះ ផលិតករលោក លៀក លីដា បានលើកឡើងបន្ថែមថា ដូច្នេះសូមកុំវាយជារួមអី សូមបងប្អូនវាយតម្លៃតែចំពោះទៅបានហើយ។

យ៉ាងណាមិញកន្លងមកក៏មានការលើកឡើងថា វិស័យភាពយន្តកម្ពុជា បានងើបឡើងវិញបន្តិច ក្រោយពីរាំងស្ទះដំណើរការទីផ្សារ និងផលិត ដោយសារវិបត្តិជំងឺកូវីដ-១៩ អូសបន្លាយជិត ៣ ឆ្នាំ៕

អត្ថបទ ៖ ចាន់រ៉ា