ព័ត៌មានអន្ដរជាតិ
រុស្ស៊ី ចិន និងអ៊ីរ៉ង់ ធ្វើសមយុទ្ធកងទ័ពជើងទឹករួមគ្នា ចំពេលតានតឹងជាមួយ អាមេរិក
ក្រសួងការពារជាតិរុស្ស៊ីបាននិយាយកាលពីថ្ងៃពុធថា កងទ័ពជើងទឹករបស់រុស្ស៊ី ចិន និងអ៊ីរ៉ង់ បានចាប់ផ្តើមធ្វើសមយុទ្ធរួមគ្នានៅឈូងសមុទ្រអូម៉ង់ក្នុងសប្តាហ៍នេះ ចំពេលមានភាពតានតឹងកាន់តែខ្លាំងឡើងជាមួយសហរដ្ឋអាមេរិក ។
ក្រសួងបាននិយាយថា សមយុទ្ធកំពុងធ្វើឡើងនៅក្នុងដែនទឹកនៃឈូងសមុទ្រអូម៉ង់ក្បែរកំពង់ផែ Chabahar ភាគអាគ្នេយ៍ប្រទេសអ៊ីរ៉ង់ ហើយក៏មានការចូលរួមពីនាវាបំពាក់ដោយប្រព័ន្ធមីស៊ីលល្បឿនលឿនជាងសំឡេង Zircon របស់រុស្ស៊ី និងនាវាពិឃាតរបស់ចិនផងដែរ ។
ទន្ទឹមនោះ ក្រសួងការពារជាតិចិនក៏បាននិយាយនៅក្នុងសេចក្តីថ្លែងការណ៍មួយដែរថា “សមយុទ្ធនេះនឹងជួយឲ្យកិច្ចសហប្រតិបត្តិការរវាងកងទ័ពជើងទឹកនៃប្រទេសទាំង ៣ កាន់តែស៊ីជម្រៅ និងបង្ហាញពីភាពវិជ្ជមាននៃសន្តិភាព និងស្ថិរភាពក្នុងតំបន់” ។
ស្របពេលជាមួយគ្នានេះ សមយុទ្ធដែលធ្វើឡើងកាលពីថ្ងៃពុធ ហើយនឹងបញ្ចប់នៅថ្ងៃអាទិត្យបានកើតឡើង ចំពេលមានភាពតានតឹងកាន់តែខ្លាំងឡើងរវាងសហរដ្ឋអាមេរិក និងចិន ជុំវិញបញ្ហាជាច្រើន រួមទាំងការបដិសេធរបស់ចិនក្នុងការរិះគន់ទីក្រុងមូស្គូ ជុំវិញសង្គ្រាមលុកលុយលើអ៊ុយក្រែន និងការបន្តគាំទ្រសេដ្ឋកិច្ចរុស្ស៊ីជាដើម ។
គួរបញ្ជាក់ថា នេះមិនមែនជាលើកទីមួយទេ ដែលរុស្ស៊ី ចិន និងអ៊ីរ៉ង់បានធ្វើសមយុទ្ធបែបនេះនោះ ពោលប្រទេសទាំងបីធ្លាប់ធ្វើសមយុទ្ធស្រដៀងគ្នាកាលពីឆ្នាំមុន និងក្នុងឆ្នាំ ២០១៩ ដោយបានគូសបញ្ជាក់ពីទំនាក់ទំនងផ្នែកយោធា និងនយោបាយដែលកំពុងកើនឡើងរបស់ចិន ជាមួយសហរដ្ឋអាមេរិក និងដៃគូរបស់ខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ចិន បញ្ជូនកងទ័ពជាង ២០០ នាក់ ចូលរួមសមយុទ្ធ “នាគមាស ២០២៣” នៅ កម្ពុជា (មានវីដេអូ)
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា