កីឡា

ខ្សែក្រវាត់ខារ៉ាបាវ ចប់ជុំទី១ ខ្មែរ៤រូបបាន៣ពិន្ទុដូចគ្នា ខណៈថៃ៤រូបសុទ្ធតែបាន១ពិន្ទុ

បានផុស

២ years មុន

នៅ

ថ្ងៃចន្ទ ២០ មីនា ២០២៣

ដោយ

ការប្រកួត ខ្សែក្រវាត់ ខារ៉ាបាវរដូវកាលថ្មី ឆ្នាំ២០២៣នេះ បានចប់ជុំទី១ហើយដោយបេក្ខភាពគុនខ្មែរទាំង៤រូបសុទ្ធតែទទួលបានជ័យជម្នះដោយក្រសោបបាន៣ពិន្ទុដូចគ្នា ខណៈបេក្ខភាពថៃ៤រូបបរាជ័យដូចគ្នាដោយរកបានតែ១ពិន្ទុម្នាក់ប៉ុណ្ណោះ។

ការប្រកួតសប្តាហ៍ទី២ ក្នុងជុំទី១ កាលពីថ្ងៃអាទិត្យ ទី១៩ ខែមីនា កន្លងទៅនេះ ធន់ ផានិត រកបាន៣ពិន្ទុទាំងលំបាក បន្ទាប់ពីតស៊ូយ៉ាងស្វិតស្វាញជាមួយដៃគូកម្ពស់ខ្ពស់ ផេតផាកភូមិ ៥ទឹកពេញ ប៉ុន្តែរូបគេទទួលបានជ័យជម្នះដោយពិន្ទុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែក កីឡាករគុនខ្មែរ សេក គឹមសាន្ត ក៏ទទួលបាន៣ពិន្ទុទាំងលំបាកដែរ បន្ទាប់ពីប៉ះដៃគូសម្រុកចូលវ៉ៃគឺ ថៈឡេងើន ។ យ៉ាងណា កីឡាករគុនខ្មែររូបនេះវ៉ៃចេញចំគោលដៅបានច្រើន ហើយចៅក្រមកាត់ក្តីឲ្យឈ្នះដោយពិន្ទុ។

សូមបញ្ជាក់ថា កាលប្រកួតសប្តាហ៍ទី១ ក្នុងជុំទី១ អ្នកលេងគុនខ្មែរ២រូបសុទ្ធតែផ្តួលដៃគូឲ្យសន្លប់ដើម្បីទទួលបាន៣ពិន្ទុ ដូចគ្នា។ គូបើកឆាកខ្សែក្រវាត់ថ្មី ហុង សុវណ្ណចាន់សុធី បានចំណាយពេលត្រឹមតែ២ទឹកប៉ុណ្ណោះដើម្បីផ្តួលកីឡាករថៃ អ៉ីនស៊ីណយ ឲ្យបោះបង់ចោលការប្រកួត។ ស្របពេល ពេជ្រ ប៊ុនសិទ្ធ ប្រើពេលដល់ទៅ៣ទឹកទើបអាចផ្តួលកីឡាករថៃ ឡាហ្វាន់ ឲ្យសន្លប់។

តារាងពិន្ទុសប្តាហ៍ទី២ ជុំទី១