ឧត្ដមសេនីយ៍ឯក ហ៊ុន ម៉ានិត ត្រូវបានតែងតាំងជាមេបញ្ជាការរង កងទ័ពជើងគោក

ឯកឧត្ដម ឧត្ដមសេនីយ៍ឯក ហ៊ុន ម៉ានិត ត្រូវបានប្រមុខរាជរដ្ឋាភិបាល ចេញអនុក្រឹត្យតែងតាំងជាមេបញ្ជាការរង បញ្ជាការដ្ឋានកងទ័ពជើងគោក បន្ថែមលើមុខងារបច្ចុប្បន្ន តាមសំណើរបស់រដ្ឋមន្ត្រីក្រសួងការពារជាតិ។

អនុក្រឹត្យរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ចេញកាលពីថ្ងៃទី ១៧ ខែមីនា ឆ្នាំ ២០២៣ តែទើបត្រូវបានផ្សព្វផ្សាយនៅថ្ងៃអង្គារនេះ បានសម្រេចថា តែងតាំងមុខតំណែង នាយទាហាន នៃកងយោធពលខេមរភូមិន្ទ ជូនឧត្ដមសេនីយ៍ឯក ហ៊ុន ម៉ានិត អត្តលេខ ០៧៥៥៥៥ ជាមេបញ្ជាការរង បញ្ជាការដ្ឋានកងទ័ពជើងគោក បន្ថែមលើមុខ ងារបច្ចុប្បន្ន។

សូមជម្រាបថា នាពេលបច្ចុប្បន្ននេះ ឯកឧត្ដម ឧត្ដមសេនីយ៍ឯក ហ៊ុន ម៉ានិត មានតួនាទីជា​អគ្គនាយក​ នៃ​អគ្គនាយកដ្ឋាន​ស្រាវជ្រាវ​ចារកិច្ច ក្រសួងការពារជាតិ៕