ជីវិតកម្សាន្ដ

អ្នកច្នៃម៉ូដ ឯម រៀម ៖ «គ្រាន់តែពាក់អាវចេញដើមទ្រូង ស្អប់ខ្ញុំរហូតនាំគ្នា Report Facebook»

បានផុស

២ years មុន

នៅ

ថ្ងៃព្រហស្បតិ៍ ២៣ មីនា ២០២៣

ដោយ

គិតរហូតមកដល់ពេលនេះ សំឡេងរិះគន់ពីមហាជនមួយចំនួន ទៅលើបណ្ឌិតច្នៃម៉ូដ ឯម រៀម នៅតែក្ដៅ ដោយសារលោកតុបតែងខ្លួនប្លែក និងសិចស៊ី ចូលរួមកម្មវិធីធំមួយកាលពីកន្លងទៅ ហើយថ្មីៗនេះក៏មានអ្នក Report Facebook របស់លោករហូតដល់មានបញ្ហាទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឯម រៀម កាលពីរសៀល ថ្ងៃទី ២១ ខែមីនា ឆ្នាំ ២០២៣ បានបង្ហោះវីដេអូ ហាក់បង្ហាញការតូចចិត្ត អមនឹងទឹកភ្នែករលីងរលោង ក្រោយទទួលរងនូវការរិះគន់ពីមហាជនមួយចំនួនមកនោះ។

បន្ទាប់មកនៅថ្ងៃទី ២២ ខែមីនា ម្សិលមិញនេះ លោក ឯម រៀម បានបង្ហោះសារមិនសប្បាយចិត្ត ដោយលើកឡើងថា បើនៅបែបនេះទៀត លោកអាចបាក់ទឹកចិត្ត ហើយគិតខ្លី ព្រោះការរិះគន់ខ្លះមិនមែនក្នុងន័យស្ថាបនាទេ គឺន័យគុំកួន និងញុះញង់។

ក្នុងថ្ងៃដដែល លោក ឯម រៀម បានបង្ហោះសារនៅលើបណ្ដាញសង្គមហ្វេសប៊ុកម្ដងទៀត ពាក់ព័ន្ធនឹង Facebook របស់លោក ត្រូវបានគេ Report រហូតមានបញ្ហា។

យោងតាមហ្វេសប៊ុកផ្លូវការរបស់លោក ឯម រៀម ដែលមានឈ្មោះ Em Riem Artists បានបង្ហោះឲ្យដឹងថា «គ្រាន់តែ ឯម រៀម ពាក់អាវចេញដើមទ្រូង ស្អប់ខ្ញុំរហូតនាំគ្នា Report Facebook រហូតឆេះ»។

អ្នកច្នៃម៉ូដ ឯម រៀម បានបន្តថា «សួស្ដីបងប្អូន Account Facebook ធំរបស់ខ្ញុំ ត្រូវបានឆេះ កាលពេលល្ងាចនេះ ដោយសារមានបងប្អូនដែលស្អប់ខ្ញុំ ចូលទៅ Report ដូចនេះ ត្រូវការពេលវេលាដែលអាចប្រើបានវិញ សូមអរគុណដល់បងប្អូនដែលស្រឡាញ់ និងចូលចិត្ត ឯម រៀម ដូចនេះ សូមជួយ follow Em Riem Artists ម្នាក់មួយផង សូមអរគុណ»៕

អត្ថបទ ៖ អ៊ិន ពិសី