កីឡា
គូសងសឹក អ៊ីតាលី ប៉ះ អង់គ្លេស យប់នេះ ក្នុងវគ្គជម្រុះ EURO 2024
ក្រុមជម្រើសជាតិអ៊ីតាលី នឹងទទួលក្រុមជម្រើសជាតិអង់គ្លេស ខណៈពួកគេចាប់ផ្ដើមការពារជើងឯកពានរង្វាន់ទ្វីបអឺរ៉ុប ក្នុងវគ្គជម្រុះ EURO 2024 នៅថ្ងៃព្រហស្បតិ៍យប់នេះ។
ក្រុមការពារជើងឯក EURO បានបរាជ័យក្នុងការប្រកួតជម្រុះ World Cup នៅប្រទេសកាតា ហើយគ្រូបង្វឹក Roberto Mancini នឹងសង្ឃឹមសម្រាប់ការឆ្លើយតបដ៏រឹងមាំជាមួយនឹងការឈ្នះជាមួយក្រុមអង់គ្លេស ក្នុងការប្រកួតដំបូង នៃវគ្គជម្រុះ EURO 2024។
លោក Gareth Southgate ស្ថិតក្រោមសម្ពាធក្នុងការផ្តល់ជូននូវលទ្ធផលជាមួយក្រុមអង់គ្លេស បន្ទាប់ពីក្រុមតោកំណាចទាំងបី បានបរាជ័យក្នុងការយកឈ្នះបារាំង នៅវគ្គ ៨ ក្រុមចុងក្រោយ នៃព្រឹត្តិការណ៍ World Cup។ អង់គ្លេស បានតស៊ូជាមួយអ៊ីតាលី នាពេលថ្មីៗនេះ ហើយនឹងសង្ឃឹមថា នឹងទទួលបានជ័យជម្នះលើកដំបូងរបស់ពួកគេក្នុងរយៈពេល ១១ ឆ្នាំ ទល់នឹងគូប្រកួតមួយនេះ។
ព័ត៌មានក្រុមជម្រើសជាតិអ៊ីតាលី ៖
ទម្រង់ថ្មីៗ ៖
អ៊ីតាលី បានឈរកំពូលតារាងក្នុងពូលរបស់ពួកគេក្នុងពាន Nations League ហើយបានកក់កៅអីក្នុងការប្រកួតវគ្គ ៤ ក្រុមចុងក្រោយ។ ដោយបានខកខានសំបុត្រទៅលេង World Cup 2022 នៅប្រទេសកាតា ពួកគេបានលេងមិត្តភាពចំនួន ២ លើក ក្នុងអំឡុងពេលនោះ។ ក្នុងការប្រកួតមិត្តភាពលើកដំបូងទាំងពីរ អ៊ីតាលី បានយកឈ្នះលើក្រុមអាល់បានី ៣-១ និងនៅក្នុងការប្រកួតទី ២ ពួកគេបានចាញ់ ០-២ លើក្រុមអូទ្រីស ក្នុងខែវិច្ឆិកា ឆ្នាំ ២០២២ ហើយនោះគឺជាការប្រកួតចុងក្រោយរបស់ក្រុម។
កីឡាករសំខាន់ៗ ៖
អ៊ីតាលី នឹងមានខ្សែបម្រើ Jorginho របស់ Arsenal ដែលកំពុងសម្លឹងមើលការគ្រប់គ្រងចង្វាក់នៅកណ្ដាលខ្សែបម្រើទល់នឹងក្រុមអង់គ្លេស។ បន្ទាប់ពីការផ្ទេររបស់គេពី Chelsea ក្នុងខែមករា ខ្សែបម្រើរូបនេះបានបង្ហាញខ្លួនចំនួន ១១ ប្រកួត សម្រាប់ក្រុមដែលអាចឈ្នះពាន Premier League រដូវកាលនេះ ហើយនឹងមានទំនុកចិត្តខ្ពស់ក្នុងអំឡុងពេលបំពេញកាតព្វកិច្ចឲ្យក្រុមជម្រើសជាតិ។
កីឡាកររបួស និងកីឡាករព្យួរ ៖
ក្រុមរបស់លោក Mancini នឹងគ្មានកីឡាករ Federico Chiesa ខ្សែការពារឆ្វេង Federico Dimarco និងអ្នកចាំទី Ivan Provedel ដោយសារបញ្ហារបួស។ លោក Mancini ក៏បានកោះហៅកីឡាករមិនដែលបង្ហាញខ្លួនក្នុងក្រុមជម្រើសជាតិចំនួន ៤ នាក់ មកក្រុមវិញ គឺ Marco Carnesecchi, Wladimiro Falcone, Alessandro Buongiorno និង Mateo Retegui។
វិធីសាស្ត្រយុទ្ធសាស្ត្រ ៖
អ៊ីតាលី នឹងត្រូវចាប់ផ្ដើមនៅលើកំណត់ត្រាឈ្នះក្នុងការការពារជើងឯកពានទ្វីបអឺរ៉ុបរបស់ពួកគេ។ ពួកគេបានបញ្ចប់ក្ដីសង្ឃឹមរបស់ក្រុមអង់គ្លេស ក្នុងការប្រកួតផ្ដាច់ព្រ័ត្រ ដោយបានផ្ដួលតាមរយៈបាល់ប៉េណាល់ទី ក្នុងវគ្គផ្ដាច់ព្រ័ត្រ នៃ Euro 2020 នៅ Wembley។ ដូចរាល់ដង ក្រុមរបស់លោក Mancini នឹងត្រូវបានរំពឹងថា នឹងរឹងមាំនៅតំបន់ការពារ ហើយបន្ទាប់មកស្វែងរកចន្លោះប្រហោងក្នុងតំបន់ប្រយុទ្ធក្នុងការបម្លាស់ទី។
ព័ត៌មានក្រុមជម្រើសជាតិអង់គ្លេស
ទម្រង់ថ្មីៗ ៖
ការចេញទៅប្រកួតចុងក្រោយរបស់អង់គ្លេស គឺនៅក្នុងការប្រកួតបាល់ទាត់ពិភពលោក ឆ្នាំ ២០២២ ដែលពួកគេបានធ្លាក់ចេញនៅវគ្គ ៨ ក្រុមចុងក្រោយ ជាមួយនឹងបរាជ័យក្រោមដៃរបស់បារាំង។ មុននោះពួកគេបានចូលលេង ៥ ប្រកួត ដោយមិនចាញ់សោះ។ ការចាញ់ពីមុនរបស់ពួកគេមុនការប្រកួត World Cup គឺស្ថិតនៅក្នុងដៃរបស់អ៊ីតាលី ក្នុងពាន Nations League។
កីឡាករសំខាន់ៗ ៖
Harry Kane នៅសល់តែ ១ គ្រាប់ទៀតប៉ុណ្ណោះ ដើម្បីក្លាយជាអ្នកស៊ុតបញ្ចូលទីនាំមុខគេគ្រប់ពេលរបស់អង់គ្លេស ដោយវ៉ាដាច់ Wayne Rooney ដែលមានចំនួន ៥៣ គ្រាប់។ គេក៏ល្អសម្រាប់ក្រុម Tottenham ផងដែរ ដោយរកបាន ២១ គ្រាប់ នៅរដូវកាលនេះ ហើយនឹងក្លាយជាកីឡាករដែលត្រូវតាមដានសម្រាប់ខ្សែការពារអ៊ីតាលី។
កីឡាកររបួស និងកីឡាករព្យួរ ៖
Marcus Rashford, Mason Mount និង Nick Pope បានដកខ្លួនចេញពីជំរំអង់គ្លេស ដោយសាររបួស ហើយនឹងមិនចូលរួមការប្រកួតវគ្គជម្រុះ Euro 2024 ឡើយ។
វិធីសាស្ត្រយុទ្ធសាស្ត្រ
លោក Southgate ត្រូវបានគេទុកចិត្តថានឹងយកប្រទេសអង់គ្លេសត្រឡប់ទៅកាន់កំពូលវិញ បើទោះបីជាមានការខ្វះខាតការឈ្នះពានក្នុងរយៈពេលប៉ុន្មានឆ្នាំចុងក្រោយនេះ។ ជាមួយនឹងទេពកោសល្យវាយលុកដ៏ច្រើនសន្ធឹកសន្ធាប់របស់លោក អង់គ្លេស នឹងត្រូវបានគេរំពឹងថា នឹងយកការប្រកួតនេះទៅកាន់គូប្រកួតរបស់ពួកគេ និងគ្រប់គ្រងការប្រកួតជាមួយអ៊ីតាលី ដោយមាន Kane នៅជួរមុខ នៃខ្សែប្រយុទ្ធ។
ប្រវត្តិជួបគ្នា ៖
ជាមួយនឹងការស្មើចំនួន ៤ ដង (ក្នុងម៉ោងធម្មតា) ក្នុងចំណោមការជួបគ្នា ៥ លើកចុងក្រោយ ការប្រកួតរវាងក្រុមទាំងពីរនេះគឺជាការប្រកួតដ៏ស្វិតស្វាញ។ អង់គ្លេស មិនអាចយកឈ្នះ អ៊ីតាលី បានទេ ចាប់តាំងពីឈ្នះមិត្តភាពឆ្នាំ ២០១២ ខណៈ អ៊ីតាលី បានយកឈ្នះក្រុម Three Lions ទាំងវគ្គផ្ដាច់ព្រ័ត្រ Euro 2020 និង Nations League ផងដែរ។
នេះអាចជាជម្រើស ១១ នាក់ដំបូងរបស់អ៊ីតាលី ដែលអាចប្រើប្រាស់ទម្រង់ ៤–៣–៣ ៖ Donnarumma; Di Lorenzo, Acerbi, Bonucci, Spinazzola; Barella, Verratti, Jorginho; Berardi, Retegui, Grifo។
នេះអាចជាជម្រើស ១១ នាក់ដំបូងរបស់អង់គ្លេស ដែលអាចប្រើប្រាស់ទម្រង់ ៣–៤–៣ ៖ Pickford; Walker, Stones, Maguire; James; Rice, Bellingham, Shaw; Saka, Kane, Grealish៕
អត្ថបទ ៖ មន្នីរ័ត្ន
មនុស្សជាង៦០០០នាក់ត្រូវបានឃុំខ្លួននៅក្នុងបណ្តាញជួញដូរមនុស្សនៅមីយ៉ាន់ម៉ា
អាមេរិកដាក់ទណ្ឌកម្មលើវិស័យប្រេងរុស្ស៊ីកាន់តែធ្ងន់ធ្ងរ ខណៈអ៊ុយក្រែនព្យាយាមបំផ្លាញ
បណ្ឌិត យង់ ពៅ៖ អ្នកមិនទទួលស្គាល់ជ័យជម្នះ ៧មករា ស្មើនឹងគាំទ្ររបបខ្មែរក្រហម និងប្រមាថអាយុជីវិតពលរដ្ឋខ្មែររាប់លាននាក់ដែលស្លាប់នៅក្នុងរបបនេះ
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
បណ្ឌិត យង់ ពៅ៖ អ្នកមិនទទួលស្គាល់ជ័យជម្នះ ៧មករា ស្មើនឹងគាំទ្ររបបខ្មែរក្រហម និងប្រមាថអាយុជីវិតពលរដ្ឋខ្មែររាប់លាននាក់ដែលស្លាប់នៅក្នុងរបបនេះ
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
មនុស្សជាង៦០០០នាក់ត្រូវបានឃុំខ្លួននៅក្នុងបណ្តាញជួញដូរមនុស្សនៅមីយ៉ាន់ម៉ា
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៧ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ១ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ