ព័ត៌មានជាតិ

ផ្អាកចរាចរបណ្ដោះអាសន្ន លើកំណាត់ផ្លូវលេខ២៨៧ ចាប់ពីផ្លូវលេខ ៥៦៦ ដល់ផ្លូវលេខ ៦០៨

បានផុស

៤ years មុន

នៅ

ថ្ងៃព្រហស្បតិ៍ ២៩ តុលា ២០២០

ដោយ

អាជ្ញាធររាជធានីភ្នំពេញ បានសម្រេចបិទការធ្វើចរាចរជាបណ្ដោះអាសន្ន ចំនួនរយៈពេល ៧០ថ្ងៃ លើកំណាត់ ផ្លូវលេខ២៨៧ ចាប់ពីផ្លូវលេខ ៥៦៦ ដល់ផ្លូវលេខ ៦០៨ ដែលស្ថិតក្នុងសង្កាត់បឹងកក់១ ខណ្ឌទួលគោក ដោយគិតចាប់ពីថ្ងៃទី២៩ខែតុលា វេលាម៉ោង ៧និង០០នាទីព្រឹករហូត ដល់ថ្ងៃទី១០ខែធ្នូ ឆ្នាំ២០២០ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរដ្ឋបាលរាជធានីភ្នំពេញ បានឲ្យដឹងថា សម្រាប់ការដ្ឋានជីកដាក់លូ មុខកាត់ទំហំ ១ម៉ែត្រ ប្រវែង៩០០ម៉ែត្រ នៅក្នុងទ្រូងផ្លូវលេខ ២៨៧ ចាប់ពីផ្លូវលេខ៥២៨ ដលផ្លូវលេខ៦០៨ ក្នុងសង្កាត់បឹងកក់១ ខណ្ឌទួលគោក ពេលនេះ បានដាក់មកដល់ទីតាំងប្រសព្វផ្លូវលេខ៦១០ និងផ្លូវលេខ៦១៦។

មន្ត្រីបញ្ជាក់ថា ការដ្ឋានត្រូវបិទចរាចរជាបណ្តោះអាសន្នលើកំណាត់ផ្លូវលេខ២៨៧ ចាប់ពីផ្លូវលេខ ៥៦៦ ដល់ផ្លូវលេខ ៦០៨ ដែលការបិទផ្លូវខាងលើនេះ នឹងប្រើប្រាស់រយៈពេល ៧០ថ្ងៃ ដោយ គិតចាប់ពីថ្ងៃទី២៩ខែតុលា វេលាម៉ោង ៧:០០ព្រឹក ដល់ថ្ងៃទី១០ខែធ្នូឆ្នាំ២០២០ខាងមុខ៕

អត្ថបទ ៖ ស្រីរ័ត្ន