ធ្លាយពាក្យចចាមអារ៉ាមថា Selena Gomez កំពុងណាត់ជួប Zayn Malik

បន្ទាប់ពីរបញ្ចប់សង្គ្រាមជាមួយ hailey bieber និង kylie jenner ក៏មានលេចធ្លាយពាក្យចចាមអារ៉ាមអំពីទំនាក់ទំនងស្នេហារបស់ Selena Gomez ជាមួយនឹង Zayn Malik ថា ពួកគេបានណាត់ជួបនិងមានទំនាក់ទំនងស្នេហានៅភោជនីយដ្ឋានមួយក្នុងទីក្រុងញូវយ៉ក ។

Zayn និង Selena Gomez បានផ្ទុះចចាមអារ៉ាមដោយភាគីនោះអះអាងថា ឃើញគូស្នេហ៍មួយគូនេះកាន់ដៃគ្នាឱបនៅតំបន់ផ្លូវ SoHo ក្នុងទីក្រុងញូវយ៉កកាលពីចុងសប្តាហ៍ ទោះយ៉ាងណាក៏នៅមិនទាន់មានរូបភាពបញ្ជាក់ពីព័ត៌មាននេះដែរ។

នេះធ្វើឱ្យទស្សនិកជនមានចម្ងល់ថាតើតារាបង្ហាញម៉ូដ Gigi Hadid នឹងមានអារម្មណ៍យ៉ាងណានៅពេលដែលអតីតមិត្តប្រុស Zayn ណាត់ជួបមិត្តរបស់នាងគឺ Selena ។ ទន្ទឹមនឹងនេះប្រភពពី Us Weekly បានចែករំលែកថា តារាបង្ហាញម៉ូដ Gigi មិនខ្វល់ថា Zayn ណាត់អ្នកណាទេ ព្រោះតែនាងលែងមានអារម្មណ៍ចំពោះ Zayn ទៀតហើយ។ ទោះបីជាបែបនេះក៏ដោយអ្នកទាំងពីរនៅតែរក្សា ទំនាក់ទំនង “មិត្តភាព” ដើម្បីចិញ្ចឹមកូនស្រីរបស់ពួកគេជាមួយគ្នា។

យ៉ាងណាមិញ តារាបង្ហាញម៉ូដ Gigi Hadid ថ្មីៗនេះត្រូវបានគេរាយការណ៍ថាកំពុងទាក់ទងជាមួយតារាសម្តែង ហូលីវូដ Leonardo DiCaprio បន្ទាប់ពីត្រូវបានគេប្រទះឃើញរួមគ្នាកាលពីខែ កញ្ញា ឆ្នាំ ២០២២ នៅឯកម្មវិធី New York Fashion Week ៕

ប្រែសម្រួល៖នាងតូច