ហេតុផល ៨ យ៉ាង ធ្វើឱ្យមនុស្សជាច្រើនបរាជ័យក្នុងការសម្រកទម្ងន់

គោលការណ៍នៃការសម្រកទម្ងន់គឺកាត់បន្ថយជាតិខ្លាញ់លើសក្នុងរាងកាយដោយកាត់បន្ថយការទទួលទានអាហារតាម រយៈការគ្រប់គ្រងរបបអាហារ និងបង្កើនការចំណាយថាមពលតាមរយៈសកម្មភាពរាងកាយសមស្រប និងការគេងឱ្យបានគ្រប់គ្រាន់។ ក្នុងនោះក៏មានហេតុផលខ្លះធ្វើឱ្យមនុស្សជាច្រើនបរាជ័យក្នុងការសម្រកទម្ងន់ ។

ខាងក្រោមនេះគឺជាហេតុផល ៨ យ៉ាង ធ្វើឱ្យមនុស្សជាច្រើនបរាជ័យក្នុងការសម្រកទម្ងន់៖

១. ការរំពឹងទុករបស់អ្នកមិនប្រាកដប្រជាទេ

ការសម្រកទម្ងន់ជាទូទៅគឺជាដំណើរការយឺត មនុស្សជាច្រើនបាត់បង់ការអត់ធ្មត់មុនពេលឈានដល់គោលដៅរបស់ពួកគេ។ ថ្វីត្បិតតែវាច្រើនតែអាចស្រកទម្ងន់បានយ៉ាងឆាប់រហ័សក្នុងដំណាក់កាលដំបូងក៏ដោយសារការរក្សាគោលដៅបានពិបាកណាស់ ។

២. គ្មានការគ្រប់គ្រងលើការទទួលទានកាឡូរី (ញ៉ាំច្រើនពេក ឬតិចពេក)

ដូចជាបាត់បង់សាច់ដុំ។

៣. ការញ៉ាំប្រូតេអ៊ីនមិនគ្រប់គ្រាន់

ការទទួលទានប្រូតេអ៊ីនក្នុងកម្រិត ២៥ដល់៣០ភាគរយៈ នៃកាឡូរីអាចជំរុញការរំលាយអាហារ ដោយ ៨០ដល់១០០ កាឡូរីបន្ថែមក្នុងមួយថ្ងៃ។ វាក៏អាចកាត់បន្ថយការឃ្លានអាហារសម្រន់បានយ៉ាងខ្លាំង ដោយសារឥទ្ធិពលប្រូតេអ៊ីនលើអ័រម៉ូនគ្រប់គ្រងចំណង់អាហារ ការញ៉ាំប្រូតេអ៊ីនច្រើនក៏ ជួយឱ្យអ្នកមានអារម្មណ៍ឆ្អែតបានយូរ បង្កើនការរំលាយអាហារ ក៏ដូចជាជួយការពារការឡើងទម្ងន់ ផងដែរ។

៤. ការទទួលទានជាតិសរសៃមិនគ្រប់គ្រាន់

ជាតិសរសៃជួយឱ្យអ្នកឆ្អែតបានយូរ និងកាត់បន្ថយការឃ្លាន ក៏ដូចជាជួយជំរុញការលូតលាស់ និងភាពសម្បូរបែបនៃបាក់តេរីល្អនៅក្នុងពោះវៀន។

៥. ការផឹកទឹកមិនគ្រប់គ្រាន់

ការផឹកទឹកមួយកែវមុនពេលអាហារអាចជួយសម្រកទម្ងន់បាន ហើយតាមការសិក្សាក្នុង ១២សប្តាហ៍ នៃការសម្រកទម្ងន់ អ្នកដែលផឹកទឹកកន្លះលីត្រ ៣០ នាទីមុនពេលញ៉ាំអាហារស្រកទម្ងន់ ៤៤ ភាគរយ ច្រើនជាងអ្នកដែលមិនបានផឹកទឹក។ ការផឹកទឹកក៏ត្រូវបានបង្ហាញផងដែរដើម្បីបង្កើនកាឡូរីដែលត្រូវបានដុតដោយ ២៤ទៅ៣០ ភាគរយក្នុងរយៈពេល ១ទៅ៥ ម៉ោង ដូច្នេះព្យាយាមផឹកទឹកឱ្យបានច្រើនក្នុងពេលថ្ងៃ ។

៦. ការគេងមិនលក់

ការគេងមិនគ្រប់គ្រាន់អាចធ្វើឱ្យអ្នកឃ្លានដោយសារអ័រម៉ូនពីរគឺ ghrelin និង leptin ក្នុងនោះអ័រម៉ូន ghrelin និងធ្វើឲ្យអ្នកឃ្លាន ហើយអ័រម៉ូន leptin ទទួលខុសត្រូវចំពោះការបង្ក្រាបមួយនេះ។ ការបញ្ចេញអ័រម៉ូន leptin ទាប (ដោយ សារតែការគេងមិនគ្រប់គ្រាន់) អាចពន្យឺតការរំលាយអាហាររបស់អ្នក និងធ្វើឱ្យអ្នកមានអារម្មណ៍ឃ្លានគ្រប់ពេលវេលា។ កង្វះនៃការគេងក៏អាចប៉ះពាល់ដល់ការបញ្ចេញ អរម៉ូន cortisol ដែលជាអរម៉ូនមួយដែលគ្រប់គ្រងចំណង់អាហាររបស់អ្នក។

៧. ការហាត់ប្រាណច្រើនពេក

ប្រសិនបើអ្នកហាត់ប្រាណលើសទម្ងន់ជារៀងរាល់ថ្ងៃ រាងកាយរបស់អ្នកនឹងរលាកខ្លាំង ការរលាកទាំងអស់រួមបញ្ចូលគ្នាធ្វើឱ្យអ្នកឡើងទម្ងន់ច្រើនជាងការស្រក។ លើសពីនេះ រាងកាយរបស់អ្នក នៅទីបំផុតនឹងសម្របខ្លួនទៅនឹងរបបហាត់ប្រាណរបស់អ្នក ហើយកាន់តែមានប្រសិទ្ធភាព ដុតកាឡូរីតិចជាងមុន និងបន្ថយការសម្រកទម្ងន់របស់អ្នក។

៨. ការមានបញ្ហាសុខភាព

មានលក្ខខណ្ឌវេជ្ជសាស្ត្រមួយចំនួនដែលអាចលើកកម្ពស់ការឡើងទម្ងន់ និងធ្វើឱ្យការសម្រកទម្ងន់ កាន់តែពិបាក ដូចជាជំងឺ hypothyroidism និងជំងឺ polycystic ovary syndrome ដែលថ្នាំមួយចំនួនក៏អាចធ្វើឱ្យការសម្រកទម្ងន់កាន់តែពិបាក ឬថែមទាំងធ្វើឱ្យឡើងទម្ងន់ទៀតផង៕

ប្រែសម្រួល៖នាងតូច

ចុចអាន៖មកដឹងពីអត្ថប្រយោជន៍ដ៏ច្រើនសន្ធឹករបស់បាយអូទីន ឬវីតាមីន H