ជីវិតកម្សាន្ដ

លោក គួច ខេវិន ស្នើឲ្យបុរសអះអាងថាកូនម្ចាស់ផលិតកម្មឆ្លងដែនចេញមុខសុំទោសជាសាធារណៈ

បានផុស

២ years មុន

នៅ

ថ្ងៃព្រហស្បតិ៍ ៣០ មីនា ២០២៣

ដោយ

ផលិតករកម្មវិធីកម្សាន្តល្បីឈ្មោះលោក គួច ខេវិន ដែលធ្លាប់ដឹកនាំសម្ដែងចម្រៀងនៅក្នុងផលិតកកម្មឆ្លងដែនរាប់ពាន់បទផងនោះបានសម្តែងការហួសចិត្ត និងអស់សំណើច ខណ:សុខៗស្រាប់តែមានបុរសម្នាក់ឈ្មោះ មុន្នី ចេញមកអះអាងថាជាកូនទី៥ក្នុងចំណោមកូនទាំង៩នាក់លោក ធឹង សុន ដែលជាអតីតថៅកែឆ្លងដែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសឈ្មោះ មុន្នី រូបនេះបានចេញមកបញ្ជាក់ថា រូបលោកជាអ្នកស្នងមរតក (ទាយាទ) ដើម្បីបើកផលិតកម្មដែលបានបិទទ្វារអស់រយ:កាលប្រមាណ២០ឆ្នាំមកហើយនោះ ដើម្បីឲ្យតំណើរការជាថ្មីឡើងវិញ។ ការបញ្ជាក់នេះត្រូវបានលោក គួច ខេវិន ប្រតិកម្មថា តាមលោកស្គាល់ក្រុមគ្រួសារលោក ធឹង សុន យ៉ាងជិតស្និតនោះគែលោកមិនដែលដឹងថាលោក មុន្នី នេះជាកូនប្រុសរបស់ថៅកែផលិតកម្មឆ្លងដែនទេ ព្រោះម្ចាស់ផលិតកម្មនេះមានកូនប្រុស៣នាក់កំពុងរស់នៅឯសហរដ្ឋអាមេរិក ហើយពួកគេបានទាក់ទងលោកជាប្រចាំ។

លោក គួច ខេវិន បានលើកឡើងថា រឿងបុរសឈ្មោះ មុន្នី ដែលអះអាងថាជាកូនថៅកែឆ្លងដែន គឺជារឿងអស់សំណើចតែបើយោងទៅតាមផ្លូវច្បាប់គឺជារឿងពិបាកសើចហេតុនេះលោកស្នើរសុំឲ្យបុគ្គលនេះគួរតែសុំទោសទស្សនិកជនជាសាធារណៈ។ លោក គួច ខេវិន បាននិយាយទៀតថា អស់សំណើចអាក្អូនម្នាក់នេះបាននិយាយប្រាប់គេថា រូបគេជាកូនប្រុសរបស់លោកអ៊ុំ ធឹង សុន ដែលពុំទាំងដឹងថាឪពុកអាយុប៉ុន្មាននៅពេលដែលគាត់ទទួលអនិច្ចកម្ម? ហើយបច្ចុប្បន្នរូបគេជាអ្នកស្នងមរតកផលិតកម្ម”ឆ្លងដែន” Chlangden Production ដែលល្បីល្បាញតាំងតែពីទសវត្សឆ្នាំ៨០មកម្លេះ ។

លោកបន្តថា បើគយគន់ទៅមើលរូបឆោមរបស់បុរសនេះ ធៀបគ្នាទៅនឹងលោកអ៊ុំ ធឹង សុន ឬជាមួយនឹងកូនៗរបស់លោក ធឹង សុន បីនាក់កំពុងរស់នៅអាម៉េរិក គឺដូចគ្នាមេឃហើយនឹងដី?។ តាមពិតទៅលោកអ៊ុំ ធឹង សុន មានកូនតែបីនាក់គត់ និងមានទំនាក់ទំនងយ៉ាងស្និតជាមួយខ្ញុំដូចបងប្អូនបង្កើតទោះជាខ្ញុំចាកចេញពីអាមេរិកក្រែលឆ្នាំហើយក្តីក៏យើង និយាយគ្នាបានព្រឹកល្ងាច ហើយបីនាក់នោះបដិសេដថាមិនស្គាល់អន្ទិតម្នាក់ហ្នឹងទាល់សោះ។ បើកូនបង្កើតមិនស្គាល់បងប្អូនបង្កើតតើមានបងៗប្អូនៗតារាចម្រៀងដែលធ្លាប់ច្រៀងឲ្យផលិតកម្មឆ្លងដែនណាខ្លះស្គាល់អន្ទិតម្នាក់នេះថា ជាកូនលោកអ៊ុំ ធឹង សុន? មេត្តាជួយប្រាប់ផង។

លោក គួច ខេវិន បញ្ជាក់ទៀតថា តាំងតែពីមុនលោកអ៊ុំ ធឹង សុន អនិច្ចកម្មលោកបានទទួលសិទ្ធិពេញលេញក្នុងការផលិត និងដំណើរការផលិតកម្ម “ឆ្លងដែន” បន្ទាប់ពីលោក ណាំ គឹមឡេង គ្រប់គ្រងផលិតកម្ម”រស្មីនាគមាស” ដែលបំបែកចេញពីផលិតកម្មឆ្លងដែន (មិនបាច់បញ្ជាក់ឆ្នាំព្រោះបទចម្រៀងដែលដាក់ឈ្មោះខ្ញុំដឹកនាំផលិតមានរាប់ពាន់បទ) តែលោកមិនដែលមិនធ្លាប់ស្គាល់អាក្អូនម្នាក់ហ្នឹងទាល់សោះ ឬអត់អាលីងហ្មង ថាជាកូនលោកអ៊ុំ ធឹង សុន? មើលទៅគិតទៅពិចារណាទៅ អស់សំណើច។ ប៉ុន្តែបើយោងទៅរកទិដ្ឋភាពផ្លូវច្បាប់ទំនងជាពិបាកសើចចំពោះករណីនេះ បើឈប់បានឈប់ទៅ ? ហើយសុំទោសសាធារណជនផងណាអាក្អូន៕

អត្ថបទ៖ ចាន់រ៉ា