ទស្សនាទិដ្ឋភាពដ៏ស្រស់ស្អាតរបស់ Lisa ក្នុងថ្ងៃខួបកំណើតនៅប្រទេសថៃ

Lisa សមាជិកក្រុម BLACKPINK បានបង្ហោះរូបភាពខួបកំណើតក្នុងឆ្នាំនេះ ដោយបង្ហាញពីស្រស់ស្អាតក្នុងពិធី ខណៈសំលៀកបំពាក់​របស់នាងមួយឈុតបង្កភាពចាប់​អារម្មណ៍​យ៉ាងខ្លាំងពីទស្សនិកជនជាច្រើន។

ជាការពិតណាស់ រៀងរាល់ថ្ងៃទី ២៧ ខែមិនា ជារៀងរាល់ឆ្នាំ គឺជាថ្ងៃខួបកំណើតរបស់ Lisa​ ហើយ​នៅឆ្នាំ​នេះ នាងបានជ្រើសរើសត្រលប់ទៅប្រារព្ធខួបកំណើតគម្រប់អាយុ ២៦ ឆ្នាំ​របស់​នាង​នៅ​ប្រទេស​ថៃ​ជាមួយ​នឹង​ក្រុមគ្រួសារ និង​មិត្តភ័ក្ដិ​ជិតស្និទ្ធ​។

ត្បិតថាថ្ងៃកំណើតរបស់សមាជិកក្រុម BLACKPINK រូបនេះបានកន្លងផុតទៅច្រើនថ្ងៃក៏ពិតមែន ក៏ប៉ុន្តែ Lisa ទើបតែបញ្ចេញរូបថតនៃឈុតថ្ងៃខួបកំណើតរបស់ខ្លួនចែកជូនបណ្ដាអ្នកគាំទ្រទូទាំងពិភពលោកបានទស្សនា។ ជាមួយគ្នានេះដែរគេឃើញ​ Lisa ស្លៀករ៉ូបពណ៌សាច់ដោយមានបូធំៗបិទលើឈុតអមនឹងបូពណ៌ក្រហម​នៅលើសក់របស់នាង ព្រមទាំងបញ្ចេញទឹកមុខបែកឃ្យូតៗគួរឲ្យស្រលាញ់។

យ៉ាងណាមិញ​នេះ​មិនមែន​ជា​រឿង​ប្លែក​ទេ ខណៈ Lisa​ តារា​លំដាប់ពិភពលោករូបនេះមាន​អ្នកគាំទ្រ​​ច្រើនសន្ធឹកមិនថានាងបញ្ចេញសកម្មភាពជាឃ្លិបឬរូបភាពណាមួយឡើយ។ Lisa តែងទទួលបានការគាំទ្រនិងតាមដានពីសំណាក់ហ្វេនទូទាំងពិភពលោក៕

ប្រែសម្រួល៖ សាង ស្រីល័ក្ខ

ចុចអាន៖តារាហុងកុង Michael Wong ខឹងសម្បារ ក្រោយកូនស្រីបង្ហោះរូបអាក្រាតកាយផ្អើលបណ្ដាញសង្គម

ចុចអាន៖ផលិតកម្មបញ្ជាក់ថា Lim Ji Yeon និង Lee Do Hyun ពិតជាមានទំនាក់ទំនងស្នេហាមែន