កីឡា

ស៊ីហ្គេម៖ បាល់ទាត់ និងកីឡា៧ប្រភេទនេះប្រកួតនៅស្តាតអូឡាំពិក

បានផុស

២ years មុន

នៅ

ថ្ងៃពុធ ៥ មេសា ២០២៣

ដោយ

ពហុកីឡដ្ឋានជាតិ (អូឡាំពិក) ជាទីកន្លែងធំមួយក្នុងចំណោមទីកន្លែងសំខាន់ៗជាច្រើនសម្រាប់រៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។ បាល់ទាត់ផ្នែកបុរស ពូល A ត្រូវប្រកួតនៅពហុកីឡដ្ឋានជាតិ ហើយជាពិសេសទៀតនោះ ក្រុមកម្ពុជាស្ថិតនៅពូល A ដូច្នេះងាយស្រួលអ្នកគាំទ្រក្នុងរាជធានីភ្នំពេញទៅទស្សនាផ្ទាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡា៨ប្រភេទប្រកួតនៅពហុកីឡដ្ឋានជាតិ

១. បាល់ទាត់ វិញ្ញាសាបុរសប្រកួតនៅពហុកីឡដ្ឋានជាតិ និងកីឡដ្ឋានព្រីនស៍ ពីថ្ងៃទី២៩ ខែមេសា ដល់ទី៤ ខែឧសភា និងបន្តពីថ្ងៃទី៦ ដល់ទី១៦ ខែឧសភា។
២. បាល់ទឹក ប្រកួតនៅអាងហែលទឹក ពហុកីឡដ្ឋានជាតិ ពីថ្ងៃទី១២ ដល់១៦ ខែឧសភា។
កាយសម្ព័ន្ធ (ARTISTIC) ប្រកួតនៅសាលដំបូលទូក ក្នុងពហុកីឡដ្ឋានជាតិ ពីថ្ងៃទី៦ដល់ទី៩ ខែឧសភា និង កាយសម្ព័ន្ធ (GYMNASTICS) ប្រកួតនៅសាលដំបូលទូក ក្នុងពហុកីឡដ្ឋានជាតិ ពីថ្ងៃទី១២ ដល់ទី១៤ ខែឧសភា។
៣. ប៉េតង់ ប្រកួតនៅទីលានប៉េតង់ ក្នុងពហុកីឡដ្ឋានជាតិ ពីថ្ងៃទី៣ ដល់ទី១៣ ខែឧសភា។
៤. សីប៉ាតាក្រ ប្រកួតនៅសាលដំបូលទូក ក្នុងពហុកីឡដ្ឋានជាតិ ពីថ្ងៃទី៦ ដល់ទី១៦ ខែឧសភា។
៥. សូហ្វតិន្និស ប្រកួតនៅសាលដំបូលទូក ក្នុងពហុកីឡដ្ឋានជាតិ ពីថ្ងៃទី៦ ដល់ទី១០ ខែឧសភា។
៦. បាល់ទះ ប្រកួតវិមាន ក្នុងពហុកីឡដ្ឋានជាតិ ពីថ្ងៃទី៣ ដល់ទី៤ ខែឧសភា និងបន្តពីទី៦ដល់ ទី១៤ ខែឧសភា។
៧. លើកទម្ងន់ ប្រកួតនៅសាលដំបូលទូក ក្នុងពហុកីឡដ្ឋានជាតិ ពីថ្ងៃទី១៣ ដល់ទី១៦ ខែឧសភា។
៨. កីឡារាំ ប្រកួតនៅសាលដំបូលទូក ក្នុងពហុកីឡដ្ឋានជាតិ ថ្ងៃទី១៦ ខែខែឧសភា។