ជីវិតកម្សាន្ដ
មន្ត្រី ៣ រូប ប្រតិកម្មការបង្ហោះរបស់ ឯម រៀម លើករណី”បេះដូងក្រដាស ១ លាន” នៅមុខប្រាសាទខេត្តសៀមរាប
មហាជនបានដឹងហើយថា ពាក់ព័ន្ធទៅនឹងការបង្ហោះរបស់អ្នកច្នៃម៉ូដលោក ឯម រៀម ដែលនិយាយពីបញ្ហា”បេះដូងក្រដាស ១ លានបេះដូង” នៅមុខប្រាសាទអង្គរវត្ត នាទឹកដីខេត្តសៀមរាប គឺចាប់តាំងពីរសៀលម្សិលមិញ រហូតមកដល់ពេលនេះ សំឡេង នៃការរិះគន់នៅតែផ្ទុះបាញ់ចាក់ស្រោចយ៉ាងគំហុកប្រៀបដូចទឹកបាក់ទំនប់ចំពោះទង្វើអ្នកច្នៃម៉ូដរូបនេះ។
តាមការកត់សម្គាល់មិនខុសគ្នាពីមហាជន និងប្រជាពលរដ្ឋទូទាំងប្រទេសនោះទេ ភ្លាមៗនោះក៏មានមន្ត្រីជាន់ខ្ពស់ពីររូបក៏បានបញ្ចេញប្រតិកម្មមិនពេញចិត្តទៅលើទង្វើរបស់លោក ឯម រៀម ផងដែរ។
លោក ហ៊ុយ វណ្ណៈ ដែលជារដ្ឋលេខាធិការក្រសួងមហាផ្ទៃបានលើកឡើងថា ប្អូន EM Riem! ប្អូនគួរលុបសារប្អូនចោល ក៏ល្អដែរ។ ប្អូនកុំបំផ្លាញខ្លួនឯង និងជាតិឯងលើចំណុចនេះ ប្អូនគួរបើកចិត្តទូលាយ និងលើកទឹកចិត្តដល់ការខិតខំប្រឹងប្រែងដ៏ថ្លៃថ្នូរ និងការចូលរួមដោយមិនខ្លាចការនឿយហត់របស់ប្រជាជនយើងរាប់ម៉ឺនលាននាក់ ក្នុងការផ្សព្វផ្សាយកិត្យានុភាព និងកិត្តិនាមដ៏អស្ចារ្យរបស់មាតុភូមិយើងនៅលើឆាកអន្តរជាតិ។
លោកបន្តថា ប្អូនបានកែខ្លឹមសារនៅរសៀលនេះទទួលយកបាន ហើយតាមរយៈសកម្មភាពលើបញ្ហានេះ ប្អូនបានទាញទម្លាក់ជំនឿ និងតម្លៃប្អូនឲ្យឃ្លាតឆ្ងាយពីសាធារណជនហើយ។
ចំណែកលោក ជុំ កុសល រដ្ឋ លេខាធិការក្រសួងព័ត៌មាន បានបញ្ចេញប្រតិកម្មដែរថា ប្រើសិទ្ធិ សូមឲ្យចេះមើលពេលវេលា និងទង្វើរបស់អ្នកធ្វើផង។ អ្នកធ្វើខុសពីអ្នកអង្គុយចាំថា។
លោកលើកឡើងទៀតថា អ្នកធ្វើ មុននឹងធ្វើ គឺត្រូវប្រើគំនិតគិតគ្រប់ជ្រុងជ្រោយណាស់ ព្រោះនេះគឺជាព្រឹត្តិការណ៍ជាតិធ្វើឡើងដើម្បីការទាក់ទាញចំណាប់អារម្មណ៍មនុស្សក្នុងពិភពលោកឲ្យសម្លឹងមើលពីភាពស្រស់បំព្រង នៃទឹកដីអច្ឆរិយរបស់កម្ពុជាក្នុងឱកាសបុណ្យប្រពៃណីជាតិ។ បើលោកជាខ្មែរស្រឡាញ់ជាតិស្រឡាញ់ស្នាដៃឃើញការច្នៃប្រឌិតប្លែកស្អាតបែបនេះ គួរតែកោតសរសើរ និងលើកទឹកចិត្ត មិនមែនមានគំនិតអវិជ្ជមានបែបនេះទេ។
លោក ឆាយ សុផល រដ្ឋលេខាធិការក្រសួងព័ត៌មានបានបញ្ចេញមតិដែរថា ខ្ញុំពិតជាមិនយល់ចំពោះគំនិតអគតិរឿងបេះដូងក្រដាសដែលបងប្អូន ពូមីង កូនក្មួយ សិស្សានុសិស្ស និងនិស្សិត រួមទាំងយុវជនស្ម័គ្រចិត្តរាប់ម៉ឺននាក់បានប្រឹងបត់ ហើយយកទៅដោតអង្គរតូច ដើម្បីបំបែកឯកត្តកម្មពិភព លោកសម្រាប់មោទកភាពជាតិខ្មែរទាំងក្នុង និងក្រៅប្រទេសនាអង្គរសង្ក្រាន្តឆ្នាំថ្មីនេះ បើមិនបានរួមចំណែក និងមិនគាំទ្រផលប្រយោជន៍រួម កុំប៉ប៉ាច់ប៉ប៉ោចបានទេ នាំឲ្យកាន់តែអសោច។
សូមបញ្ជាក់ថា លោក ឯម រៀម ត្រូវបានមហាជនផ្ទុះការរិះគន់ជាថ្មីកក្រើកបណ្ដាញសង្គមហ្វេសប៊ុក កាលពីថ្ងៃទី ១០ ខែមេសា ឆ្នាំ ២០២៣ បន្ទាប់ពីអ្នកច្នៃម៉ូដរូបនេះ បានធ្វើការបង្ហោះខ្លឹមសារពាក់ព័ន្ធការរៀបចំដាក់តាំងលម្អបេះដូងក្រដាស ១ លានបេះដូង នៅទឹកដីខេត្តសៀមរាប ក្នុងន័យធ្វើឲ្យប៉ះពាល់យ៉ាងខ្លាំងដល់បេះដូងមហាជន។
ខ្លឹមសារដែលលោក ឯម រៀម បញ្ចេញនៅលើបណ្តាញសង្គមហ្វេសប៊ុកដែលនាំឲ្យផ្ទុះការមិនពេញចិត្ត និងការរិះគន់កើតឡើងដូចទឹកបាក់ទំនប់ដោយសារតែលោកលើកឡើងថា “១ លានបេះដូងក្លែងក្លាយ បើជាថវិការដ្ឋ សូមចូលរួមសោកស្ដាយណាស់”។ ក្រោយមកទៀត លោក ឯម រៀម ប្តូរខ្លឹមសារវិញថា “១ លានបេះដូងក្លែងក្លាយ បើជាថវិការដ្ឋ សូមចូលរួមសោកស្ដាយ តែបើជាទឹកចិត្តរបស់បងប្អូន មិនគួរធ្វើនៅទីនេះ”។ ចំណែកខ្លឹមសារបន្ទាប់ លោក ឯម រៀម និយាយថា ១ លានបេះដូងចម្រុះពណ៌។ ទង្វើរបស់លោក ឯម រៀម ខាងលើនេះ ត្រូវបានមហាជនទូទាំងប្រទេសចេញមកប្រតិកម្ម និងថ្កោលទោសធ្ងន់ៗ ព្រមទាំងស្នើឲ្យក្រសួងពាក់ព័ន្ធ គួរមានចំណាត់ការព្រមានលើបុគ្គលរូបនេះ៕
អត្ថបទ ៖ ចាន់រ៉ា
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២២ ម៉ោង agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ១ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៥ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី