ព័ត៌មានជាតិ
ក្រសួងការងារណែនាំដល់រោងចក្រសហគ្រាសចូលរួមលើកកម្ពស់សុវត្ថិភាព និងសុខភាពការងារនៅកន្លែងធ្វើការ
ភ្នំពេញ ៖ ក្រសួងការងារនិងបណ្ដុះបណ្ដាលវិជ្ជាជីវៈបានណែនាំដល់រោងចក្រសហគ្រាសនៅទូទាំងប្រទេសចូលរួមលើកកម្ពស់សុវត្ថិភាពនិងសុខភាពការងារនិងបង្ការគ្រោះថ្នាក់ការងារនឹងជំងឺជីវៈជាយថាហេតុដល់បងប្អូនកម្មករនិយោជិតនៅកន្លែងធ្វើការ។
លោក បណ្ឌិត អ៊ិតសំហេង រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈបានឱ្យដឹងនៅក្នុងសេចក្តីជូនដំណឹងមួយដែលទើបទទួលបាននៅថ្ងៃទី១២មេសានេះថា ការណែនាំឱ្យរោងចក្រសហគ្រាសលើកកម្ពស់សុវត្ថិភាពនិងសុខភាពការងារនៅកន្លែងធ្វើការនេះធ្វើឡើងតាមរយៈការប្រារព្ធទិវាពិភពលោកដើម្បីសុវត្ថិភាពនិងសុខភាពការងារនៅចុងខែមេសាខាងមុខនេះ។
លោក រដ្ឋមន្ត្រីបានបន្តថា ទិវាពិភពលោកដើម្បីសុវត្ថិភាពនិងសុខភាពការងារត្រូវបានរៀបចំធ្វើឡើងនៅថ្ងៃទី២៨ ខែមេសា រៀងរាល់ឆ្នាំ ដោយប្រទេសជាសមាជិកនៃអង្គការអន្តរជាតិខាងការងារក្នុងគោលបំណងដើម្បីលើកកម្ពស់សុវត្ថិភាពនិងសុខភាពការងារនិងរំលឹកដល់វិញ្ញាណក្ខន្ធកម្មករនិយោជិតដែលបានបាត់បង់ជីវិតដោយសារគ្រោះថ្នាក់ការងារនឹងជំងឺវិជ្ជាជីវៈនៅលើពិភពលោក។
លោក រដ្ឋមន្ត្រីបានបន្តទៀតថា នេះជាឆ្នាំទី១៨ ដែលក្រសួងការងារបានរៀបចំទិវានេះក្រោមប្រធានបទបរិយាកាសការងារប្រកបដោយសុវត្ថិភាពនិងសុខភាពការងារគឺជាសិទ្ធិនិងជាគោលការណ៍គ្រឹះនៅកន្លែងធ្វើការដែលនឹងប្រព្រឹត្តទៅនៅថ្ងៃទី២៨ខែមេសាឆ្នាំ២០២៣ នៅតំបន់សេដ្ឋកិច្ចពិសេសភ្នំពេញ។
លោករដ្ឋមន្ត្រីស្នើឱ្យលោកលោកស្រីម្ចាស់ ឬ នាយករោងចក្រសហគ្រាសទាំងអស់ដែលបានបោះទីតាំងនៅតាមបណ្ដារាជធានីខេត្តក្នុងប្រទេសកម្ពុជាត្រូវរៀបចំចងបដាពាក្យស្លោកមួយចំនួននៅតាមរបងខាងមុខរោងចក្រសហគ្រាសដើម្បីចូលរួមអបអរសាទរទិវាពិភពលោកដើម្បីសុវត្ថិភាពនិងភាពការងារដើម្បីរួមចំណែកក្នុងការផ្សព្វផ្សាយនិងលើកកម្ពស់សុវត្ថិភាពនិងសុខភាពការងារនិងបង្ការគ្រោះថ្នាក់ការងារនឹងជំងឺជីវៈជាយថាហេតុដល់បងប្អូនកម្មករនិយោជិត។
លោក រដ្ឋមន្ត្រីបានបញ្ជាក់ថាបដាពាក្យស្លោកផ្សព្វផ្សាយរួមមាន ៖
ទី១. អបអរសាទរទិវាពិភពលោកដើម្បីសុវត្ថិភាពនិងសុខភាពការងារ ២៨មេសា ទី២. បរិយាកាសការងារប្រកបដោយសុវត្ថិភាពនិងសុខភាពការងារគឺជាសិទ្ធិនិងគោលការណ៍ជាមូលដ្ឋាននៅកន្លែងធ្វើការ ទី៣.ធ្វើសកម្មភាពរួមគ្នាដើម្បីកសាងវប្បធម៌សុវត្ថិភាពនិងសុខភាពការងារជាវិជ្ជមាន ទី៤. ត្រូវរៀបចំឱ្យមានប្រព័ន្ធគ្រប់គ្រងសុវត្ថិភាពនិងសុខភាពការងារនៅគ្រប់កន្លែងធ្វើការមានសុវត្ថិភាពការងារ ទី៥.មានសុវត្ថិភាពការងារគឺគ្មានគ្រោះថ្នាក់ការងារ ទី៦.ធានាឱ្យគ្រប់កន្លែងការងារនៅក្នុងព្រះរាជាណាចក្រកម្ពុជា មានសុវតិ្ថភាពល្អ ទី៧.រួមគ្នាកាត់បន្ថយគ្រោះថ្នាក់និងជំងឺវិជ្ជាជីវៈ ទី៨.ជីវិតរបស់ខ្ញុំការងាររបស់ខ្ញុំនិងការងារប្រកបដោយសុវត្ថិភាពរបស់ខ្ញុំ និងទី៩ ការងារសមរម្យគឺជាការងារប្រកបដោយសុវត្ថិភាព៕
ដោយ ៖ សំអឿន
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី