ព័ត៌មានជាតិ
ព្យុះភ្លៀងខ្យល់កន្ត្រាក់បោកបក់យ៉ាងខ្លាំង បង្កឲ្យលិចទូក និងខូចខាតផ្ទះពលរដ្ឋជិត ៣០០ ខ្នង
តាមរបាយការណ៍របស់គណៈកម្មាធិការគ្រប់គ្រងគ្រោះមហន្តរាយថ្នាក់ខេត្ត បានបញ្ជាក់ថា កាលពីល្ងាចថ្ងៃទី ១៦ ខែមេសានេះ មានព្យុះភ្លៀងខ្យល់កន្ត្រាក់បោកបក់យ៉ាងខ្លាំងមកលើទឹកដីខេត្តស្ទឹងត្រែង បង្កឲ្យមានទូកប្រជាពលរដ្ឋលិចពេលឆ្លងកាត់ទន្លេមេគង្គ បណ្ដាលឲ្យស្លាប់ម្នាក់ ,ផ្ទះ ២៦៩ ខ្នង រងការខូចខាត ,និងកុមារម្នាក់រងរបួសផងដែរ។
របាយការណ៍គណៈកម្មាធិការគ្រប់គ្រងគ្រោះមហន្តរាយថ្នាក់ខេត្តបានបញ្ជាក់បន្ថែមថា ករណីនេះបានកើតឡើងកាលពីវេលាម៉ោង ០៧ យប់ ថ្ងៃទី ១៥ ខែមេសា ឆ្នាំ ២០២៣ ត្រូវនឹងថ្ងៃចូលឆ្នាំទី ២ បង្កផលប៉ះពាល់ផ្ទះប្រជាពលរដ្ឋ នៅស្រុកសេសាន ១១២ ខ្នងផ្ទះ -ស្រុកថាឡាបរិវ៉ាត់ ២៩ ខ្នងផ្ទះ -ក្រុងស្ទឹងត្រែង ២០ ខ្នងផ្ទះ -ស្រុកបុរីអូរស្វាយសែនជ័យ ៤៨ ខ្នងផ្ទះ -ស្រុកសៀមបូក ៤៦ ខ្នងផ្ទះ និងលិចទូកមួយករណី ស្លាប់មនុស្សម្នាក់ ឈ្មោះ ម៉ៅ វណ្ណដា ភេទប្រុស អាយុ ២៤ ឆ្នាំ រស់នៅភូមិ-ឃុំកោះព្រះ ស្រុកសៀមបូក។
លោក ឡុង ថា មេឃុំកោះព្រះ បានបញ្ជាក់ថា សមត្ថកិច្ចបានជួយតាមរកសពជនរងគ្រោះដែលបានបើកទូកឆ្លងកាត់ទន្លេមេគង្គ ត្រូវខ្យល់ព្យុះបក់បោកពន្លិច ដែលក្នុងហេតុការណ៍លិចទូកនេះ ជួយសង្គ្រោះបានមនុស្ស ២ នាក់ និងម្នាក់ឈ្មោះ ម៉ៅ វណ្ណដា ភេទប្រុស អាយុ ២៤ ឆ្នាំ ត្រូវបានលង់ទឹកស្លាប់។
ដោយឡែក លោក ទួន ផូ រស់នៅភូមិថ្មី សង្កាត់សាមគ្គី ក្រុងស្ទឹងត្រែង បានបញ្ជាក់ដែរថា គ្រោះធម្មជាតិនេះមិនមានឲ្យសញ្ញាអ្វីឲ្យដឹងមុនទេ ស្រាប់តែនៅសុខៗ មានខ្យល់បក់បោកខ្លាំងមកតែម្ដង ហាក់ដូចជាមានគំនុំខឹងនឹងអ្វីមួយ បង្កឲ្យពលរដ្ឋភ័យខ្លាច នៅក្រោយទេវតាឆ្នាំថ្មី ព្រះនាងកិមិរាទេវីយាងចុះមកបានតែ ១៥ ម៉ោងប៉ុណ្ណោះ។
លោក សាយ កុសល អភិបាលក្រុងស្ទឹងត្រែង បានអំពាវនាវក្នុងហេតុការណ៍ករណីគ្រោះធម្មជាតិនេះ ទោះបីជាយ៉ាងណា សូមប្រជាពលរដ្ឋលើកកម្ពស់ការប្រុងប្រយ័ត្នខ្ពស់ ដោយថែរក្សាសមាជិកក្រុមគ្រួសារនិមួយៗ ឲ្យមានសុវត្ថិភាព។
សូមបញ្ជាក់ថា នេះជាលើកទីមួយហើយដែលគ្រោះធម្មជាតិបានវាយប្រហារស្ទើរតែគ្រប់ក្រុង-ស្រុក មកលើខេត្តស្ទឹងត្រែង បង្កឲ្យផ្ទះប្រជាពលរដ្ឋ ២៦៩ ខ្នងផ្ទះ រងការខូចខាត បង្ករបួសស្នាមដល់មនុស្ស និងបក់បោកពន្លិចទូកបណ្ដាលឲ្យស្លាប់មនុស្ស ក្នុងពេលដែលរដូវវស្សាជិតឈានចូលមកដល់៕
អត្ថបទ ៖ ងិន លីម
អាជ្ញាធរខេត្តកណ្ដាលប្រាប់ពលរដ្ឋឃុំព្រៃពួច ស្រុកអង្គស្នួល មកផ្ទៀងផ្ទាត់ឯកសារវិនិច្ឆ័យក្បាលដី
ដល់រដូវសត្វក្រៀល បន្លាស់ទីមកដល់អន្លង់ព្រីង ខណៈសត្វកម្រទម្លាប់ដេកជាប់ដី ក្លាយជាទស្សនីយភាពទាក់ទាញទេសចរឆ្ងាយជិតមកទស្សនា
អភិបាលរងខេត្តកណ្ដាល ផ្ដាំអាជ្ញាធរជាប់ព្រំដែន រឹតបន្តឹងលើជនបរទេសដែលលួចជ្រៀតចូលខុសច្បាប់
គម្រោងប្រព័ន្ធធារាសាស្រ្តដ៏ធំ ស្រោចស្រពលើផ្ទៃដីបង្កបង្កើនផល៣០ម៉ឺនហិកតា សម្រេចបាន ១០%
ផ្កាអង្គារសិល្ប៍ឆ្នាំនេះ ឡើងថ្លៃព្រោះ ផ្កាចេញមិនទាន់ ខណៈផ្កាដទៃសម្បូរដូចរាល់ឆ្នាំ
អាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
ស្រូវប្រាំងមួយចំនួនក្នុងខេត្តបន្ទាយមានជ័យ ប្រឈមការខូចខាត ព្រោះខ្វះទឹកស្រោចស្រព
អេស៊ីលីដាទទួលបានការបញ្ជាទិញសញ្ញាបណ្ណជាង៨៥លានដុល្លារនៃការធ្វើបរិវិសកម្មដំណាក់ទី១
ស្ត្រីវ័យ៥៩ឆ្នាំ សម្លាប់ខ្លួនដោយសារតែជំងឺប្រចាំកាយ
-
ចរាចរណ៍៥ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
សន្តិសុខសង្គម៥ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានអន្ដរជាតិ៣ ម៉ោង agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានអន្ដរជាតិ២ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ១ ថ្ងៃ agoទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានអន្ដរជាតិ៣ ថ្ងៃ agoយោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត