ជីវិតកម្សាន្ដ

ជំងឺធ្វើទុក្ខ ស្វាមីតារាចម្រៀងអ្នកនាង សួន ចន្ថា ត្រូវបញ្ជូនចូលពេទ្យ

បានផុស

២ years មុន

នៅ

ថ្ងៃអង្គារ ១៨ មេសា ២០២៣

ដោយ

អ្នកគាំទ្របានសម្ដែងក្តីព្រួយបារម្ភគ្រប់គ្នា ខណៈដឹងថា ស្វាមីរបស់តារាចម្រៀងសំនៀងផ្អែមចាស់ វស្សា អ្នកនាង សួន ចន្ថា ត្រូវបានបញ្ជូនចូលមន្ទីរពេទ្យ បន្ទាប់ពីជំងឺធ្វើទុក្ខឡើងវិញ។ នេះបើតាមការបញ្ជាក់ឲ្យដឹងពីអ្នកនាង សួន ចន្ថា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើទំព័រហ្វេសប៊ុករបស់តារាចម្រៀងអ្នកនាង សួន ចន្ថា នារសៀលថ្ងៃទី ១៨ ខែមេសា ឆ្នាំ ២០២៣ នេះ បានបង្ហោះរូបភាពស្ថិតក្នុងមន្ទីរពេទ្យ ដោយភ្ជាប់ខ្លឹមសារថា កាដូឆ្នាំថ្មី ប្តីខ្ញុំចូលពេទ្យ ដោយសារជំងឺលើសឈាម ឡើងជាតិស្ករ ឆាប់ជាណាលោកប្តី។ អ្នកនាង មិនបានបញ្ជាក់ថា ពេលនេះស្វាមីខ្លួនកំពុងសម្រាកព្យាបាលនៅមន្ទីរពេទ្យណាទេ។

ជាមួយគ្នា នៃការបង្ហោះពីដំណឹងខាងលើនេះដែរ ភ្លាមៗនោះ មានអ្នកគាំទ្រ និងសិល្បករ-សិល្បការិនីមួយចំនួន បង្ហាញពីការព្រួយបារម្ភ និងជូនពរឲ្យឆាប់ជាសះស្បើយផងដែរ។

សូមរម្លឹកថា តារាចម្រៀងជើងចាស់អ្នកនាង សួន ចន្ថា កន្លងមកក៏បានទម្លាយប្រាប់ឲ្យដឹងយ៉ាងកម្សត់ថា រាល់ថ្ងៃអ្នកនាងដើរច្រៀងតាមហាងពេលយប់ ដើម្បីរកលុយព្យាបាលជំងឺប្តីដែលបានធ្លាក់ ខ្លួនឈឺមានរយៈពេលប៉ុន្មានឆ្នាំមកនេះ។

បើតាមការបង្ហើបឲ្យដឹងពីតារាចម្រៀងអ្នកនាង សួន ចន្ថា កន្លងមក ស្វាមីរបស់គាត់មានជំងឺទឹកនោមផ្អែម និងលើសឈាម។ តាមរយៈដំណឹងនេះដែរ គេឃើញមានអ្នកគាំទ្រ និងសិល្បករ-សិល្បការិនីខ្មែរមួយចំនួន បានសម្ដែងការអាណិតអាសូរ ព្រមទាំងជូនពរដល់ស្វាមីអ្នកនាង សួន ចន្ថា ឆាប់ជាសះស្បើយពីជំងឺផងដែរ៕

អត្ថបទ ៖ ចាន់រ៉ា