BLACKPINK បង្កើតប្រវត្តិសាស្ត្រជាក្រុមចម្រៀងទីមួយ មានការស្ទ្រីមលើសពី ១០ ពាន់លានលើ Spotify

ក្រុមចម្រៀងស្រី BLACKPINK បានបំបែកឯកទកម្មមួយក្រោយពីមួយទៀតជាបន្តបន្ទាប់ បានក្លាយជាក្រុមចម្រៀងស្រីទីមួយក្នុងប្រវត្តិសាស្ត្រដែលមានការស្ទ្រីមលើសពី ១០ ពាន់លាននៅលើវេទិកាតន្ត្រី Spotify

នៅថ្ងៃទី ២២ ខែមេសា ក្រុមចម្រៀង BLACKPINK ទទួលបានការស្ទ្រីមលើសពី ១០ ពាន់លាននៅលើវេទិកាតន្ត្រី Spotify ជាមួយនេះ ពួកគេបានក្លាយជាក្រុមចម្រៀងស្រីដំបូងគេក្នុងប្រវត្តិសាស្ត្រ ដែលសម្រេចបានជោគជ័យយ៉ាងដូច្នេះ។ គួរកត់សម្គាល់ថា BLACKPINK សម្រេចបាននូវចំណុចនេះ បើទោះបីជាមានការផ្អាករយៈពេល ២ ឆ្នាំក្នុងអាជីពរបស់ពួកគេ ។

ជាមួយនឹងកម្រិតនៃការស្ទ្រីម Spotify របស់ពួកគេ BLACKPINK បានបង្ហាញពីប្រជាប្រិយភាពជាសកលរបស់ពួកគេម្តងទៀត មិនត្រឹមតែជាក្រុមប៉ុណ្ណោះទេ ប៉ុន្តែក៏ក្នុងនាមជាសមាជិកផងដែរ។ ម៉្យាងវិញទៀត BLACKPINK ថ្មីៗនេះបានសម្តែងជាក្នុងនាមជាសិល្បករជួរមុខនៅមហោស្រពតន្ត្រី Coachella ។ បន្ទាប់ពីបញ្ចប់ការសម្តែង Coachella ក្រុម BLACKPINK ពួកគេនឹងបន្តដំណើរការ ប្រគំតន្ត្រីទេសចរណ៍ពិភពលោករបស់ពួកគេ “BORN PINK” ។

យ៉ាងណាមិញ ថ្មីៗនេះ ការប្រគំតន្ត្រី “BORN PINK” របស់ BLACKPINK ក៏បានក្លាយជាការប្រគំតន្ត្រីទេសចរណ៍ដែលរកចំណូលបានខ្ពស់បំផុតក្នុងប្រវត្តិសាស្ត្រដោយរកបាន ៧៨.៥ លានដុល្លារអាមេរិក៕

ប្រែសម្រួល៖នាងតូច

ចុចអាន៖ការប្រគំតន្ត្រី“Born Pink” ធ្វើឲ្យ BLACKPINK ក្លាយជាក្រុមចម្រៀងស្រីរកចំណូលបានច្រើនជាងគេក្នុង​ប្រវត្តិសាស្ត្រ