ខ្យល់កន្ត្រាក់បំផ្លាញផ្ទះពលរដ្ឋ១៧ខ្នងនៅស្រុកសំឡូត

នំនៅឋានរបស់ប្រជាពលរដ្ឋចំនួន១៧ខ្នង និងដើមឈើមួយចំនួននៅក្នុងភូមិសាស្ត្រភូមិកណ្តាល ឃុំស៊ុង ស្រុកសំឡូត ខេត្តបាត់ដំបង ត្រូវបានខ្យល់កន្ត្រាក់វាយបំផ្លាញស្ទើរគ្មានសល់បន្ទាប់ពីមានភ្លៀងមួយមេយ៉ាងធំ។

ខ្យល់កន្ត្រាក់នៅតែបន្តតាមយាយីក្នុងខេត្តបាត់ដំបងឥតឈប់ឈរ ជាក់ស្តែងនៅវេលាម៉ោង៤និង៣០នាទី ល្ងាចថ្ងៃទី ២៣ ខែមេសា ឆ្នាំ២០២៣ នេះ គឺមានភ្លៀងធ្លាក់លាយឡំនឹងខ្យល់កន្ត្រាក់មកជាមួយផងបណ្តាលអោយខូចខាតផ្ទះប្រជាពលរដ្ឋចំនួន១៧ខ្នង នៅក្នុងភូមិកណ្តាល ឃុំស៊ុង មានដូចខាងក្រោម ១.ឈ្មោះ នុន ឈីម ២.ឈ្មោះ នឹម ធី  ៣.ឈ្មោះ ឌុយ យឿត ៤.ឈ្មោះ គេន ហុង ៥.ឈ្មោះ ចាន់ នីម ៦.ឈ្មោះ វិន សុខា ៧.ឈ្មោះ ប៉ាត់ ញឿន ៨.ឈ្មោះ អឿន ចិត្ត ៩.ឈ្មោះ នួន ចាន់ណា ១០.ឈ្មោះ ដាន ហើយ ១១.ឈ្មោះ យុន នឿន ១២.ឈ្មោះ សួង ឃី ១៣.ឈ្មោះ សែង ភាព ១៤.ឈ្មោះ សួន ធា ១៥.ឈ្មោះ អៀង ភា ១៦.ឈ្មោះ ស៊ឹម ធាវីន និង១៧.ឈ្មោះ ទេព នី ។

បើទោះបីជាដើមឈើមួយចំនួននៅក្នុងភូមិសាស្ត្រខាងលើ ត្រូវបានបាក់ដោយសារខ្យល់កន្ត្រាក់ក៏ដោយ ក៏មិនមានប៉ះពាល់ដល់អាយុជីវិតមនុស្សឡើយ៕

អត្ថបទ៖ សោ និយមរ័ត្ន