លោកស្រី Hillary Clinton ត្រូវបានជ្រើសរើសធ្វើជាតំណាងអ្នកបោះឆ្នោតក្នុងប្រព័ន្ធ Electoral College នៅទីក្រុងញូវយ៉ក

អតីតបេក្ខជនប្រធានាធិបតីអាមេរិកលោកស្រី Hillary Clinton បាននិយាយថា លោកស្រីត្រូវបានជ្រើសរើសឲ្យធ្វើជាតំណាងទីក្រុងញូវយ៉កជាសមាជិកម្នាក់ក្នុងចំណោមសមាជិក ៥៣៨ នាក់នៃប្រព័ន្ធបោះឆ្នោត Electoral College ឬអង្គអ្នកបោះឆ្នោតតំណាងដែលមានសិទ្ធិបោះឆ្នោតជ្រើសរើសប្រធានាធិបតីបន្ទាប់ ។

លោកស្រី Clinton បានប្រាប់សារព៌តមានអាមេរិក SiriusXM ថា “ខ្ញុំជាអ្នកបោះឆ្នោតនៅទីក្រុងញូវយ៉ក ។ ខ្ញុំច្បាស់ណាស់ ខ្ញុំនឹងបោះឆ្នោតឲ្យលោក Joe Biden និងលោកស្រី Kamala Harris ក្នុងទីក្រុងញូវយ៉ក” ។

ទន្ទឹមនោះដើម្បីក្លាយជាប្រធានាធិបតីសហរដ្ឋអាមេរិក បេក្ខជនត្រូវឈ្នះឆ្នោតចំនួន ២៧០ សម្លេងពីប្រព័ន្ធបោះឆ្នោត Electoral College ដែលត្រូវបានបម្រុងទុកសម្រាប់រដ្ឋនីមួយៗដោយផ្អែកលើចំនួនប្រជាជន ។

បន្ថែមពីនេះបេក្ខជនដែលឈ្នះការបោះឆ្នោតដែលផ្ដោតលើប្រជាប្រិយភាពត្រឹមតែមួយសន្លឹកក៏ដោយក៏ទទួលបាននូវលទ្ធផលឈ្នះការបោះឆ្នោតក្នុងរដ្ឋទាំងអស់ផងដែរ ខណៈលើកលែងតែរដ្ឋចំនួន ២ ប៉ុណ្ណោះរបស់សហរដ្ឋអាមេរិកដែលមិនគិតពីលទ្ធផលនេះ ហើយក្នុងទីក្រុងញូវយ៉កមានអ្នកតំណាងបោះឆ្នោតគាំទ្រគណបក្សសាធារណរដ្ឋចំនួន ២៩ នាក់ប៉ុណ្ណោះ ។

គូរបញ្ជាក់ថា លោកស្រី Clinton ទទួលបានសម្លេងគាំទ្រជិត ២.៩ លានសម្លេងច្រើនជាងលោក Donald Trump ក្នុងការបោះឆ្នោតប្រធានាធិបតីឆ្នាំ ២០១៦ ប៉ុន្តែបានចាញ់ការបោះឆ្នោតវិញ បន្ទាប់ពីលោក Trump ទទួលបានសម្លេងភាគច្រើននៅក្នុងប្រព័ន្ធបោះឆ្នោត Electoral College ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik