កៀកថ្ងៃរៀបការមែនទែន Mark-Kimberly ស្រាប់តែប្រកាសលក់ផ្ទះ

មុនថ្ងៃចូលរោងជ័យ មកដល់នៅចុងឆ្នាំ២០២៣នេះ ​គូស្នេហ៍ Mark-Kimberly ស្រាប់តែប្រកាសលក់ផ្ទះលំហែផ្ទាល់ខ្លួន នៅក្បែរក្រុងបាងកក បង្កការភ្ញាក់ផ្អើលដល់អ្នកគាំទ្រយ៉ាងខ្លាំង។

ផ្ទះលំហែប្រណីតមួយខ្នង នៅចម្ងាយប្រមាណ ១១៦គីឡូម៉ែត្រ ពីទីក្រុងបាងកក ត្រូវបាន Mark និង Kimberly ប្រកាសលក់បន្ទាន់ មូលហេតុដោយសារពួកគេពុំមានពេលថែទាំគ្រប់គ្រាន់ ​ហើយក៏គ្មានពេលទៅសម្រាកលំហែនោះដែរ។

តាមរយៈសារបង្ហោះដោយគូស្នហ៍តារាមួយគូនេះ បានឱ្យដឹងថា ផ្ទះមួយខ្នងនោះជាផ្ទះ សម្រាប់វិស្សមកាលរបស់ពួកគេ ដែលវាមានទីតាំងស្ថិតនៅខេត្ត Nakhon Nayok ភាគឦសានទីក្រុងបាងកក។ ផ្ទះនេះមានបន្ទប់គេង ២បន្ទប់ បន្ទប់ទឹក ២បន្ទប់ និងរានហាលយ៉ាងទូលាយ។ មិនតែប៉ុណ្ណោះក្បែរផ្ទះមានទីលានវាយកូនហ្គោល នៅជិតតំបន់ទេសចរណ៍ និងហ៊ុំព័ទ្ធដោយជួរភ្នំ ព្រមទាំងបឹងយ៉ាងស្រស់ស្អាតផងដែរ។ យ៉ាងណាមិញ ចំពោះតម្លៃប៉ុនណានោះ ម្ចាស់ផ្ទះមិនទាន់បង្ហើបនោះទេ៕

ប្រែសម្រួល៖ សន្យា

ចុចអាន៖ ស្រលាញ់គ្នាជិត ១០ ឆ្នាំ Mak ទម្លាយថ្ងៃផ្ដើមស្នេហ៍ដំបូងជាមួយមិត្តស្រី ក្រោយកៀកថ្ងៃរៀបការ

ចុចអាន៖ មិនទាន់ធំផង Weir កំណត់អាយុឱ្យកូនស្រីមានមិត្តប្រុសបាត់