Aum Patchrapa សារភាពថា នាងគឺជាមនុស្ស Introvert

រៀមច្បង Aum Patcharapa យល់ស្របជាមួយមិត្តម្នាក់ដែលបានចែករំលែកខ្លឹមសារមួយអំពី​បុគ្គលិកលក្ខណៈរបស់នាងថាជាមនុស្ស introvert ដោយនិយាយថា នាងពិតជា​បែបនេះពិតមែន។

ទោះយ៉ាងណាក៏ដោយ តារា​ស្រី​លំដាប់​ជួរមុខ​នាង Aum Patchrapa ធ្លាប់​បាន​ផ្ដល់​បទសម្ភាសន៍​ថា នាង​ជា​មនុស្ស​ចូលចិត្ត​នៅ​ផ្ទះ ហើយមិនចូលចិត្ត​ទៅ​ជប់លៀង​ផ្សេងៗ។ ស្របពេលកាលពីពេលថ្មីៗនេះ មិត្តភ័ក្ដិ​ជិតស្និទ្ធ​របស់ Aum បានចែករំលែកសារមួយតាមរយៈ IG story ដោយបង្ហាញអំពី​បុគ្គលិក​លក្ខណៈនៃប្រភេទមនុស្ស Introvert ។

នៅក្នុង​សារ​នោះបានសរសេរ​ថា “ការ​ធ្វើ​ជា​មនុស្ស​មាន​ចិត្ត​គំនិត​ គឺ​យើង​សប្បាយ​ចិត្ត​នៅ​ជាមួយ​ខ្លួន​ឯង។​វាមិនមែនមានន័យថា​ យើង​ជា​មនុស្ស​ដែល​ប្រឆាំង​នឹង​ការ​ចេញ​ទៅ​ពិភព​ខាងក្រៅ​នោះទេ។ គ្រាន់តែពេញចិត្តនឹងពេលវេលាដ៏​ស្ងប់ស្ងាត់​នោះ បាន​ចំណាយ​ពេល​នៅផ្ទះ យើង​រក​ឃើញ​ផ្ទះ​ជា​កន្លែង​សុវត្ថិភាព។ ហើយ​យើង​ខ្លួនឯង​គឺ​ជា​ការ​លួងលោម​របស់​យើង។ វា​ជា​ពេល​វេលា​ដែល​យើង​អាច​ក្លាយ​ជា​ខ្លួន​ឯង​បាន​យ៉ាង​ពេញលេញ”។

ជាមួយគ្នានោះដែរ មិត្តរបស់ Aum បាន tag រូបនាង បន្ទាប់មករៀមច្បងរូបនេះ ក៏បានចែករំលែកសារនេះ ហើយ​សរសេរថា “ពិត” រួមជាមួយនឹង Emoji មុខ​ញញឹម​ថែម​ទៀតផង។ ក្នុងន័យ​នេះពាក្យថា Introvert គឺជាអ្នក​ដែលចូលចិត្តធ្វើខ្លួន​ជាមនុស្សស្ងប់ស្ងាត់ មិនចូលចិត្តចូលសង្គម​ច្រើន ពាក្យ​ថា Extrovert ជា​មនុស្ស​បើកចំហ តែងតែចូលចិត្តជួបមនុស្សថ្មីៗជានិច្ច៕

ប្រែសម្រួល៖ សាង ស្រីល័ក្ខ

ចុចអាន៖បវរកញ្ញា ថៃ និង វៀតណាម សុទ្ធតែរងនូវពាក្យជេរប្រមាថ ពីសំណាក់មហាជនដូចគ្នា