កីឡា
សម្តេចតេជោ ហ៊ុន សែន ណែនាំអ្នកគាំទ្រឲ្យរក្សាសណ្តាប់ធ្នាប់ និងហាមផ្លោះរបងចូលទីលាន
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានចេញសារណែនាំដល់អ្នកគាំទ្រ និងប្រជាពលរដ្ឋដែលស្រឡាញ់ចូលចិត្តកីឡា ជាពិសេសការចូលទស្សនាបាល់ទាត់ក្នុងកីឡាស៊ីហ្គេម សូមរក្សាសណ្តាប់ធ្នាប់ សេចក្តីថ្លៃថ្នូរ និងហាមផ្លោះរបងចូលទីលានប្រកួត។
នៅព្រឹកថ្ងៃទី២៧ ខែមេសា សម្តេចតេជោ ហ៊ុន សែន មានប្រសាសន៍ថា ៖«បងប្អូនជនរួមជាទីគោរពស្រឡាញ់! ជាពិសេស ក្មួយៗ យុវជន និងបងប្អូន អ្នកគាំទ្រកីឡា ប៉ុន្មានថ្ងៃមុននេះ ខ្ញុំបានជំរាបទៅអាជ្ញាធររាជធានី-ខេត្តឲ្យបញ្ចាំងស្លាយ (LED) សម្រាប់បញ្ចាំងផ្សាយបន្តផ្ទាល់ពីការបើក-បិទ និងការប្រកួតស៊ីហ្គេម ដើម្បីបងប្អូនមានលទ្ធភាពមើលពីខាងក្រៅ។ ហេតុផលគឺស្ថិតនៅត្រង់ថា កន្លែងប្រកួតរបស់យើងគឺមានកម្រិតទទួលចំនួនមនុស្ស។ ស្តាតរបស់យើងគឺមិនធំពេកទេ ក្នុងពេលដែលតម្រូវការមនុស្សចូលមើលយ៉ាងច្រើន។ អាស្រ័យហេតុនេះ ការរៀបចំទីកន្លែងសម្រាប់ការមើលខាងក្រៅគឺជារឿងចាំបាច់ហើយដែលអាជ្ញាធរគ្រប់ទីកន្លែងត្រូវទទួលខុសត្រូវរៀបចំសម្រាប់បងប្អូន ហើយរក្សាសន្តិសុខឲ្យខាងតែបាន»។
សម្តេចតេជោសង្កត់ធ្ងន់ថា ៖«អ្វីដែលខ្ញុំករុណា ខ្ញុំចង់និយាយនៅពេលនេះ ខ្ញុំចង់ឲ្យបងប្អូនដែលស្នេហាវិស័យកីឡា មេត្តាយោគយល់ និងរក្សានូវភាពថ្លៃថ្នូរតាមរយៈនៃការប្រកួតនីមួយៗ។ បទពិសោធនៅឆ្នាំ២០១៦ នៅពេលដែលកម្ពុជាជួបជាមួយទីម័រខាងកើត ពេលនោះមានបងប្អូនយើងមួយចំនួនបានផ្លោះរបងចូលទៅកាន់ទីលានប្រកួតដែលធ្វើឲ្យបាត់បង់នូវសណ្តាប់ធ្នាប់។ ពេលនោះ និងពេលនេះ គឺស្ថានភាពមិនដូចគ្នាទេ កម្ពុជាទទួលនូវភ្ញៀវរាប់ម៉ឺននាក់ ដែលមកកាន់ទីក្រុងភ្នំពេញ និងទៅកាន់ទីកន្លែងប្រកួតដទៃទៀត ដូចជាខេត្តសៀមរាប ខេត្តព្រះសីហនុ ខេត្តកំពត ខេត្តកែប ជាដើម ឬកន្លែងដទៃទៀត ដូច្នេះខ្ញុំសូមស្នើរចិត្តបងប្អូន មេត្តាយោគយល់ សូមកុំឲ្យមានការបាត់បង់សណ្ឋាប់ធ្នាប់ណាមួយ តាមរយៈការមិនគោរពទៅដល់វិធានការផ្នែកសន្តិសុខ សណ្តាប់ធ្នាប់សង្គម។ ឧទាហណ៍ បញ្ហាការចូលមើលសម្រាប់ការប្រកួតកីឡាបាល់ទាត់ ប្រសិនបើពុំមាននូវលិខិតដែលទទួលបានផ្តល់ដោយអ្នកគ្រប់គ្រងនៃការប្រកួតទេ សូមបងប្អូនមើលទៅតាមការបញ្ចាំងស្លាយនៅខាងក្រៅ ដោយអាជ្ញាធរជាអ្នករៀបចំ»។
សម្តេចតេជោនាយករដ្ឋមន្ត្រីក៏បានបញ្ជាក់ថា ការរក្សាសណ្តាប់ធ្នាប់ សេចក្តីថ្លៃថ្នូរ និងគោរពតាមវិធានសន្តិសុខគឺដើម្បីការពារសុវត្ថិភាព និងមុខមាត់ប្រទេសជាតិ។ អ្នកគាំទ្រជៀសវាងដាច់ខាតការជេរប្រមាថទៅលើក្រុម ឬអត្តពលិកណាមួយទាំងតាមទីកន្លែងទស្សនាផ្ទាល់ និងតាមបណ្តាញទំនាក់ទំនងសង្គម។ ជាពិសេសអ្នកគាំទ្រក្នុងនាមជាម្ចាស់គួរផ្តល់នូវសេចក្តីគោរព ស្រឡាញ់ និងសាមគ្គីភាពដល់ក្រុម អត្តពលិក ប្រតិភូ ព្រមទាំងភ្ញៀវអន្តរជាតិ៕
អត្ថបទ៖ វីរបុត្រ
ក្រុមស្រឡាញ់ភេទដូចគ្នារាប់រយគូនៅថៃ កំពុងចាំចុះសំបុត្រអាពាហ៌ពិពាហ៌ ក្រោយច្បាប់ថ្មីអនុម័ត
ផលិតករភាពយន្ត ថា វិបត្តិច្បាប់អាជ្ញាសឹកបានបំផ្លាញកេរ្តិ៍ឈ្មោះប្រទេសកូរ៉េខាងត្បូង
ត្រៀម CV ! ឱកាសការងារសម្រាប់សិស្សនិស្សិត រយៈពេល ២ថ្ងៃ ចាប់ផ្តើមពីស្អែកនេះ
អាជ្ញាធរខណ្ឌពោធិ៍សែនជ័យ បន្តដាក់គ្រឿងចក្រឈូសកាយពង្រីកផ្លូវ នៅផ្សារត្រពាំងពោធិ៍
ប្រព័ន្ធគ្រប់គ្រងភាពជឿជាក់លើធុរជនជំនាន់ថ្មីរបស់គយនឹងដាក់ឱ្យប្រើប្រាស់ជាផ្លូវការនៅដើមខែកុម្ភៈ
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
កូរ៉េខាងជើង ប្រហារជីវិតអ្នកស្រាវជ្រាវជាន់ខ្ពស់ ព្រោះគម្រោងថាមពលនុយក្លេអ៊ែរបរាជ័យ
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់