Angelina Jolie និង Maddox បង្ហាញវត្តមានក្នុងពិធិជប់លៀង នៅសេតវិមាន

តារាហូលីវូដ Angelina Jolie និងកូនប្រុសច្បង Maddox បានមកចូលរួមពិធីជប់លៀងរបស់រដ្ឋាភិបាល ក្នុងឱកាសទទួលស្វាគមន៍ប្រធានាធិបតីកូរ៉េខាងត្បូង ទៅកាន់ទឹកដីកាន់សហរដ្ឋអាមេរិក។

នៅថ្ងៃទី២៦ ខែមេសា ឆ្នាំ២០១៣ ទីភ្នាក់ងារសារព័ត៌មានអន្តរជាតិជាច្រើនបានរាយការណ៍ថា តារាសម្ដែងជើងចាស់ដ៏ល្បីល្បាញ Angelina Jolie និងកូនចិញ្ចឹមជនជាតិខ្មែរ Maddox បានចូលរួមពិធីជប់លៀងនៅឯសេតវិមាន ក្នុងរដ្ឋធានីវ៉ាស៊ីនតោន។ ក្នុងពិធីជប់លៀងនេះត្រូវបានរៀបចំទទួលស្វាគមន៍ប្រធានាធិបតីកូរ៉េខាងត្បូង លោក Yun Suk Yeol និងគណៈប្រតិភូដែលកំពុងបំពេញទស្សនកិច្ចនៅសហរដ្ឋអាមេរិក ជាផ្លូវការ។

លោកប្រធានាធិបតី Joe Biden និងជំទាវទីមួយអាមេរិក Jill Biden បានរៀបចំពិធីជប់លៀងមួយសម្រាប់រដ្ឋាភិបាលសហរដ្ឋអាមេរិក ទទួលស្វាគមន៍ប្រធានាធិបតី Yun Suk Yeol និងភរិយា ទៅកាន់សហរដ្ឋអាមេរិក ដើម្បីប្រារព្ធខួបលើកទី៧០ នៃទំនាក់ទំនងរវាងសហរដ្ឋអាមេរិក និងកូរ៉េខាងត្បូង។

ដោយឡែកចំពោះការបង្ហាញខ្លួនរបស់ Maddox និងម្ដាយត្រូវបានអញ្ជើញជាពិសេសក្នុងពិធីជប់លៀងនេះ ហើយក្រៅពីវត្តមានរបស់អ្នកទាំងពីរក៏មានវត្តមានតារាល្បីៗជាច្រើនរូបទៀតដូចជា Lady Gaga ជាដើម។

គួររំលឹកថា Maddox ត្រូវវបានតារាសប្បុរស Angelina Jolie ទទួលចិញ្ចឹមពីប្រទេសកម្ពុជា តាំងពីឆ្នាំ២០០២មកម្ល៉េះ ក្នុងនាមជាកូនប្រុសច្បងក្នុងគ្រួសារ។ បច្ចុប្បន្ន Maddox ឈានដល់វ័យ ២១ឆ្នាំហើយ ហើយគេកំពុងបន្តការសិក្សាថ្នាក់មហាវិទ្យាល័យ នៅប្រទេសកូរ៉េខាងត្បូង៕

ប្រែសម្រួល៖ សន្យា

ចុចអាន៖ Katy Perry ទទួលការអញ្ជើញឲ្យសម្ដែងក្នុងពិធីឡើងគ្រងរាជ្យរបស់ស្តេច Charles

ចុចអាន៖ Kim Kardashian នឹងធ្វើជាមេធាវី ក្រោយលាឈប់ពីសិល្បៈ