ព័ត៌មានជាតិ
គំរាមសង្សារឲ្យទិញម៉ូតូPGX តម្លៃ ២៥០០ ដុល្លារ បើមិនចឹងនឹងបង្ហោះរូបអាក្រាតឲ្យខ្មាសគេ
តាមអគ្គស្នងការនគរបាលជាតិ យុវជនសង្ស័យម្នាក់ត្រូវបាននគរបាលខណ្ឌដង្កោ ចាប់ឃាត់ខ្លួន ក្រោយបានផ្ញើសារសំឡេងតាម messenger គំរាមទារប្រាក់ពីនារីជាសង្សារជាថ្នូរនឹងការមិនបង្ហោះរូបអាសអាភាសរវាងជនរងគ្រោះ និងជនសង្ស័យធ្លាប់បានគេងជាមួយគ្នា និងគំរាមសម្លាប់ថែមទៀត ដោយជនសង្ស័យខឹងជនរងគ្រោះដើរលេងជាមួយបុរសម្នាក់ជាសង្សារថ្មី ។
យុវជនសង្ស័យត្រូវបានឃាត់ខ្លួនកាលពីម៉ោង១៣និង៣០នាទី ថ្ងៃទី១៨ ខែមករា ឆ្នាំ២០២១ ស្ថិតនៅចំណុចកន្លែងលាងម៉ូតូភូមិខ្វា សង្កាត់ដង្កោ រាជធានីភ្នំពេញ ដោយអនុវត្តតាមបណ្តឹងរបស់នារីរងគ្រោះ ។
បើតាមសេចក្តីរាយការណ៍ពីអធិការដ្ឋាននគរបាលខណ្ឌដង្កោឱ្យដឹងថា កាលពីរសៀលថ្ងៃទី១៧ ខែមករា ឆ្នាំ២០២១ ជនសង្ស័យឈ្មោះ សឿ សារ៉ន ហៅ រាជ សុវណ្ណារាជ អាយុ២៨ឆ្នាំ ស្នាក់នៅផ្ទះជួលស្ថិតនៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ប្រកបមុខរបរបុគ្គលិកក្រុមហ៊ុននាំពលករខ្មែរទៅប្រទេសជប៉ុន បានទូរសព្ទគំរាមនារីរងគ្រោះឈ្មោះ ហ.សត អាយុ៣១ឆ្នាំ ធ្វើការក្នុងក្រុមហ៊ុនជាមួយគ្នា ដោយគំរាមថានឹងបង្ហោះរូបភាពអាសអាភាសដែលខ្លួនដេកជាមួយនាង កាលពីអំឡុងចុងឆ្នាំ២០២០ និង គំរាមសម្លាប់នារីរងគ្រោះ និងបានជេរប្រមាថប្រើពាក្យធ្ងន់ៗជាច្រើនទៀត ខណៈដែលនារីរងគ្រោះបានដើរលេងជាមួយបុរសម្នាក់ទៀតនៅភ្នំតាម៉ៅ ខេត្តតាកែវ ។
សេចក្តីរាយការណ៍ពីអធិការដ្ឋាននគរបាលខណ្ឌដង្កោ ឱ្យដឹងទៀតថា កាលពីពាក់កណ្តាលខែធ្នូ ឆ្នាំ២០២០ ជនរងគ្រោះ ធ្លាប់ត្រូវបានជនសង្ស័យនាំទៅលេងផ្ទះនៅខេត្តកំពង់ចាម ហើយជនសង្ស័យក៏បានរៀបចំបន្ទប់ឱ្យជនរងគ្រោះដេក រួចធ្វើសកម្មភាពចាប់បង្ខំរួមភេទបានសម្រេច០១លើក និងលួចថតរូបភាពនៅពេលដេកជាមួយគ្នានោះតាមទូរស័ព្ទ ។ នៅពេលនោះ ជនសង្ស័យក៏បានគំរាមជនរងគ្រោះថា បើហ៊ានប្តឹង ឬទៅប្រាប់អ្នកដទៃ រូបគេនឹងបង្ហោះរូបភាពនេះចូលក្នុងហ្វេសប៊ុកឱ្យផ្អើលតែម្តង។ ដោយបានរូបភាពនឹងដៃបែបនេះ ហើយជនសង្ស័យក៏បានតម្រូវឱ្យជនរងគ្រោះទិញម៉ូតូម៉ាក PGX ០១គ្រឿងតម្លៃ២៥០០ដុល្លារ ទៅឱ្យជនសង្ស័យ បើមិនធ្វើតាមទេ រូបគេនឹងយករូបភាពនេះទៅបង្ហោះ ។ ជនរងគ្រោះខ្លាចខ្មាស់គេ ក៏បានទិញម៉ូតូតាមការចង់បានរបស់ជនសង្ស័យ ដោយធ្វើការបង់រំលស់រយៈពេល០៣ឆ្នាំ ។
សមត្ថកិច្ចបន្តថា បន្ទាប់មកនៅថ្ងៃខាងលើដោយការគំរាមកំហែង និងគាបសង្កត់ពីជនសង្ស័យខ្លាំងពេក ជនរងគ្រោះទ្រាំពុំបានក៏សម្រេចចិត្តប្តឹងរាយការណ៍ទៅសមត្ថកិច្ចដើម្បីយកទៅចាត់ការតាមផ្លូវច្បាប់ ។
នៅចំពោះមុខសមត្ថកិច្ច ជនសង្ស័យឆ្លើយសារភាពថា ខ្លួនពិតជាបានផ្ញើសារជេរប្រមាថ និងគំរាមជនរងគ្រោះ ដោយវត្ថុតាងតាមរយៈសំឡេងផ្ញើសារនៅក្នុងទូរស័ព្ទមិនអាចប្រកែកបាន ។
នៅថ្ងៃទី១៩ ខែមករា ជនសង្ស័យត្រូវបានបញ្ជូនខ្លួនទៅតុលាការចាត់ការតាមផ្លូវច្បាប់ ដោយរងការចោទប្រកាន់ពីបទ គំរាមកំហែងដោយមានបញ្ជាឱ្យបំពេញលក្ខខណ្ឌអ្វីមួយ ៕
អភិបាលខណ្ឌឬស្សីកែវ ចែកប័ណ្ណកម្មសិទ្ធិសម្គាល់ម្ចាស់អចលនវត្ថុ ដល់ពលរដ្ឋចំនួន៤ភូមិ ក្នុងសង្កាត់ច្រាំងចំរេះទី១
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
អាជ្ញាធរ និងមន្ត្រីជំនាញខេត្តកែប បន្តចុះពិនិត្យឱសថស្ថាន៥ទីតាំងក្នុងក្រុងកែប ដើម្បីបញ្ជាក់គុណភាព និងលុបបំបាត់ឱសថក្លែងក្លាយ
អ្នកស្រុកមោងឫស្សីនិយមដាំម្នាស់ ដោយសាររកចំណូលបានខ្ពស់ជាងស្រូវ
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ត្រាំ គំរាម អាចប្រើកម្លាំងយោធា ដើម្បីយកដែនដី Greenland មកគ្រប់គ្រង
Los Angeles កើតភ្លើងឆេះព្រៃច្រើនឡើងៗ បន្ថែមទៀត ឈានដល់កម្រិតគ្រោះថ្នាក់ធ្ងន់ធ្ងរបំផុត ពិបាកគ្រប់គ្រង
អ្នកឧកញ៉ា ហ៊ុន តូ ត្រៀមប្ដឹងបកទៅលោក ហេង សិទ្ធី វិញដើម្បីការពារភាពត្រឹមត្រូវ
-
ព័ត៌មានជាតិ៧ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ១៣ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ៧ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៧ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៧ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៧ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»