កីឡា
តារាលេចធ្លោ៦រូបក្នុងក្រុម U22 កម្ពុជាត្រៀមប្រកួតជាមួយទីម័រល្ងាចនេះ
ក្រុមបាល់ទាត់ជម្រើសជាតិកម្ពុជាអាយុក្រោម២២ឆ្នាំ (U22) នឹងប្រកួតជាមួយក្រុម U22 ទីម័រខាងកើត វេលាម៉ោង៧យប់ ថ្ងៃសៅរ៍នេះ សម្រាប់ការប្រកួតបើកឆាកពូល A ក្នុងកីឡាស៊ីហ្គេម លើកទី៣២ ឆ្នាំ២០២៣។
សមាជិកក្រុម U22 កម្ពុជាត្រូវបានជ្រើសរើស និងសម្រិតសម្រាំងយូរហើយមុនពេលនៅសល់២០នាក់ចុងក្រោយ។ ក្រុមកម្ពុជាបានចេញទៅហ្វឹកហាត់នៅប្រទេសថៃពីរដង និងចេញទៅប្រកួតពានរង្វាន់មិត្តភាពមួយនៅប្រទេសសិង្ហបុរី មុនពេលហ្វឹកហាត់ចុងក្រោយនៅក្នុងស្រុកត្រៀមប្រកួតតែម្តង។
នៅថ្ងៃត្រង់ ទី២៨ ខែមេសានេះ សហព័ន្ធកីឡាបាល់ទាត់កម្ពុជាប្រកាសបញ្ជីឈ្មោះ២០នាក់ចុងក្រោយដោយក្នុងកីឡាករចាំទីមានតែ២នាក់ប៉ុណ្ណោះ។ ចំពោះខ្សែប្រយុទ្ធតារាជួរមុខទាំង៣នាក់គឺ លឹម ពិសុទ្ធ សៀង ចន្ធា និង គី រីណា ខណៈខ្សែបម្រើមាន មិន រតនៈ, ជូ ស៊ីនទី, ញាន សុស៊ីដាន និង លឹម អារុណ រ៉េយមិន។
សូមបង្ហាញសមាជិកមួយចំនួនដែលគួរឲ្យចាប់អារម្មណ៍ក្នុងក្រុម U22 កម្ពុជាដែលត្រូវប្រកួតល្ងាចនេះ។
លឹម ពិសុទ្ធ៖ ខ្សែបម្រើប្រយុទ្ធស្លាបឆ្វេងនេះត្រូវបានគ្រូបង្វឹកកម្ពុជាពេញចិត្តខ្លាំង និងដាក់ឲ្យលេងរហូតមួយរយៈពេលចុងក្រោយសម្រាប់ការប្រកួតអន្តរជាតិ។ តួសំខាន់ម្នាក់ជួយភ្នំពេញក្រោនឈ្នះជើងឯកលីគកម្ពុជា កីឡាករអាយុ២០ឆ្នាំស៊ុតបាន៣គ្រាប់ឲ្យក្រុម U19 កម្ពុជាក្នុងយុទ្ធនាការណ៍ជម្រុះ 2020 AFC U-19 Championship។
សៀង ចន្ធា៖ ខ្សែប្រយុទ្ធមកពីក្លឹបបឹងកេត ជាកីឡាករជម្រើសជាតិដែលមានបទពិសោធច្រើននៅលើឆាកអន្តរជាតិសម្រាប់ក្រុមជម្រើសជាតិកម្ពុជាទាំងឈុតធំ និងឈុតយុវជន។ រូបគេជាតារាឆ្នើមដែលល្បីខាងការបញ្ចប់ទីមានប្រសិទ្ធភាព និងធ្លាប់លេងស៊ីហ្គេម ឆ្នាំ២០១៩ និង២០២១។
ញាន សុស៊ីដាន៖ កីឡាកររូបនេះឆ្នាំបង្ហាញខ្លួនឲ្យកម្ពុជាធ្វើបានល្អក្នុងតំណែងបម្រើកណ្តាលទាំងក្នុងក្រសួងការពារជាតិ និងU22កម្ពុជា។ រូបគេក៏ធ្វើបានល្អក្នុងការប្រកួតអន្តរជាតិសម្រាប់ក្រុមយុវជនកម្ពុជាកន្លងមក។
ជូ ស៊ីនទី៖ មកពីក្លឹបព្រះខ័នរាជស្វាយរៀងក៏ជាយុវជនលេចធ្លោម្នាក់ដែលទទួលបានការចាប់អារម្មណ៍ខ្លាំងក្នុងលីគកំពូលកម្ពុជា និងក្រុមយុវជនចាប់តាំងពីអាយុ១៦ឆ្នាំឡើង។
មិន រតនៈ៖ ខ្សែបម្រើរូបនេះបង្ហាញខ្លួនយ៉ាងល្អឲ្យក្រុមព្រះខន្ធរាជស្វាយរៀង និងត្រូវបានកោះហៅចូលជម្រើសជាតិ។ ក្នុងតំណែងខ្សែបម្រើកណ្តាល រូបគេជាតួសំខាន់ក្នុងការជួយក្រុម និងស៊ុតបាន១គ្រាប់ឲ្យ U19 កម្ពុជាក្នុងយុទ្ធនាការណ៍ជម្រុះ 2020 AFC U-19 Championship។
លឹម អារុណ រ៉េយមិន៖ ខ្សែបម្រើមកពីក្លឹបណាហ្គាវើលដ៍ទើបតែបានបង្ហាញខ្លួនក្នុងលីគកំពូលកំពូលកម្ពុជាកាលពីរដូវកាលមុននៅក្លឹបគិរីវង់សុខសែនជ័យ និងក្រោយមកផ្ទេរចូលក្លឹបណាហ្គាវើលដ៍។ បន្ទាប់ពីបង្ហាញខ្លួនបានយ៉ាងល្អ រូបគេត្រូវបានកោះហៅចូលជម្រើសជាតិអាយុក្រោម២២ឆ្នាំ និងបង្ហាញខ្លួនយ៉ាងល្អក្នុងពានរង្វាន់អន្តរជាតិមួយនៅប្រទេសសិង្ហបុរី។
អ្នកគាំទ្រទូទាំងប្រទេសពិតជាទន្ទឹងរង់ចាំទស្សនាការប្រកួត ដោយសារកម្ពុជាបានត្រៀមខ្លួនយូរមកហើយសម្រាប់ការទទួលរៀបចំធ្វើជាម្ចាស់ផ្ទះកីឡាស៊ីហ្គេម។ បាល់ទាត់ជាកីឡាមួយដ៏មានប្រជាប្រិយសម្រាប់មហាជន ហើយប្រហែលជាមានអ្នកគាំទ្រចូលទស្សនាផ្ទាល់ច្រើន ប៉ុន្តែដោយសារកន្លែងអង្គុយមានកំណត់ ដូច្នេះសំបុត្រចូលទស្សនាក៏មានកំណត់។
សម្រាប់អ្នកដែលមិនមានសំបុត្រចូលទស្សនាផ្ទាល់ អាចមើលតាមទូរទស្សន៍នៅផ្ទះ ប៉ុន្តែបងប្អូនក៏អាចទស្សនាតាមផ្ទាល់ LED ដែលមានរៀបចំជាច្រើនកន្លែងក្នុងរាជធានីភ្នំពេញ ក្នុងនោះបរិវេណពហុកីឡដ្ឋានជាតិអូឡាំពិកមានបញ្ចាំងតាមផ្ទាំង LED ដែរ៕
អត្ថបទ៖ វីរបុត្រ
ក្រុមស្រឡាញ់ភេទដូចគ្នារាប់រយគូនៅថៃ កំពុងចាំចុះសំបុត្រអាពាហ៌ពិពាហ៌ ក្រោយច្បាប់ថ្មីអនុម័ត
ផលិតករភាពយន្ត ថា វិបត្តិច្បាប់អាជ្ញាសឹកបានបំផ្លាញកេរ្តិ៍ឈ្មោះប្រទេសកូរ៉េខាងត្បូង
ត្រៀម CV ! ឱកាសការងារសម្រាប់សិស្សនិស្សិត រយៈពេល ២ថ្ងៃ ចាប់ផ្តើមពីស្អែកនេះ
អាជ្ញាធរខណ្ឌពោធិ៍សែនជ័យ បន្តដាក់គ្រឿងចក្រឈូសកាយពង្រីកផ្លូវ នៅផ្សារត្រពាំងពោធិ៍
ប្រព័ន្ធគ្រប់គ្រងភាពជឿជាក់លើធុរជនជំនាន់ថ្មីរបស់គយនឹងដាក់ឱ្យប្រើប្រាស់ជាផ្លូវការនៅដើមខែកុម្ភៈ
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
កូរ៉េខាងជើង ប្រហារជីវិតអ្នកស្រាវជ្រាវជាន់ខ្ពស់ ព្រោះគម្រោងថាមពលនុយក្លេអ៊ែរបរាជ័យ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់