កីឡា

ខោខ្លី-អាវដៃខ្លី១ឈុតរបស់ Honda នេះតម្លៃកប់តែម្តង

បានផុស

២ years មុន

នៅ

ថ្ងៃចន្ទ ១ ឧសភា ២០២៣

ដោយ

គ្រូបង្វឹកក្រុមបាល់ទាត់ជម្រើសជាតិកម្ពុជា Keisuke Honda ត្រូវបានមហាជនចាប់អារម្មណ៍យ៉ាងខ្លាំងពីការលេងម៉ូដសំលៀកបំពាក់ទាន់សម័យដែលម៉ាកល្បីលំដាប់ពិភពលោក។

ជាក់ស្តែងនៅពេលអតីតកីឡាករជម្រើសជាតិជប៉ុនរូបនេះដឹកនាំក្រុម U22 កម្ពុជាប្រកួតឈ្នះ ក្រុម U22 ទីម័រខាងកើត ដោយលទ្ធផល ៤-០ កាលពីថ្ងៃទី២៩ ខែមេសា កន្លងទៅនេះក្នុងព្រឹត្តិការណ៍កីឡាស៊ីហ្គេម លោកត្រូវបានគេចាប់អារម្មណ៍ខ្លាំងពីហ្វេហ្ស៊ិនខោខ្លីនិងអាវដៃខ្លីពណ៌ខ្មៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដល់ពិនិត្យមើលមែនទែនទៅ លោក Honda បានប្រើសំលៀកបំពាក់ម៉ាកល្បី GUCCI ដែលខោខ្លីពណ៌ខ្មៅក្រឡាបែបការ៉ូលាយសតម្លៃ១២៣១ដុល្លារអាមេរិក និងអាវដៃខ្លីពណ៌ខ្មៅម៉ូដែល Needles 23SS Cabana Shirt តម្លៃ២២៩.៣៤ដុល្លារអាមេរិក។ គ្រាន់តែសរុបតម្លៃខោ និងអាវតម្លៃ១៤៥០ដុល្លារអាមេរិក។ នេះមិនទាន់រាប់បញ្ចូលតម្លៃវ៉ែនតា និងស្បែកជើងផង។

នេះមិនមែនជាលើកទី១ទេដែលលោកនិយមប្រើម៉ូដសំលៀកបំពាក់ទាន់សម័យ។ តាមពិតចាប់តាំងពីចូលដឹកនាំក្រុមជម្រើសជាតិកម្ពុជាមក លោក Honda តែងតែលេងម៉ូដសំលៀកបំពាក់ទាន់សម័យក្នុងការឈរបញ្ជាកូនក្រុមនៅលើទីលាន៕