ព័ត៌មានអន្ដរជាតិ

ករណីបំណុលសម្លាប់ម្ចាស់បំណុលច្រើននាក់នៅ ថៃ ឈានដល់ចាប់ខ្លួនអតីតស្វាមីជនសង្ស័យជាមន្ត្រីប៉ូលិស

បានផុស

២ years មុន

នៅ

ថ្ងៃពុធ ៣ ឧសភា ២០២៣

ដោយ

បន្ទាប់ពីស៊ើបអង្កេតយ៉ាងលម្អិតពីសំណុំរឿងបំពុល ឥឡូវនេះឈានដល់ចាប់ខ្លួនអតីតស្វាមីរបស់ជនសង្ស័យឈ្មោះ Sararat ឬ Am ដែលជាមន្ត្រីប៉ូលិស ដោយថានាងមិនអាចប្រព្រឹត្តអំពើឃាតកម្មដែលគេចោទប្រកាន់ដោយគ្មានជំនួយនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គស្នងការរងនគរបាលជាតិ លោក Surachet Hakparn បានបញ្ជាក់កាលពីថ្ងៃអង្គារថា ដីកាចាប់ខ្លួននឹងត្រូវស្វែងរកលោកវរសេនីយ៍ទោ Withoon Rangsiwuthaporn ដែលជាអតីតស្វាមីរបស់ Sararat។ បន្ទាប់ពីលោកត្រូវបានព្យួរការងារជាអគ្គនាយករងនៅស្ថានីយ៍ប៉ូលិស Ban Pong នៃខេត្ត Ratchaburi ក្រោយអតីតប្រពន្ធរបស់គាត់ត្រូវបានចាប់ខ្លួនកាលពីខែមុន

ក្រោយនាំខ្លួនមកសួរនាំ លោក Withoon បានប្រាប់ប៉ូលិសថា Sararat បានសុំគាត់ទៅយករថយន្តរបស់ជនរងគ្រោះម្នាក់ឈ្មោះ Suthisak Poonkwan មកពី Udon Thani ។ បន្ទាប់មក លោកបានបើកឡានទៅ Nakhon Pathom ជាកន្លែងដែល Sararat លក់វាទៅហាងបញ្ចាំក្នុងខេត្ត។

លោកបានបន្ថែមថា Sararat ក៏បានប្រព្រឹត្តបទឧក្រិដ្ឋរបស់នាងផងដែរនៅចុងសប្តាហ៍ នៅពេលដែលនាងធ្វើដំណើរជាមួយជនរងគ្រោះ “យើងត្រូវពិនិត្យមើលថាតើអ្នកណាខ្លះបានឈប់សម្រាកចុងសប្តាហ៍ជាមួយនាង និងអ្វីដែលជំរុញឲ្យនាងប្រព្រឹត្តបទឧក្រិដ្ឋ ដូចជាកាលបរិច្ឆេទសងបំណុល”។

លោកបានបន្តថា Sararat បានជំពាក់បំណុលគេ និងផ្ទេរសាច់ប្រាក់ទៅឲ្យមនុស្សជាច្រើន រួមទាំងឧក្រិដ្ឋជនផងដែរ។ភ័ស្តុតាងដែលបានរកឃើញនៅក្នុងរថយន្តរបស់ Sararat រួមមានកិច្ចព្រមព្រៀងប្រាក់កម្ចី ក៏ដូចជាដាននៃសារធាតុ Cyanide។

លោក Withoon បាននិយាយថា គាត់បានលែងលះជាមួយភរិយា ដោយសារតែបញ្ហាហិរញ្ញវត្ថុ ប៉ុន្តែអ្នកស៊ើបអង្កេតជឿថាគាត់បានធ្វើដូច្នេះដើម្បីគេចចេញពីការកាត់ទោស ហើយលោក Withoon នឹងត្រូវចោទប្រកាន់ពីបទកេងបន្លំ និងប្រើផ្លាកលេខក្លែងក្លាយ ខណៈទាំងគូស្នេហ៍នេះគឺជាជនសង្ស័យតែមួយគត់ក្នុងសំណុំរឿងនេះ។

ទោះយ៉ាងណាក៏ដោយ ប៉ូលិសជឿថា Sararat បានបំពុលសម្លាប់ជនរងគ្រោះ ១៤ នាក់ដើម្បីលួចវត្ថុមានតម្លៃរបស់ពួកគេហើយគេចពីបំណុលដែលនាងជំពាក់ ស្របពេលដែលជនរងគ្រោះម្នាក់បានរួចជីវិត ហើយបានរាយការណ៍ប្រាប់ប៉ូលិស។ ក្រោយមក ប៉ូលិសបានចាប់ខ្លួននាងនៅអគាររដ្ឋាភិបាល Chaengwattana ក្នុងទីក្រុងបាងកក កាលពីថ្ងៃទី ២៥ ខែមេសា។ រហូតមកដល់ពេលនេះ នាងត្រូវបានចោទប្រកាន់ពីបទឃាតកម្មចំនួន ១០ ហើយក៏មានភស្តុតាងគ្រប់គ្រាន់ដើម្បីកាត់ទោសនាងចំពោះការស្លាប់ទាំង ១៤ នាក់ផងដែរ៕