ព័ត៌មានជាតិ
ក្រុមអភិរក្សត្រីមេពូជ ព្រមានចាត់វិធានការអ្នកប្រើឧបករណ៍នេសាទខុសច្បាប់ ពេលចុះល្បាតក្នុងទន្លេមេគង្គលើ
ក្រុមអភិរក្សត្រីមេពូជ ថា នឹងចាត់វិធានការទៅលើអ្នកនេសាទណាដែលប្រើឧបករណ៍នេសាទខុសច្បាប់ នៅពេលចុះល្បាតក្នុងដងទន្លេមេគង្គលើ ក្នុងពេលខេត្តស្ទឹងត្រែង បានប្រកាសរដូវបិទនេសាទ ចាប់ពីថ្ងៃទី ១ ខែឧសភា មក ដើម្បីរួមគ្នាអភិរក្សត្រីមេពូជឲ្យវាពងកូន និងសម្បូរបែបឡើងវិញ។
លោក ជួប ផល្លា ប្រធានក្រុមប្រចាំការស្នាក់ការរងបរិស្ថានស្រុកបុរីអូរស្វាយសែនជ័យ បានបញ្ជាក់ថា ទោះជាយ៉ាងណាក៏ដោយក្នុងរដូវបិទនេសាទនេះ មានជនខិលខូចមួយចំនួនលួចប្រើឧបករណ៍ នេសាទខុសច្បាប់ ដូចជា ឆក់ក្ដៅ ឆក់ត្រជាក់ និងលួចដាក់មងតាមតំបន់ហាមឃាត់ជាដើម បើសិននៅបន្តសកម្មភាពនេះ សមត្ថកិច្ចឃាត់ខ្លួនបាន នឹងត្រូវទទួលទោសតាមផ្លូវច្បាប់។
លោកបន្តថា ប្រជាអ្នកនេសាទមួយចំនួនគាត់បានចូលរួមគោរពច្បាប់ជលផលបានត្រឹមត្រូវ មិនហ៊ានចុះធ្វើនេសាទនៅតាមតំបន់ហាមឃាត់ទេ ព្រោះពួកគាត់ភាគច្រើនរកត្រីគ្រាន់តែបរិភោគជាលក្ខណៈគ្រួសារតែប៉ុណ្ណោះ ហើយមន្ត្រីផ្នែកបរិស្ថានបានសហការជាមួយប្រជាសហគមន៍ចុះធ្វើល្បាតជារៀងរាល់ថ្ងៃ។
លោក ធាង សុផាត តំណាងឲ្យប្រជាសហគមន៍នេសាទនៅភូមិស្រឡៅ បានទទួលស្គាល់ថា ក្នុងករណីនេះ ក៏នៅមានជនសង្ស័យប្រព្រឹត្តបទល្មើសបានគំរាមកំហែងមកដល់ប្រជាសហគមន៍ ទើបការបង្ក្រាបមិនមានប្រសិទ្ធភាព ព្រោះជនសង្ស័យមានគ្នាច្រើន គួបផ្សំយើងខ្វះមធ្យោបាយផង។
លោកបន្តថា បញ្ហាប្រឈមនេះប្រជាសហគមន៍បានត្រឹមតែរាយការណ៍ជូនអាជ្ញាធរពាក់ព័ន្ធនៅក្នុងមូលដ្ឋានតែប៉ុណ្ណោះ នៅពេលការចុះបង្ក្រាបបទល្មើសធ្វើមិនឈ្នះ ព្រោះជនសង្ស័យភាគច្រើនធ្វើសកម្មភាពឆក់ពេលយប់ ឬពេលជិតភ្លឺតែម្ដង។
លោកបន្ថែមថា នៅតាមភូមិជួរទន្លេមេគង្គលើ ប្រជាពលរដ្ឋយើងភាគច្រើនគាត់ធ្វើស្រែចម្ការ និងប្រកបមុខរបរធ្វើនេសាទនេះបន្ថែម ទើបក្នុងរដូវបិទនេសាទនៅតែមានអ្នកដាក់មងចងសន្ទូចបានត្រីខ្លះសម្រាប់តែដោះស្រាយជីវភាពរស់នៅប្រចាំថ្ងៃ។
លោកបន្តទៀតថា លោក វីផលលុយ តំណាងឲ្យក្រុមនិស្សិតសាកលវិទ្យាល័យបៀលប្រាយ សាខាខេត្តស្ទឹងត្រែង បានបញ្ជាក់ថា ករណីនេះគួរតែប្រជាអ្នកនេសាទនាំគ្នាចៀសវាង និងងាកមកអនុវត្តច្បាប់ស្ដីពីការនេសាទលេខ ៤៤០ ចុះថ្ងៃទី ០៥ ខែវិច្ឆិកា ឆ្នាំ ២០១៣ របស់ក្រសួងកសិកម្ម រុក្ខាប្រមាញ់ និងនេសាទ ឲ្យបានខ្ជាប់ខ្ជួន ដើម្បីចូលរួមអភិរក្សធនធានមច្ឆជាតិឲ្យមានភាពសំបូរបែប។
លោកបន្តថា បងប្អូនត្រូវមានឆន្ទៈស្រឡាញ់ធនធានជីវចម្រុះនៅតាមដងទន្លរមេគង្គរបស់យើងទាំងអស់គ្នា ជាពិសេសនៅក្នុងរដូវបិទនេសាទនេះ ចៀសវាងកុំប្រើប្រាស់ឧបករណ៍នេសាទណា ដែលច្បាប់ហាមឃាត់ ព្រោះពេលសមត្ថកិច្ចបង្ក្រាបបាន នឹងមានទោសទណ្ឌ។
សូមបញ្ជាក់ថា នៅទន្លេមេគង្គលើ មានអន្លង់អភិរក្សត្រីមេពូជ ៦២ កន្លែង និងសម្បូរទៅដោយព្រៃលិចទឹក ជាសំបុកត្រីពងកូន ជាពិសេសពូជត្រីសំខាន់ៗ ដូចជា ត្រីប៉ាសេអ៊ី ត្រីប៉ាវ៉ា ត្រីរមាស ត្រីរាជ ត្រីនាគ ត្រីកន្ត្រប់ខ្លា ត្រីឆ្មាក្រពើ ត្រីត្រសក់ ត្រីថ្ក ត្រីខ្លា ត្រីក្របី ជាដើម។ ល៕
អត្ថបទ ៖ ងិន លីម
វេទិកាការងាររបស់ NEA នៅវិទ្យាស្ថានពាណិជ្ជសាស្ត្រនឹងនាំយកឱកាសការងារជាង ២ពាន់កន្លែង សម្រាប់ផ្តល់ជូនយុវជន និងអ្នកស្វែងរកការងារ
សហគមន៍នេសាទត្រពាំងសង្កែសប្បាយចិត្ត បន្ទាប់ពីរដ្ឋាភិបាលផ្តល់កាដូជាផ្លូវបេតុង ចំណតរថយន្ត ដើម្បីទាក់ទាញវិស័យទេសចរណ៍
សម្ដេចតេជោ បន់ស្រន់ឱ្យស្ថានការណ៍នៅកូរ៉េប្រក្រតីឡើងវិញ និងថា«មិត្តកម្ពុជាមិនចង់ឃើញមិត្តកូរ៉េមានវិបត្តិ»
អភិបាលរាជធានី ណែនាំឱ្យអាជ្ញាធរខណ្ឌ ទប់ស្កាត់ បង្ក្រាបក្រុមក្មេងទំនើង និងគ្រប់គ្រងវត្តមានជនបរទេសឱ្យបានល្អ
យុវជនម្នាក់បើករថយន្តបុកកង់បីឥណ្ឌានៅខណ្ឌទួកគោក ព្យាយាមបើករត់គេចត្រូវប្រជាពលរដ្ឋដេញតាមឃាត់បាននៅខណ្ឌ៧មករា
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
អង្គរក្សស្រីតាមស្អិតនាយករដ្ឋមន្ត្រី ថៃ ទៅ ចិនធ្លាប់បំបាក់ម្ចាស់ជើងឯកការ៉ាតេជប៉ុន ៥ រូប
-
សន្តិសុខសង្គម១១ ម៉ោង ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៣ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ២ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៥ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៥ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ចរាចរណ៍១៣ ម៉ោង agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ១២ ម៉ោង agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
សន្តិសុខសង្គម១៣ ម៉ោង agoអគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង