ព័ត៌មានជាតិ

អគ្គិភ័យឆាបឆេះឃ្លាំងស្តុកអីវ៉ាន់ សង្ស័យទុសេខ្សែភ្លើងបណ្ដាលឲ្យរបួសមនុស្ស៥នាក់

បានផុស

៤ years មុន

នៅ

ថ្ងៃពុធ ២០ មករា ២០២១

ដោយ

ភ្នំពេញ ៖ យោងតាមរបាយការណ៍របស់សមត្ថកិច្ចខណ្ឌច្បារអំពៅបានឲ្យដឹងថា កាលពីវេលាម៉ោង១៥និង៤០នាទីរសៀល ថ្ងៃទី២០ ខែមករានេះ មានអគ្គិភ័យកើតឡើងនៅឃ្លាំងស្តុកអីវ៉ាន់ស្ថិតក្នុងតំបន់ទួលជង្រុគ ភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ដោយសារទុសេខ្សែភ្លើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍បញ្ជាក់ថា ម្ចាស់ឃ្លាំងកើតហេតុឈ្មោះ ជា ចាន់ណារិទ្ធ ភេទប្រុស អាយុ៤០ឆ្នាំ។ដីឃ្លាំងទំហំ២០គុណនឹង៤០ម៉ែត្រ។

តាមប្រភពពីលោកស្រី យន់ សុផល ចៅសង្កាត់វាលស្បូវបានឲ្យដឹងថា ករណីអគ្គិភ័យនេះគឺដោយសារទុសេខ្សែភ្លើងដែលបង្កឲ្យមនុស្សរងរបួស៥នាក់ក្នុងនោះមានម្នាក់ជាមេការជួសជុលអគ្គិសនី។

លោកស្រីចៅសង្កាត់បន្តថា ពេលមានហេតុការណ៍នេះកើតឡើងគឺមានរថយន្តពន្លត់អគ្គិភ័យមកពីគ្រប់ស្ថាប័នរដ្ឋនឹងឯកជនចំនួន៤៣គ្រឿងមកជួយអន្តរាគមន៍ភ្លាមៗហើយប្រមាណជា៤៥នាទីទើបរលត់ទៅវិញនឹងរងការខូចខាតសម្ភារៈរួមមាន ទ្វារជ័រ កាវបៀក និងពិដានជ័រ គិតជាទឹកប្រាក់អស់រាប់ម៉ឺនដុល្លារ៕

ដោយ ៖ នរា