សន្តិសុខសង្គម
បាញ់ ៦០ គ្រាប់ សាកអាវុធថ្មី ផ្អើលអ្នកស្រុក សមត្ថកិច្ចស្រាវជ្រាវចាប់បាន ៣ នាក់
សមត្ថកិច្ចស្រាវជ្រាវចាប់ខ្លួនមនុស្សចំនួន ៣ នាក់ ពាក់ព័ន្ធករណីផ្ទុះអាវុធ ៦០ គ្រាប់ ផ្អើលអ្នកស្រុក នៅវាលស្រែ ស្រុកបាណន់ ខេត្តបាត់ដំបង ខណៈក្រុមជនសង្ស័យឆ្លើយថា «ជាការសាកអាវុធដែលទើបទិញថ្មី។
លោកវរសេនីយ៍ឯក ឈឿង គឹមសុង ស្នងការរងទទួលបន្ទុក បានឲ្យដឹងថា តាមបទបញ្ជាពីលោកស្នងការខេត្ត កាលពីថ្ងៃទី ១១ ខែឧសភា ឆ្នាំ ២០២៣ លោកបានដឹកនាំកម្លាំងជំនាញរបស់ស្នងការ ចុះសហការជាមួយកម្លាំងអធិការនគរបាលស្រុកបាណន់ និងកម្លាំងនគរបាល នៃអធិការដ្ឋាននគរបាលក្រុងបាត់ដំបង ធ្វើការបង្ក្រាបឃាត់ខ្លួនមុខសញ្ញាប្រើប្រាស់អាវុធខុសច្បាប់ចំនួន ០១ ករណី ពាក់ព័ន្ធនឹងការផ្ទុះអាវុធចំណុចខាងលើ ចំនួន ០៣ នាក់ និងដកហូតបានអាវុធខ្លី ០២ ដើម, គ្រាប់មួយចំនួន និងរថយន្តជាមធ្យោបាយផងដែរ។ ក្រោយធ្វើសកម្មភាពបាញ់បោះរួច ជនសង្ស័យ បានជិះរថយន្តចាកចេញពីទីកន្លែងនោះទៅបាត់ ដោយបន្សល់ទុកការងឿងឆ្ងល់ចំពោះមហាជននៅទីនោះ ហើយសមត្ថកិច្ចនគរបាលស្រុកបាណន់ ក៏បានធ្វើការស្រាវជ្រាវភ្លាមៗ តែម្ដង រហូតកំណត់បានមុខសញ្ញា។
ករណីខាងលើបើតាមសម្ដីលោកវរសេនីយ៍ទោ សំ វីរះ បានឲ្យដឹងថា កាលពីថ្ងៃទី ១០ ខែឧសភា ឆ្នាំ ២០២៣ ជនសង្ស័យបានប្រើប្រាស់អាវុធចំនួន ០៤ ដើម បាញ់អស់ ៦០ គ្រាប់ នៅទីតាំងខាងលើ បង្កឲ្យមានការភ្ញាក់ផ្អើល។ បន្ថែមនោះ ការបាញ់នេះជាការសាកអាវុធថ្មីរបស់ជនសង្ស័យដែលទើបទិញបាន។ ចំពោះមូលហេតុដែលគេទិញអាវុធមកប្រើប្រាស់ដោយខុសច្បាប់បែបនេះ គឺគេមានបំណងយកមកការពារខ្លួនប៉ុណ្ណោះ។
លោកបន្តថា ជនសង្ស័យចំនួន ០៣ នាក់ ដែលបានឃាត់ខ្លួននាពេលនេះរួមមាន ៖ ១-ឈ្មោះ ធុល សីហា ភេទប្រុស អាយុ ២៥ ឆ្នាំ រស់នៅភូមិបែកចានថ្មី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។ ២-ឈ្មោះ ទៀង ច័ន្ទឌីណា ភេទប្រុស អាយុ ៣៥ ឆ្នាំ រស់នៅភូមិចុងទំនប់ សង្កាត់ក្តុលដួនទាវ ក្រុងបាត់ដំបង ខេត្តបាត់ដំបង។ ៣-ឈ្មោះ ស៊ីង កុកឃាង ភេទប្រុស អាយុ ២៥ ឆ្នាំ រស់នៅភូមិបវេល ឃុំបវេល ស្រុកបវេល ខេត្តបាត់ដំបង។
ចំណែកឯវត្ថុតាងដកហូតបានរួមមាន ៖ អាវុធខ្លីម៉ាក RETAY ពណ៌ខ្មៅ ចំនួន ០២ ដើម បង់ និងគ្រាប់មួយចំនួនផង។ រថយន្តម៉ាក PRUIS ពណ៌ខ្មៅ ស៊េរីឆ្នាំ ២០១០ ស្លាកលេខ ភ្នំពេញ 2BU-7671 មួយគ្រឿង។
លោក ឈឿង គឹមសុង បញ្ជាក់ថា ករណីនេះ នៅពេលនេះមានបក្ខពួកជនសង្ស័យផ្សេងទៀត រួមទាំងអាវុធខ្លីផង សមត្ថកិច្ចក៏កំណត់មុខសញ្ញាបានហើយដែរ កំពុងតាមប្រមាញ់យកមកផ្ដន្ទាទោស តាមផ្លូវច្បាប់៕
អត្ថបទ ៖ សៅ សារិទ្ធ
បាក់អណ្តូងរ៉ែមាសនៅប្រទេសម៉ាលី សម្លាប់មនុស្សជាង៤០នាក់
មន្ត្រីសំខាន់ៗរបស់ពូទីនចេញទៅអារ៉ាប៊ី សាអូឌីត ក្នុងបុព្វហេតុជំនួបកំពូល «ត្រាំ-ពូទីន»
ឆ្លងចរន្តអគ្គិសនី ឆេះហាងលក់ស្បែកជើង ១ កន្លែង នៅខណ្ឌបឹងកេងកង
លោកបណ្ឌិត ហ៊ឺ វីរៈ សង្ឃឹមថា វគ្គបណ្ដុះបណ្ដាលជំនាញពិធីករ-ពិធីការិនី នឹងពង្រឹងទេពកោសល្យមន្ត្រីលើការសរសេរព័ត៌មានប្រកបដោយវិជ្ជាជីវៈខ្ពស់
គម្រោងសាងសង់ស្ពានចាក់អង្រែ-ព្រែកប្រាសម្រេចបានជាង ២០ ភាគរយ
រថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
ថាក់ស៊ីនដែលកំពុងឡើងប្រជាប្រិយភាពត្រូវហាមចូលកម្ពុជានិងទៅកាន់វៀតណាម
យុវតីវ័យជាង ២០ ឆ្នាំ ប្រាប់បទពិសោធន៍ បើករថយន្តបែនតម្លៃជាង ១ លានដុល្លារ ដឹករ៉ែមាសជម្នះការមើលស្រាលពីមជ្ឈដ្ឋានទូទៅ
ក្រោយផ្តាច់ភ្លើងនិងអ៊ីនធឺណិតនៅព្រំដែនមីយ៉ាន់ម៉ា ថៃត្រៀមធ្វើដូចគ្នានៅព្រំដែនកម្ពុជា
ស្ថានភាពជំងឺតារាកំប្លែង នាយ កុយ កាន់តែប្រសើរច្រើន ត្រៀមវិលមកកម្ពុជាឆាប់ៗ នេះ
-
សន្តិសុខសង្គម៦ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ព័ត៌មានជាតិ៦ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
បច្ចេកវិទ្យា៣ ថ្ងៃ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ២២ ម៉ោង agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ជីវិតកម្សាន្ដ៣ ថ្ងៃ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ព័ត៌មានជាតិ៦ ថ្ងៃ agoអ្នកស្រុកតំបន់អង្គរ បន្ដធ្វើពិធីចាប់ត្រីរួមគ្នាតាមទំនៀមទម្លាប់ពីដូនតា សម្រាប់ប្រារព្ធពិធីឡើងមាឃ
-
ជីវិតកម្សាន្ដ៦ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៧ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត