អាជីព

តើជំនាញអ្វីខ្លះ ដែលអាចផ្ទេរដល់គ្នាបានដោយមិនបាច់ទៅសាលារៀន?

បានផុស

៤ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

Sonya

អាជីព និងការងារនានាតែងតម្រូវឱ្យមានការរួមបញ្ចូលគ្នានៃជំនាញវិជ្ជាជីវៈជាមួយគំនិតច្នៃប្រឌិតថ្មីផង។ ខ្លះជាជំនាញផ្នែករឹង ដែលងាយស្រួលក្នុងការកំណត់បរិមាណ តាមរយៈសញ្ញាបត្រដូចជា វិស្វករ វេជ្ជសាស្ត្រ ។ល។ គឺជំនាញទន់ទេដែលជាជំនាញពិបាករកបរិមាណមកវាស់វែងបាន ដូចជាការគ្រប់គ្រងពេលវេលា ការទំនាក់ទំនងយ៉ាងណាឱ្យមានប្រសិទ្ធិភាព ការនិយាយដ៏មានឥទ្ធិពល ការដោះស្រាយបញ្ហានានាដែលប្រឈមចំពោះមុខ។ល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកបណ្តាជំនាញដែលយើងអាចផ្ទេរ ឬរៀនពីគ្នាបាន តោងតែជាអ្វីដែលត្រូវបានប្រើនៅក្នុងមុខអាជីពផ្សេងៗជាច្រើនផ្នែក ឧទាហរណ៍ ការគ្រប់គ្រងពេលវេលា ការទំនាក់ទំនង ការរៀបចំផែនការ ។ល។

របៀបដែលជំនាញទាំងនោះអាចផ្ទេរដល់គ្នាបាន

ពិចារណាសារដើម អំពីប្រវត្តិនៃសកម្មភាពយើងម្នាក់ៗកាលពីនៅសាលារៀន និងបទពិសោធន៍ជាអ្នកស្ម័គ្រចិត្តពេលចេញស្វែងរកបទពិសោធន៍ដំបូង តើជំនាញអ្វីមួយដែលកាលណោះយើងបានប្រើជាប្រចាំ? ឧទាហរណ៍ជំនាញទំនាក់ទំនង? ឧបមាថានិយោជកកំពុងស្វែងរកនរណាម្នាក់ដែលអាចបំពេញភារកិច្ចជាច្រើនក្នុងពេលតែមួយ (ពហុជំនាញ)ជាទូទៅពហុជំនាញមិនអាចជាក់លាក់ដូចចេញពីមហាវិទ្យាល័យទេវាគួរតែប្រភេទដែលអាចរៀនតគ្នាបាន ដូចជា អាន និយាយ សរសេររបាយការណ៍ រៀបចំព្រឹត្តិការណ៍នានា ជួបភ្ញៀវសរសេរពាក្យស្នើសុំកិច្ចសហការណ៍បែបបទរដ្ឋបាល។ល។

ជំនាញទាំងនេះត្រូវបានផ្ទេរឬបង្រៀនតគ្នាដោយការអនុវត្តផ្ទាល់ ហើយមានតម្លៃឡើងជានិច្ចពីមួយថ្ងៃទៅមួយថ្ងៃដូចពាក្យថាមើលសៀវភៅ១០ក្បាលមិនស្មើជួបផ្ទាល់ម្តង។

តើជំនាញដែលអាចផ្ទេរបានទាំងនោះសំខាន់ទេ?

និយោជកចង់បាននិយោជិកដែលអាចផ្តួចផ្តើមគំនិត។ ការបង្ហាញជំនាញស្រាវជ្រាវនិងផែនការរបស់យើង ដែលអាចបង្ហាញថាយើងជាមនុស្សមានស្មារតីមាំ មានការលើកទឹកចិត្តរួមមាន សមត្ថភាពក្នុងការគិតទុកជាមុន និងការការពារបញ្ហាមិនឱ្យកើតឡើង ឬកើតឡើងហើយស្រួលទៅវិញ….ជាអ្វីដែលមានអ្នកចង់ស្វែងរកច្រើន។

ការប្រើជំនាញគិតត្រិះរិះ ដើម្បីធ្វើការសម្រេចចិត្តឬវាយតម្លៃ ការរកដំណោះស្រាយដែលអាចកើតមានចំពោះបញ្ហា ការចេះផ្តល់អាទិភាពដល់ភារកិច្ច សមត្ថភាពវិភាគព័ត៌មាននិងការព្យាករណ៍លទ្ធផល សមត្ថភាពបង្កើតនិងអនុវត្តគោលនយោបាយនិងនីតិវិធីថ្មីដែលអាចសំរបសំរួលនិងអភិវឌ្ឍកម្មវិធី រៀបចំឯកសារនីតិវិធីនិងលទ្ធផល ធ្វើការស្រាវជ្រាវដោយប្រើប្រាស់ធនធានអ៊ីនធឺណិតនិងបណ្ណាល័យ ជំនាញកុំព្យូទ័រនិងបច្ចេកទេស ទាំងនេះ សុទ្ធតែមានសារៈសំខាន់ហើយអាចផ្ទេរដល់គ្នាបានតាមរយៈវគ្គខ្លីៗ ការបណ្តុះបណ្តាលជាប្រចាំ និងការផ្តល់ឱកាសឱ្យអនុវត្តិជាជំហានៗ៕

ប្រែសម្រួល ៖ សុភា

ប្រភព ៖ thebalancecareers

ចុចអាន៖ ចង់ក្លាយជាលេខាធិការនៃកម្រិតអគ្គនាយក ត្រូវរៀនអ្វីខ្លះ?

ចុចអាន៖ គោលការណ៍ ៣ ធំសម្រាប់ជោគជ័យក្នុងវិស័យជំនួញ