ផ្លូវការ! គណបក្សចលនាឆ្ពោះទៅមុខ ទទួលបានជ័យជម្នះក្នុងការបោះឆ្នោត ថៃ

គណៈកម្មាធិការរៀបចំការបោះឆ្នោតថៃ (EC) បានបញ្ចប់ការរាប់សន្លឹកឆ្នោតហើយនៅថ្ងៃចន្ទនេះ ហើយបានប្រកាសពីជ័យជម្នះរបស់គណបក្សចលនាឆ្ពោះទៅមុខ (MFP) ក្នុងការបោះឆ្នោតសកលថ្ងៃទី១៤ ខែឧសភា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធាន EC លោក Ittiporn Boonpracong និយាយថា MFP បានទទួលអាសនៈសរុប ១៥១ បន្ទាប់មកគណបក្សភឿថៃ ទទួលបាន ១៤១ អាសនៈ, គណបក្សភូមិចាយថៃ បាន ៧១ អាសនៈ, គណបក្សអំណាចប្រជាជន បាន ៤០ អាសនៈ និងគណបក្សថៃរួបរួមជាតិ បាន ៣៦ អាសនៈ ។

ទន្ទឹមនោះ គណបក្សប្រជាធិបតេយ្យ ទទួលបាន ២៥ អាសនៈ, Chartthaipattana បាន ១៦ អាសនៈ, Prachachat បាន ៩ អាសនៈ និងថៃសាងជាតិ បាន ៥ អាសនៈ។

លើសពីនេះ លោក Ittiporn និយាយថា ចំនួនអ្នកទៅបោះឆ្នោតបានឈានដល់កម្រិតកំណត់ត្រា ៧៥.២២ ភាគរយ ពោលគឺលើសពី ៧៥.០៣ ភាគរយដែលកត់ត្រាក្នុងឆ្នាំ ២០១១ ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ គណបក្សប្រឆាំងថៃ កំពុងឈានទៅរកការឈ្នះឆ្នោត