សុខភាព

អាហារសម្រន់ ៤ មុខ ជួយសម្រកទម្ងន់យ៉ាងមានប្រសិទ្ធភាព

បានផុស

១ year មុន

នៅ

ថ្ងៃព្រហស្បតិ៍ ១៨ ឧសភា ២០២៣

ដោយ

ប្រភេទអាហារសម្រន់ដ៏ត្រឹមត្រូវពិតជាអាចជួយអ្នកសម្រកទម្ងន់ អាហារសម្រន់ដែលមានសុខភាពល្អធានាថានៅពេលអ្នកញ៉ាំជួយរក្សាការរំលាយអាហារដែលដុតបំផ្លាញជាតិខ្លាញ់របស់អ្នកឱ្យលឿន។

ខាងក្រោមនេះគឺជាអាហារសម្រន់ ៤ មុខជួយសម្រកទម្ងន់៖

១. យ៉ាអួរជាមួយផ្លែ raspberries និងទឹកឃ្មុំ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បីមុខនេះរួមបញ្ចូលគ្នាសម្បូរទៅដោយជាតិសរសៃ ខ្លាញ់ដែលមានសុខភាពល្អ និងប្រូតេអ៊ីន នឹងធ្វើឱ្យអ្នកឆាប់ឆ្អែត។លើសពីនេះ វីតាមីន C ដែលមាននៅក្នុងផ្លែ Raspberry អាចបង្កើនសមត្ថភាពរាងកាយរបស់អ្នកក្នុងការដុតបំផ្លាញជាតិខ្លាញ់។ ទឹកឃ្មុំមិនត្រឹមតែមានរសជាតិផ្អែមឆ្ងាញ់ប៉ុណ្ណោះទេ ប៉ុន្តែវាថែមទាំងផ្តល់អត្ថប្រយោជន៍ដល់សុខភាពរាប់មិនអស់ទៀតផង ។

២. ទំពាំងបាយជូ និងគ្រាប់ Walnut

ដូចផ្លែឈើដទៃទៀតដែរ ទំពាំងបាយជូគឺល្អសម្រាប់សុខភាព ទឹកនិងជាតិសរសៃពីពាំងបាយជូ អាចជួយឱ្យពោះវៀនមានសុខភាពល្អ។ ទំពាំងបាយជូពណ៌ស្វាយក៏មានសារធាតុពណ៌មួយហៅថា anthocyanin ដែលមានឥទ្ធិពលក្នុងការសម្រកទម្ងន់ (សារធាតុពណ៌នេះក៏អាចត្រូវបានរកឃើញនៅក្នុង អាហារផ្សេងទៀតដូចជា mulberries, blueberries, និង strawberries)។ ជាមួយគ្នាគ្រាប់ Walnut

មួយក្តាប់តូចសម្បូរទៅដោយថាមពលនៃជាតិស្ករធម្មជាតិ ជាតិសរសៃ ខ្លាញ់ដែលមានសុខ ភាពល្អ និងប្រូតេអ៊ីន។ ការរួមបញ្ចូលគ្នានេះផ្តល់នូវសារធាតុចិញ្ចឹមដែលផ្តល់ថាមពលយូរ ។

៣. ស្រូវសាលី និងផ្លែ blueberries

ស្រូវសាលីមិនត្រឹមសម្រាប់តែជាអាហារពេលព្រឹកនោះទេ វាមានរសជាតិឆ្ងាញ់ហើយអ្នកអាចយកវាធ្វើជាអាហារសម្រន់ ។ ស្រូវសាលីសម្បូរទៅដោយជាតិសរសៃ ពួកវាជួយគ្រប់គ្រងកម្រិតជាតិស្ករក្នុងឈាម ហើយក៏អាចជួយឱ្យអ្នកស្រកទម្ងន់ ទម្ងន់ខ្លួន និងសមាមាត្រចង្កេះដល់ត្រគាកផងដែរ។ទន្ទឹមនឹងនេះ ផ្លែប៊្លូបឺរី បន្ថែមភាពផ្អែម (និងវីតាមីន C) ដោយគ្មានជាតិស្ករបន្ថែម ខណៈពេលដែលផ្លែឈើនេះអាចចូលរួមតែផ្នែកខ្លះក្នុងការជួយអ្នកសម្រកទម្ងន់ អ្នកនៅតែចង់បន្ថែមផ្លែប៊្លូបឺរីទៅក្នុង អាហារសម្រន់របស់អ្នកសម្រាប់ក៏បាន។

៤. សណ្តែកដី និងចេក

បាចប៊័រសណ្តែកដីមួយស្លាបព្រាលើចេក ក្នុងនោះមានកាបូអ៊ីដ្រាតនឹងផ្តល់ឱ្យអ្នកនូវអារម្មណ៍រហ័សនឹងផ្តល់ឱ្យអ្នកនូវការបង្កើនថាមពលបានរយៈពេលជាច្រើនម៉ោង។ ចេកសម្បូរទៅដោយប៉ូតាស្យូម ដែលជាសារធាតុចិញ្ចឹមដ៏សំខាន់ដែលកោសិកាទាំងអស់នៅក្នុងរាងកាយរបស់អ្នកត្រូវការ ការញ៉ាំ ចេកមួយផ្លែនឹងមិនបំពេញតម្រូវការប៉ូតាស្យូមប្រចាំថ្ងៃរបស់អ្នក ប៉ុន្តែវានឹងធ្វើឱ្យអ្នកមិនបារម្ភអំពី ការឡើងទម្ងន់នោះទេ ៕

ប្រែសម្រួល៖នាងតូច

ប្រភព៖laodong

ចុចអាន៖អត្ថប្រយោជន៍ ៣ យ៉ាងនៃកាហ្វេ ជួយការពារជំងឺខ្លាញ់រុំថ្លើម