HYBE និង YG ឆ្លើយហីៗ ជុំវិញពាក្យចចាមអារ៉ាមណាត់ជួបរវាង Jennie និង V

អ្នកនាំពាក្យផលិតកម្ម HYBE និង YG Entertainment បានចេញមុខឆ្លើយតបទៅនឹងវីដេអូ និងរូបថតអំពីទំនាក់ទំនងស្នេហារវាង V សមាជិក BTS និង Jennie សមាជិក BLACKPINK ប៉ុន្តែអ្នកគាំទ្រនៅតែមិនអស់មន្ទិលសង្ស័យ។

កាលពីថ្ងៃទី១៧ ខែឧសភា វីដេអូបណ្ដើរគ្នារវាង Jennie និង V នៅរដ្ឋធានីប៉ារីស ប្រទេសបារាំង ត្រូវបានចែករំលែកយ៉ាងផុសផុល ស្របពេលដែលពាក្យចចាមអារ៉ាមណាត់ជួបរបស់តារាទាំងពីររូបក៏ត្រូវបានផ្សព្វផ្សាយយ៉ាងឆាប់រហ័សនៅលើអ៊ីនធឺណិតផងដែរ។

បន្ទាប់ពីព័ត៌មានបានចែកចាយភ្លាមៗ ផលិតកម្ម HYBE និង YG Entertainment ហាក់ដូចជាមិនអើពើនឹងបកស្រាយនោះទេ ទើបតែថ្ងៃទី១៨ ខែឧសភា ទីភ្នាក់ងារផលិតកម្មទាំងពីរបានចេញសេចក្ដីថ្លែងការណ៍មួយទាក់ទងនឹងពាក្យចចាមអារ៉ាមទាំងនោះ ទាំងអ្នកគាំទ្រមិនទាន់អស់ចម្ងល់។

តាមរយៈសេចក្ដីថ្លែងការណ៍ផ្លូវការមួយ ក្រុមហ៊ុនទាំងពីរលើកឡើងដូចគ្នាថា “យើងមិនច្បាស់ឡើយអំពីរឿងនេះ ដោយសារវាទាក់ទងនឹងជីវិតឯកជនរបស់សិល្បករយើង” ហើយផលិតកម្មក៏មិនបានចេញសេចក្តីថ្លែងការណ៍បន្ថែមអ្វីទៀតនោះដែរ។ សេចក្ដីថ្លែងការណ៍នេះ មិនទាន់ធ្វើឱ្យអ្នកគាំទ្រអស់ចិត្តឆ្ងល់ឡើយ ខណៈប្រិយមិត្តមួយចំនួនយល់ថា ពាក្យចចាមអារ៉ាមរវាង Jennie និង V ទំនងជាការពិត៕

ប្រែសម្រួល៖ សន្យា

ចុចអាន៖ ធ្លាយឃ្លិប V និង Jennie ដើរចាប់ដៃគ្នាយ៉ាងផ្អែមល្ហែមនៅប៉ារីស