គិតត្រឹមថ្ងៃទី ២២ ឧសភា គ.ជ.ប ចេញបណ្ណសម្គាល់ដល់អ្នកសារព័ត៌មានជាតិ-អន្តរជាតិ ប្រមាណ ២៥០នាក់

គណៈកម្មាធិការជាតិរៀបចំការបោះឆ្នោត​ (គ.ជ.ប)​ បានសម្រេចចេញបណ្ណសម្គាល់ដល់អ្នកសារព័ត៌មានជាតិ-អន្តរជាតិ ប្រមាណ ២៥០នាក់ ក្នុងការចូលរួមយកព័ត៌មានក្នុងដំណើរការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ឆ្នាំ ២០២៣។

សេចក្ដីប្រកាសព័ត៌មានរបស់ គ.ជ.ប បានឲ្យដឹងថា គិតត្រឹមថ្ងៃទី ២២ ខែឧសភា ឆ្នាំ ២០២៣នេះ គ.ជ.ប បានទទួលស្គាល់ និងផ្ដល់បណ្ណសម្គាល់ជូនអ្នកសារព័ត៌មានជាតិចំនួន ២២០នាក់ មកពី ២១ស្ថាប័ន។ ចំណែកអ្នកសារព័ត៌មានអន្តរជាតិចំនួន ៣០នាក់ មកពី ១៤ស្ថាប័ន ក៏ត្រូវបាន គ.ជ.ប ទទួលស្គាល់ និងផ្ដល់បណ្ណសម្គាល់ សម្រាប់ការចូលរួមយកព័ត៌មានក្នុងដំណើរការបោះឆ្នោត ផងដែរ៕