ព័ត៌មានជាតិ

រដ្ឋាករទឹកខេត្តកំពង់ធំ បានពង្រីកការភ្ជាប់បណ្ដាញទឹកស្អាតចំនួន២ឃុំបន្ថែមទៀត ជូនប្រជាពលរដ្ឋ

បានផុស

២ years មុន

នៅ

ថ្ងៃព្រហស្បតិ៍ ២៥ ឧសភា ២០២៣

ដោយ

កំពង់ធំ ៖ ថ្លែងក្នុងពិធីសំណេះសំណាលជាមួយប្រជាពលរដ្ឋប្រមាណ៥០០គ្រួសារ នៅព្រឹកថ្ងៃទី២៥ ខែឧសភា ឆ្នាំ២០២៣ លោក ងួន រាសី អភិបាលរងខេត្តកំពង់ធំ បញ្ជាក់ថា ថ្មីៗនេះអាជ្ញាធរខេត្តកំពង់ធំ បានពង្រីកការប្រើប្រាស់ប្រព័ន្ធទឹកស្អាតតាមរយៈរដ្ឋាករទឹក ចំនួន២ឃុំបន្ថែមទៀត ដែលមានប្រជាពលរដ្ឋប្រមាណ៥០០០គ្រួសារ ទទួលបានការប្រើប្រាស់បណ្តាញទឹកភ្ជាប់ថ្មីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្ថែមថា ការផ្គត់ផ្គង់ទឹកនៅក្រុងស្ទឹងសែន មានសង្កាត់ ចំនួន៨ហើយបច្ចុប្បន្ននេះ បានទទួលការផ្គត់ផ្គង់ទឹកស្អាត ដោយប្រើប្រាស់ទឹកពីអង្គភាពរដ្ឋាករទឹកស្វយ័តកំពង់ធំ ដែលជាស្ថាប័នរបស់រដ្ឋ និងពីរោងចក្រប្រព្រឹត្តកម្មទឹកក្រុងស្ទឹងសែនទី២ ដែលជំនួយឥតសំណងរបស់ រដ្ឋាភិបាលជប៉ុនដែលទើបតែបានសម្ពោធដាក់ឱ្យប្រើប្រាស់ជាផ្លូវការ កាលពីពេលកន្លងទៅថ្មីៗនេះ។

លោកបន្តទៀតថា ថ្មីៗនេះក្រសួងបានដាក់ផែនការឱ្យរដ្ឋាករទឹកស្អាត ពង្រីកការផ្គត់ផ្គង់ ទឹកស្អាត ទៅកាន់ឃុំថ្មី បន្ថែម២ឃុំ គឺ ឃុំព្រៃគុយ និងឃុំត្រពាំងឫស្សី (ស្ថិតនៅស្រុកកំពង់ស្វាយ) ជាប់ក្រុងស្ទឹងសែន ដែលមានប្រជាជនប្រមាណ៥.០០០គ្រួសាររស់នៅទីនោះ ដើម្បីលើកកម្ពស់សុខភាព និងអនាម័យជនបទតាមរយៈការប្រើប្រាស់ទឹកស្អាត។

ជាមួយគ្នានេះផងដែរ លោក សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការ អន្ដរជាតិ ឃោសនាការ និងព័ត៌មាន នៃរដ្ឋសភាអាណត្តិទី៦ លើកឡើង នូវចំណុចសំខាន់ៗ ដើម្បីសម្រេចបានសន្តិភាពប្រកបដោយចីរភាព រួមមានកិច្ចសហប្រតិបត្តិការពហុភាគីការអភិវឌ្ឍយុវជន ភាពជាដៃគូរវាងរដ្ឋាភិបាល អង្គការសង្គមស៊ីវិល និងវិស័យឯកជន ការគោរពចំពោះទស្សនៈនិងជំនឿខុសៗគ្នា និងការជំរុញការសិក្សាស្រាវជ្រាវ និងសហប្រតិបត្តិការរវាងគ្នានឹងគ្នា៕

អត្ថបទ ៖ ឈាង មករា