ព័ត៌មានជាតិ

គណះគ្រប់គ្រងផ្សារបន្លែច្បារអំពៅដាក់ម៉ាស៊ីនវាស់កម្ដៅនឹងបាញ់អាល់កុលតាមច្រកចេញចូល

បានផុស

៤ years មុន

នៅ

ថ្ងៃសុក្រ ២២ មករា ២០២១

ដោយ

ផ្សារបន្លែច្បារអំពៅមានទីតាំងស្ថិតនៅភូមិកណ្តាលសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ បានដាក់ម៉ាស៊ីនវាស់កម្ដៅនិងបាញ់អាកុលតាមច្រកចេញចូលផ្សារ ដើម្បីស្វែងរកអ្នកមានផ្ទុកជំងឺកូវិដ១៩ ចូលទៅចម្លងដល់បងប្អូនប្រជាពលរដ្ឋនិងអាជីវករលក់ដូរក្នុងផ្សារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាន់ ប៊ុនណា ប្រធានគ្រប់គ្រងផ្សារបន្លែច្បារអំពៅបានប្រាប់កម្ពុជាថ្មីនៅរសៀលថ្ងៃទី២១ខែមករានេះថា ដើម្បីធានាបាននៅបញ្ហាសុខភាពពិសេសបង្ការក្រែងមានអ្នកផ្ទុកជំងឺកូវិដ១៩ធ្វើដំណើរចូលផ្សារនោះគណះគ្រប់គ្រងផ្សារបន្លែយើងខ្ញុំ បានសម្រេចទិញម៉ាស៊ីនវាស់កម្ដៅមួយជំហរដោយមានប្រដាប់ដាក់ទឹកអាកុលសម្រាប់វាស់និងបាញ់ទឹកអាកុលដល់ភ្ញៀវចេញចូលក្នុងផ្សារដែលសកម្មភាពនេះ គឺគណះគ្រប់គ្រងផ្សារបន្តធ្វើជារៀងរហូត។

លោក ប្រធានគ្រប់គ្រងផ្សារបន្តថា ចំពោះអ្នកមិនមានម៉ាស់ពាក់ គឺគណះគ្រប់គ្រងផ្សារបានផ្តល់ជូនដើម្បីការពាររាល់ការក្អកកណ្តាស់ងាយនឹងឆ្លងជំងឺផ្តាសាយ បើមិនមានជំងឺកូវិដ១៩នោះ។

ប្រជាពលរដ្ឋក៏ដូចជាបងប្អូនអាជីវករសូមអរគុណដល់គណះគ្រប់គ្រងផ្សាបន្លែច្បារអំពៅដែលបានដាក់ម៉ាស៊ីនវាស់កម្ដៅនិងបាញ់អាកុលដល់អ្នកចេញចូលផ្សារ ជាប្រការល្អពិសេសទប់ស្កាត់កុំឲ្យមានជំងឺចម្លងដ៏សាហាវនេះមកលើប្រជាពលរដ្ឋកម្ពុជាយើងគ្រប់ៗរូបនោះ៕

អត្ថបទ ៖ នរា