ជីវិតកម្សាន្ដ

ហេង ពិទូ ឆ្លើយតប ក្រោយមានសំនួរពាក់ព័ន្ធរឿងស្នេហា

បានផុស

២ years មុន

នៅ

ថ្ងៃព្រហស្បតិ៍ ១ មិថុនា ២០២៣

ដោយ

តារាចម្រៀង Original Song ម្ចាស់បទ «ទីបំផុត» លោក ហេង ពិទូ បានចេញមកបញ្ជាក់ច្បាស់ៗ ក្រោយមានសំនួរជាច្រើនសួរនាំចង់ដឹងពីរឿងរ៉ាវជីវិតស្នេហាផ្ទាល់ខ្លួនរបស់លោកដែលជាចំណុចដ៏រសើបសម្រាប់មហាជន ក៏ដូចជាអ្នកគាំទ្រមួយចំនួនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោក ហេង ពិទូ ត្រូវបានមហាជន និងមិត្តៗយុវវ័យ ស្គាល់យូរឆ្នាំមកហើយ បន្ទាប់ពីលោកចាប់ប្រឡូកក្នុងវិស័យសិល្បៈយ៉ាងក្រាស់ក្រែល ដើម្បីទាញការចាប់អារម្មណ៍ និងប្រជាប្រិយភាពនៅលើវិថីសិល្បៈខ្មែរ។ បន្ថែមនោះ ដោយសារតែមានការសួរជុំវិញបញ្ហាស្នេហា ត្រូវបានលោក ហេង ពិទូ បញ្ជាក់ថា លោកមិនទាន់មានដៃគូជីវិតទេ។

លោក ហេង ពិទូ បានបញ្ចេញអារម្មណ៍ដូច្នេះថា «សំនួរដដែលៗ ពេលណាមានអ្នកក្បែរដូចដើម? ខ្ញុំញញឹម ហើយដកដង្ហើមមិនចង់ផ្ដើមទៀត ព្រោះស៊ាំផ្លូវអារម្មណ៍ មាន អត់ ក៏គ្មានអ្វីបញ្ហា យូរទៅក៏ធ្លាប់ គ្មានអ្វីអស្ចារ្យស្នេហាដដែលៗ»។ ហេង ពិទូ បន្ថែមទៅកាន់អ្នកគាំទ្រថា «មនុស្សមានស្នេហាមើលតែរូបទៅបានហើយ ម្ដេចបានខ្ញុំអត់មាន?»។ ជាមួយគ្នានេះ ក៏មានការលើកទឹកចិត្តឲ្យលោកឆាប់ដល់គូផងដែរ។

គេនៅចាំថា តារាចម្រៀងលោក ហេង ពិទូ ដែលចេះនិពន្ធភ្លេង និងទំនុកបទចម្រៀងមនោសញ្ចេតនាបែបត្អូញត្អែរ និងបង្ហាញអារម្មណ៍ខូចចិត្តជាទីពេញនិយមសម្រាប់យុវវ័យ គឺធ្លាប់មានឈ្មោះបោះសំឡេងកាលពីអំឡុងឆ្នាំ ១៩៩៩- ២០០០ ជាមួយសមាជិកក្រុមឈ្មោះ MKS និងបទចម្រៀងដំបូងមានចំណងថា«ពេលដែលត្រូវបែក»៕

អត្ថបទ ៖ ចាន់រ៉ា