ព័ត៌មានជាតិ

គិតមកដល់ព្រឹកនេះ ជំនន់ទឹកភ្លៀងនៅខណ្ឌដង្កោ ស្រកអស់ហើយ

បានផុស

៤ years មុន

នៅ

ថ្ងៃសុក្រ ៣០ តុលា ២០២០

ដោយ

យោងតាមប្រភពព័ត៌មានពីខណ្ឌដង្កោ ប្រាប់ឲ្យដឹងថា គិតមកដល់ព្រឹកថ្ងៃទី៣០ ខែតុលា ឆ្នាំ២០២០ ស្ថានភាពជំនន់ទឹកភ្លៀងនៅមូលដ្ឋានខណ្ឌដង្កោទាំងមូល ទឹកបានស្រកទៅវិញអស់ហើយ បងប្អូនប្រជាពលរដ្ឋអាចទៅរស់នៅតាមលំនៅដ្ឋានរៀងៗខ្លួនរបស់ពួកគាត់បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានប្រាប់បន្តឲ្យដឹងថា តាមបណ្ដោយផ្លូវជាតិលេខ២ និង ផ្លូវលេខ២០អា ហៅ ផ្លូវលេខ១០៤ យានយន្តគ្រប់ប្រភេទ អាចបើកចរាចរណ៍ទៅមកបានធម្មតា។ ដោយឡែក សម្រាប់ផ្លូវស្ពានព្រែកជ្រៃ ចាប់ពីចំណុចស្ពានព្រែកជ្រៃ សង្កាត់ស្ពានថ្ម រហូតទៅដល់រង្វង់មូលស្រីកងស្រូវ សង្កាត់រលួស អាចបើកបរបានតែម៉ូតូ និង ផាស់អាប់ ឬ ម៉ូតូកង់បី ប៉ុណ្ណោះ រថយន្តគ្រប់ប្រភេទ ហាមចូល ។

សូមជម្រាបជូនឲ្យដឹងថា នៅក្នុងមូលដ្ឋានខណ្ឌដង្កោ រាជធានីភ្នំពេញ គិតមកដល់ពេលនេះ ជំនន់ទឹកភ្លៀង បានស្រកអស់ហើយ តាមការពិនិត្យឃើញថា លិចភូមិចំនួន៤២ ផ្ទះ៤៩៦៥ខ្នង ស្រែចម្ការ ជាង១១២៥ហិកតា ផ្លូវ១០៥កន្លែង គិតជាប្រវែងជាង៣៣គីឡូម៉ែត្រ សាលារៀន១២កន្លែង វត្ត៩ មណ្ឌលសុខភាព៣ ប៉ុស្តិ៍សុខភាព២ទីតាំង រោងចក្រ១៣ទីតាំង សហគ្រាសធន់តូច និងសិប្បកម្ម ១១ទីតាំង៕