កីឡា
ឈុត សេរីវ៉ាន់ថង ឆ្លើយតបនឹងការរិះគន់ដែលខ្លួនប្រកួតឈ្នះខ្សែក្រវាត់យប់មិញ
កីឡាករគុនខ្មែរ ឈុត សេរីវ៉ាន់ថង បានឆ្លើយតបនឹងអ្នកគាំទ្រមួយចំនួនដែលបានរិះគន់ពីការប្រកួតរបស់ខ្លួនក្នុងការឈ្នះ អេលីត សាន់ នៅវគ្គផ្ដាច់ព្រ័ត្រដើម្បីក្លាយជាម្ចាស់ខ្សែក្រវាត់មរតកគុនខ្មែរ កាលពីយប់ថ្ងៃចន្ទទី ៥ ខែ មិថុនា ឆ្នាំ ២០២៣ នៅស្ថានីយទូរទស្សន៍ថោន។
ការពិតនៅលើសង្វៀនបង្ហាញថា ការប្រកួតទឹកទី១ ឈុត សេរីវ៉ាន់ថង ប្រើបច្ចេកទេសប្រកួត និងឆកមួយៗតាមរយៈការទាត់ កណ្តាប់ដៃ ប្រកបដោយប្រសិទ្ធភាព ខណៈ អេលីត សាន់ បានព្យាយាមសម្រុកចូល ដេញវ៉ៃ ប៉ុន្តែវ៉ៃមិនសូវចំគោលដៅឡើយ។
ចូលដល់ទឹកទី២ អេលីត សាន់ រឹតតែព្យាយាមសម្រុកចូលទាត់ និងប្រើកណ្ដាប់ដៃ ព្រមទាំងកែង ប៉ុន្តែមិនសូវមានប្រសិទ្ធភាពដដែល ដោយសារ វ៉ាន់ថង បានថយក្រោយ និងឆ្មក់វាយយកពិន្ទុ។ នៅទឹកទី៣ អេលីត សាន់ កាន់តែសម្រុកចូល ហើយ វ៉ាន់ថង កាន់តែព្យាយាមថយក្រោយដែលជំរុញឲ្យអាជ្ញាកណ្តាលព្រមានលើវ៉ាន់ថងដើម្បីតតាំងជាមួយដៃគូ។
ចប់ការប្រកួត ឈុត សេរីវ៉ាន់ថង ឈ្នះ អេលីត សាន់ ដោយពិន្ទុ ប៉ុន្តែការប្រកួតនៅលើសង្វៀនរបស់កីឡាករមកពីខេត្តបាត់ដំបងត្រូវបានអ្នកគាំទ្រជាច្រើនរិះគន់ ពីព្រោះការប្រកួតប្រើពេលតែ៣ទឹកទេ រូបគេតែព្យាយាមតតាំងជាមួយដៃគូ។
នៅព្រឹកថ្ងៃទី៦ ខែមិថុនា នេះ ឈុត សេរីវ៉ាន់ថង បានឆ្លើយតបទៅនឹងការរិះគន់ថា ៖«សង្រ្គាមនៅលើសង្វៀន និងសង្រ្គាមនៅក្នុងសមរភូមិគឺដូចគ្នា វ៉ៃទល់មុខមិនបែកយើងអាចវ៉ៃតាមច្រកជំហៀង ឬច្រកក្រោយ ផ្លាស់ប្ដូរយុទ្ធសាស្រ្ត តែមិនផ្លាស់ប្ដូរគោលដៅ។ យប់មិញ មិនសូវល្អមើលដោយសារ ខ្ញុំវ៉ៃ ហើយគេចមិចឲ្យដៃគូវ៉ៃតបកវិញបាន។ បងប្អូនមួយចំនួនគាត់នៅមិនទាន់យល់អ្វីដែហៅថា បច្ចេកទេសក្នុងការយកឈ្នះគូប្រកួតដោយមិនប្រើកម្លាំងខ្លាំង ហើយវ៉ៃចេញម្នាក់ឯងបានច្រើន។ បច្ចប្បន្នក្បាច់ដែលខ្ញុំប្រកួតយប់មិញគេហៅថា បច្ចេកទេសវ៉ៃបែបសប្បាយៗ។ យើងថយមួយជំហានវ៉ៃ គេចមួយជំហានវ៉ៃ និងបុកមួយជំហានវ៉ៃ កីឡាករភាគតិចណាស់ដែលធ្វើបាន»។
ក្រោយក្លាយជាម្ចាស់ខ្សែក្រវាត់មរតកគុនខ្មែរ កីឡាករ ឈុត សេរីវ៉ាន់ថង ទទួលបានខ្សែក្រវាត់មួយគ្រឿង ពានកិត្តិយស ប្រាក់រង្វាន់៤០លានរៀល និងខ្សែកមាស២តម្លឹង។ រីឯកីឡាករ អេលីត សាន់ ទទួលបានពានកិត្តិយសមួយអមដោយប្រាក់រង្វាន់២០លានរៀល៕
អត្ថបទ៖ ផា រតនា
រូបថត៖ TV NNP
ជនចំណាកស្រុកជាង១ម៉ឺននាក់បានស្លាប់ក្នុងឆ្នាំ២០២៤ ដោយសារការឆ្លងសមុទ្រទៅអេស៉្បាញ
ក្រោយប្រើជាង២៤០ឆ្នាំ អាមេិកទើបសម្រេចដាក់ឥន្ទ្រីក្បាល ស ជាសត្វតំណាងជាតិផ្លូវការ
នៅមណ្ឌលគីរី ម្ចាស់អាហារដ្ឋានមួយចំនួនសន្យាមិនដំឡើងថ្លៃសម្រាប់ភ្ញៀវទេសចរមកលេងកម្សាន្តពេលឆ្លងឆ្នាំ
មនុស្ស ១២ប្រភេទ មិនគួរយកខ្លួនបៀត ឬជួយដាច់ខាត
Agoda៖ វៀតណាមក្លាយជាទិសដៅទេសចរណ៍ឆ្លងឆ្នាំដ៏ពេញនិយមមួយ សម្រាប់ភ្ញៀវអន្តរជាតិ
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១៨ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ