ក្រោយបែកពី Matt គេសង្ស័យពោះម៉ាយ Songkran លួចទាក់ទងតារាស្រីវ័យក្មេងម្នាក់

បែកបាក់ជាមួយអតីតគូស្នេហ៍ Matt ទើបជាង ១ខែប៉ុណ្ណោះ ពោះម៉ាយ Songkran ត្រូវមហាជនចាប់បានតម្រុយមួយចំនួនបញ្ជាក់ថា លោកកំពុងលួចបង្កាត់ភ្លើងស្នេហ៍ជាមួយតារាសម្ដែងវ័យក្មេងម្នាក់។

អ្នកជំនួញហាយសូរ Songkran Techanarong ត្រូវបានគេសង្ស័យថា កំពុងមានទំនាក់ទំនាក់ស្នេហាជាសម្ងាត់ជាមួយតារាសម្ដែង Mind Naphasasi បន្ទាប់ពីលេចរូបភាពពួកគេបណ្ដើរគ្នាទៅគ្លីនិកថែរក្សាសម្រស់មួយ។

តាមរយៈសារនៅលើបណ្ដាញ Instagram របស់គ្រូពេទ្យម្នាក់ដែលធ្វើការគ្លីនិកថែរក្សាសម្រស់នោះ គាត់បានបង្ហោះរូបថតជាមួយតារា​ស្រី​ Mild និង​រូបរបស់គាត់ជាមួយ Songkran ។ នៅពីលើរូបថត គ្រូពេទ្យបានសរសេអរគុណ Songkran និងបាន tag ឱ្យ Mind ដែលទៅប្រើប្រាស់សេវាកម្មនៅទីនោះ។ ក្នុងសារសរសេរថា “អរគុណ Songkran និងអូន Mild ដែលជឿជាក់លើគ្រូពេទ្យថែរក្សាសក់របស់ខ្ញុំ។ ថ្ងៃនេះខ្ញុំរីករាយណាស់ដែលបានជួបអ្នក” ។

ទោះយ៉ាងណា សារនេះត្រូវបានលុបចេញបន្ទាប់ពីបង្ហោះមិនបានប៉ុន្មានម៉ោង ដោយគ្រូពេទ្យម្ចាស់គណនីបានលុបរូបតារាសម្ដែង Mild និងបានប្ដូរខេបសិនវិញថា “​អរគុណ​លោក Songkran ដែល​ជឿជាក់​លើ​​គ្រូពេទ្យ​ថែរក្សា​សក់​ខ្ញុំ​” ។

ត្បិតថាពេលនេះម្ចាស់ខ្លួនទាំងពីរព្យាយាមលាក់បាំងទំនាក់ទំនងរបស់ពួកគេ ប៉ុន្តែទស្សនិកនៅតែជឿជាក់ថាពួកគេកំពុងទាក់ទងគ្នាមិនខាន៕

ប្រែសម្រួល៖ សន្យា

ចុចអាន៖ Taew តបយ៉ាងត្រជាក់ ជុំវិញពាក្យស្ដីបន្ទោសថា នាងលែងខ្វល់ពីម្ដាយ

ចុចអាន៖ ឃើញ Matt បង្ហោះរូបដើរលេងនៅជប៉ុន ហ្វេននាំគ្នាចាប់អារម្មណ៍នឹងបុរសម្នាក់