សហគមន៍អ្នកស្រឡាញ់ភេទដូចគ្នា ខឹងសំបារឪពុករបស់ Justin Bieber ចំពោះការរើសអើង

យោងទៅតាម Page Six បានបានរាយការណ៍ឲ្យដឹងថានៅលើ Twitter លោក Jeremy Bieber ជាឪពុករបស់ Justin Bieber បានចែករំលែករឿងកំប្លែងអ្នកស្រលាញ់ភេទដូចគ្នានៅទង់ជាតិឥន្ទធនូជាមួយនឹងចំណងជើងដ៏រសើប ថា “កុំភ្លេចអរគុណបុរសពិតប្រាកដនៃខែនេះសម្រាប់ជីវិតរបស់ពួកគេ” ។

នៅក្នុងការបង្ហោះមួយផ្សេងទៀតរបស់ឪពុករបស់តារាចម្រៀងរូបនេះបាននិយាយថា ការផ្តល់កិត្តិយសដល់គ្រួសារគឺចាំបាច់ ប៉ុន្តែគាត់បានបង្កប់ន័យថាសហគមន៍ LGBTQ+ មិនសមនឹងបានគេ ប្រារព្ធធ្វើឡើយសូម្បីតែក្នុងអំឡុងខែ មោទនភាពក៏ដោយ។ សេចក្តីថ្លែងការណ៍នេះត្រូវបានរិះគន់យ៉ាងខ្លាំងពីអ្នកនិយមលែងអ៊ីនធឺណិត ។

ជាមួយគ្នាការបង្ហោះត្រូវបានលុបចោល ប៉ុន្តែភាពចម្រូងចម្រាសជុំវិញសេចក្តីថ្លែងការណ៍របស់ Jeremy កំពុងតែផ្ទុះឡើង។ ភាគច្រើនបានរិះគន់លោក Jeremy ថាជាមនុស្សអាក្រក់ ដែលធ្វើឲ្យ ប៉ះពាល់ដល់កេរ្តិ៍ឈ្មោះកូនប្រុសលោក ក្នុងនោះក៏មានអ្នកលេងអ៊ីនធឺណិតបានបញ្ជេញមាតិថា”កុំភ្លេចអរគុណ Justin Bieber ក្នុងខែនេះសម្រាប់វិក្កយបត្រដែលគាត់បានបង់” ចំណែកអ្នកខ្លះទៀតលើកឡើងថា “បាទ អរគុណអ្នកដែលបោះបង់ចោលមនុស្សស្រីដើម្បីចិញ្ចឹមកូនតែម្នាក់ឯង ” ។

ទន្ទឹមនឹងនេះសាររបស់លោក Jeremy គឺកាន់តែមានកាតរិះគន់ខ្លាំង ដោយសារតែខែមិថុនា ត្រូវបាន ចាត់ទុកថាជាខែមោទនភាព ដែលជាឱកាសមួយសម្រាប់សហគមន៍ LGBTQ+ ជុំវិញពិភពលោក ដើម្បីអបអរភាពចម្រុះភេទ និងយល់ដឹងអំពីសុខភាពផ្លូវភេទ។

យ៉ាងណាមិញ ក្រោយពីការខឹងសម្បារនិងរិះគុណជាច្រើនឪពុករបស់ Justin Bieber បានចេញមកសុំទោសជាសាធារណៈ ប៉ុន្តែសហគមន៍អ្នកស្រឡាញ់ភេទដូចគ្នាមិនពេញចិត្តនឹងការសុំទោសនេះ ទេ។ បច្ចុប្បន្ន Justin Bieber មិនបានធ្វើការអត្ថាធិប្បាយអ្វីឡើយចំពោះការរើសអើងរបស់ឪពុកខ្លួន ដែលបានធ្វើឲ្យមហាជនមានការភ្ញាក់ផ្អើលនោះទេ ៕

ប្រែសម្រួល៖នាងតូច

ចុចអាន៖Shawn Mendes និង Camila Cabello បែកបាក់ជាលើកទីពីរ ក្រោយត្រូវគ្នាបាន ៦ សប្តាហ៍