អ្នកគាំទ្រសរសើរសម្រស់ Patricia Good ជិតដល់ថ្ងៃសម្រាលហើយ នៅតែ​ខ្ញង់​ដដែល

តារាសម្ដែង Patricia Good សល់តែប៉ុន្មានថ្ងៃទៀត​ប៉ុណ្ណោះ​អ្នកម្ដាយ​ថ្មីថ្មោង​រូប​នេះ​កៀក​ថ្ងៃ​សម្រាល​ហើយ ខណៈនាពេលថ្មីៗនាងបង្ហោះរូបភាពយ៉ាង​ស្រស់ស្អាត បង្អួតភ្នែកមហាជនលើបណ្ដាញសង្គម។

តារាសម្ដែង Patricia Good បាន​បញ្ចេញ​រូបភាព​ដ៏ស្រស់ស្អាតច្រើនសន្លឹក​តាមរយៈ Instagram ផ្ទាល់ខ្លួន ធ្វើ​ឲ្យ​មហាជន​ចូល​មក​បញ្ចេញ​មតិ​យ៉ាងច្រើន​​ថា​ មនុស្ស​ឬ​ទេវតា កាន់តែជិតគ្រប់ខែ​កាន់តែ​ខ្ញង់​លើសក្រមុំទៀត។ លើសពីនេះមហាជនមួយចំនួនធំនិយាយដូចៗគ្នាថា ភរិយា​អ្នក​ជំនួញ​ហៃសូ Note Wiset​ ពរពោះស្អាតខុសគ្នាឆ្ងាយកាលនៅ​លីវទៀត ​គ្មាន​អ្នកណា​ជិតសម្រាលហើយរិតតែស្អាតនោះទេ។

យ៉ាងណាមិញកាលពីថ្មីៗនេះដែរ តារាសម្ដែង Patricia Good បានបង្ហោះរូបភាពមួយសន្លឹកជាមួយនឹងស្វាមី និងកូនស្រីក្នុងផ្ទៃដែលកំពុងគ្រប់ខែក្នុងខែនេះ និងកំពុងរង់ចាំថ្ងៃសម្រាល។ ជាមួយនឹងរូបភាពមុនថ្ងៃសម្រាល Note Wiset​ ដាក់ដៃលើប្រពន្ធពីក្រោយខ្នង ហើយដៃម្ខាងទៀតកាន់ទារកក្នុងផ្ទៃ ស្របពេលដែល​អ្នក​ទាំង​ពីរ​សម្លឹង​មើល​គ្នា​យ៉ាង​ផ្អែមល្ហែម។​ ក្នុងនោះអ្នកម្ដាយថ្មីថ្មោងរូបនេះបានសរសេរខេបសិនថា ​”ម៉ាក់មកថតរូបទុកឲ្យហើយ ដោយមានប៉ាៗមើលថែរម៉ាក់”៕

ប្រែសម្រួល៖ សាង ស្រីល័ក្ខ

ចុចអាន​៖Nadech ទម្លាយមនុស្សនៅពីក្រោយចំណងស្នេហ៍រឹងមាំជាមួយ Yaya ឈានដល់ ១២ ឆ្នាំ