ក្លិប Al-Hilal ដាក់រ៉ាដាលើ Neymar ដើម្បីប្រជែងក្លិបរបស់ Ronaldo

ក្លិប​អារ៉ាប៊ីសាអូឌីត Al-Hilal បានដាក់គោលដៅនាំ​យក​ខ្សែប្រយុទ្ធសញ្ជាតិប្រេស៊ីល Neymar បន្ទាប់ពីបរាជ័យក្នុងការនាំយក Lionel Messi សម្រាប់​ត្រៀមរដូវកាលថ្មី ២០២៣-២៤ ដើម្បីប្រជែងជាមួយក្លិប Al-Nassr។

យោងតាមការផ្សាយរបស់ CBS Sports ថា តំណាងក្លិប Al-Hilal ស្ថិតនៅក្នុងទីក្រុងប៉ារីស ប្រទេសបារាំង កំពុងព្យាយាម​រៀបចំកិច្ចព្រមព្រៀង និងផ្តល់តម្លៃពលកម្មខ្ពស់ដល់កីឡាករបាល់ទាត់ថ្លៃបំផុតរបស់ពិភពលោក Neymar។

ម្ចាស់មូលនិធិវីនិយោគសាធារណៈរបស់ក្លិប​បាន​ដាក់គោលដៅក្នុងការប្រកួតប្រជែងជាមួយក្លិប Al-Nassr ដែលបាននាំចូលកីឡាករ Cristiano Ronaldo និងកីឡាករសំខាន់ផ្សេងទៀតមកកាន់ក្លិប ប្រសិនបើពួកគេអាចបញ្ចុះបញ្ចូល Neymar ឲ្យបោះបង់អាជីពនៅអឺរ៉ុប។

ក្រោយពីការផ្ទេរមកកាន់ក្លិប Paris Saint-Germain កាលពីឆ្នាំ ២០១៧ កីឡាករសញ្ជាតិប្រេស៊ីលបានស៊ុតបញ្ចូលទី៨២គ្រាប់ក្នុងការបង្ហាញខ្លូនចំនួន ១១២ ប្រកួត។

កីឡាករ Neymar ជាគោលដៅទី២ បន្ទាប់ពីពួកគេបរាជ័យក្នុងការនាំយកកំពូលកីឡាករ Lionel Messi មកចូលរួមជាក្លិប ដោយសារប្រធានក្រុមអាហ្សង់ទីន Messi បានសម្រេចចិត្តទៅចូលរួមក្លិបអាមេរិក Inter Miami៕

ប្រែសម្រួល៖ ផា រតនា
ប្រភព៖ Dailymail